Adituek frankismoaren biktimentzako kalte-ordaina aztertzeko eskatu du Legebiltzarrak
Memoria Historikoaren euskal Legea onartzen denean, aditu talde bat osatzea eskatu dio Eusko Legebiltzarrak Jaurlaritzari, Gerra Zibileko (1936-1939) eta frankismo garaiko biktimek jaso beharreko kalte-ordainak azter ditzan.
Eskaera gaurko osoko bilkuran onartu du Ganberak, EH Bilduk proposatutako eta Elkarrekin Podemosek babestutako ekimen baten harira. Koalizio subiranistak honakoa eskatu du bere proposamenean: sei hilabeteko epean, biktima horiei zuzendu beharreko erreparazio neurri ekonomikoak zehaztuko lituzkeen ikerketa egitea.
Proposamen hori, ordea, ez da aurrera atera, kontra bozkatu baitute EAJk, PSE-EEk eta PPk. Horren ordez, Jaurlaritza osatzen duten bi alderdiek babestutako zuzenketa bat atera da aurrera. PPk zuri bozkatu du, eta EH Bilduk eta Elkarrekin Podemosek, kontra.
Memoria Historikoaren lege proposamena "lehenbailehen" Ganberan izapidetzea eskatu dute testuan. Jaurlaritzak irailaren 24an onartu zuen aurreproiektua, Gerra Zibileko zein frankismoko biktimak aitortu eta erreparazioa ematea du helburu.
Aurreproiektu horrek aurreikusi duenez, legea onartu eta gero txosten bat egingo dute biktimei zuzendu beharreko kalte-ordainak zehazteko.
Legebiltzarrak gaur onartutako testuak aditu talde bat eratzea ere eskatu dio Jaurlaritzari, eta urtebeteko epea eman dio horretarako (betiere, legea onartu ondotik kontatuta). Talde horrek zehaztuko ditu erreparazio ekonomikoaren nondik norakoak.
Taldeen adierazpenak
Eztabaidan zehar, Jule Arzuaga EH Bilduko legebiltzarkideak gogor egin du Jaurlaritzaren lege-egitasmoaren kontra, "anbizio bakoa eta hutsa" dela argudiatuta. Arzuagak kritikatu duenez, kalte-ordainak Gogora Institutuak egindako txosten baten arabera zehaztuko dituzte.
Joseba Diez EAJko ordezkariaren esanetan, Jaurlaritza lege "integral" bat lortzeko lanean ari da, eta eztabaida "txosten jakin baten" baitara mugatzea egotzi dio EH Bilduri. Biktimen defentsan koalizio abertzalearen "leziorik" onartzeko prest ez daudela esan du, gainera. "Demokrazia defendatu zuten gudariak ETA talde terroristaren kideekin alderatu dituzue", salatu du EH Bilduri zuzenduta.
Arzuagaren ildotik mintzatu da Jon Hernandez Elkarrekin Podemosen legebiltzarkidea. Kritikatu duenez, "legeak ez baditu espresuki kalte-ordainak zehazten, Gogora institutuak esandakoaren araberakoak izango dira".
Miren Gallastegi PSE-EEren ordezkariaren hitzetan, frankismoko biktimen "aitortza eta erreparazio" prozesua burutu behar da, bereziki alderdi batzuek memoria historikoaren kontrako aldarria darabilten honetan. Dena dela, azpimarratu du Jaurlaritzaren lege proposamenak kalte-ordainak aurreikusiko dituela.
Azkenik, Carmelo Barriok (PP) EH Bildu izan du jomuga bere agerraldian. Koalizioak proposatutako sei hilabeteko epea hizpide, "presak onak ez" direla nabarmendu du eta gai honetan "protagonismoa" bilatzea egotzi dio.
Zure interesekoa izan daiteke
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.
Monica Garciak ukatu egin du Ceutan osasun-kolapsorik dagoenik, eta pilaketen arriskuaz ohartarazi du
Osasun ministroak azken 15 egunetan 5.800 migratzaile artatu dituztela azaldu du, eta arrisku sanitario eta epidemiologikoak prebenitzeko gune gehiago eskatu ditu.
PPk gobernatutako autonomia-erkidegoek uko egin diote Ceutako adingabe migratzaileen arreta hurrengo Sektore Konferentzian eztabaidatzeari
Abuztuaren 27ko Sektore Konferentzia izango da Ceutan atzerritarren sarrera masiboa izan zenetik egingo den lehena. Ceutarako 25 milioi euroko aparteko kredituaren transferentzia ere aztertuko dute, bakarrik dauden adingabe migratzaileen arretari lotuta.
Ceutako adingabeak familiekin elkartzea defendatzen du Euskadik, banatu beharrean
Haur, Nerabe eta Familien zuzendariak esan duenez, Euskadik "ez du onartuko inposatutako, inprobisatutako edo bermerik gabeko deribaziorik", eta gogorarazi du EAEk dagoeneko bere ahalmenaren gainetik hartzen dituela adingabeak.
Marlaskak segurtasun neurriak indartu ditu Ceutan, eta Marokorekiko lankidetza aldarrikatu du
Barne ministroak iragarri duenez, 45 polizia gehiago bidaliko dituzte Ceutara, herritarren segurtasuna indartzeko asmoz. Oraindik ez da erabat berreskuratu normaltasuna hirian, nahiz eta modu irregularrean sartu ziren migratzaile gehienak itzuli.
Sei atxilotu Gasteizen, Espainiako selekzioaren kamiseta zeraman gazte bati eraso egiten saiatzea egotzita
Futboleko Munduko Txapelketa baino egun batzuk lehenago gertatu omen zen. Atxiloketetako bat astelehenean izan zen, eta beste bostak asteartean.
Nafarroako Gobernuak larrialdiko 2. maila ezarri du eklipsea dela eta
Foru Gobernuak Larrialdietarako Aholku Batzordea ere eratu du, eta 1.165 kidek osatutako segurtasun-dispositiboa jarriko du martxan.
Ertzaintzako sindikatuek agenteen aurkako erasoak gaitzetsi dituzte, bitarteko gehiago eskatuz
ErNE, Euspel eta Sipe sindikatuek salatu dutenez, polizia bati eraso egitea ezin da "normal" bihurtu. Hortaz, "babes instituzionala" eta lantaldea indartzea eskatu dute.
Bilboko aireportuak ausazko kontrolak egiten dizkie Italiatik datozen bidaiariei, gorabeherarik gabe
Neurria larunbat honetan aktibatu da, eta irailaren 7ra arte iraungo du, Italiako Gobernuak Espainiatik datozen bidaiarientzako Schengen eremua bertan behera uzteko dekretuari erantzuteko.