Rosa Roderok eta Axun Lasak presoen aldeko martxaren manifestua irakurriko dute
Urtarrilaren 11an, Bilbon, 'Orain presoak' lelopean, egin beharreko manifestazioan "presoentzako irtenbide bat" eskatuko dio Sarek Espainiako Gobernu berriari. Rosa Roderok, Joseba Goikoetxea ETAk hildako Ertzaintzako sarjentuaren alargunak, eta Axun Lasak, Joxean Zabala GALeko biktimaren arrebak, amaierako mezua irakurriko dute.
Joseba Azkarraga Sareko bozeramaileak, Bego Atxa Sareko kideak, Michel Berhokoirigoin bakearen artisauak eta Anaiz Funosas Bake Bidea plataformako ordezkariak agerraldia egin dute Donostian. Mobilizazioaren xehetasunen berri eman dute. Baionan egun berean egingo dute, 'Ez dezagun historia errepikatu' lelopean.
Deialdi bikoitzaren helburua "euskal presoen senideei" babesa adieraztea da "oraindik indarrean dagoen sakabanaketa politikaren aurrean", Sareko bozeramaileak azpimarratu duenez. "Giza eskubideak bere burua demokratikotzat duen edozein sistemaren giltzarri dira", gogorarazi du.
Erantsi duenez, Bilboko martxan "Espainian datozen egunetan osatuko den Gobernu berria ispilu aurrean jarri nahi dute; nahiz eta errealitatea ezkutatzen saiatu, euskal gizarteak gero eta barneratuago duelako". Bestalde, Baionan “Frantziako Gobernuari gure haserrea erakutsiko diogu, parte-hartze oso anitzarekin, bidezko bake iraunkor baten alde".
"Arazoaren konponbidea ez da zertan biktimen kontrakoa edo kalterako izan behar", esan du Azkarragak. Gobernu zentral berriaren osaketarekin “gehiengo sozial, politiko eta sindikala baliatu behar dugu, Madrilgo politikariek konpondu gabeko arazoa agendan jartzeko”, nabarmendu du. “Elkarbizitzan aurrera egin ahal izateko konponbidea ezinbestekoa da”, azpimarratu du.
Era berean, "Parisen negoziazioak berriz abiatzeko" garaia dela aldarrikatu du. Helburua "historia ez errepikatzea da, aurrera egin eta datozen belaunaldiei etorkizun hobeago bat utzi", gaineratu duenez. Horregatik, Bizkaiko hiriburuan gazteak izango dira manifestazioaren buruan.
Joseba Azkarragak goraipatu duenez, amaierako manifestuak "herri honetan izan diren indarkerien biktimek", bi emakumek, irakurriko dute. "Senide baten galerak eragiten duen sufrimendua zuzenean bizi izan dute, indarkeriaren ondorioz" eta "gorrotoak eta mendekuak gizarterik eta herririk eraikiko ez dutela oso argi dute, guztiz kontrakoa", erantsi duenez.
Azkarragaren hitzetan, Roderok eta Lasak "inork beraien izenean hitz egiterik ez dute nahi", ezta "euren atsekabea alderdikeriaz erabiltzerik" ere. "Ahanzturarik gabe eraiki nahi dute, gorrotorik gabe bidean aurrera egin", azpimarratu du.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.