Alonso: "Ciudadanosekin ituna sinatzeko muga foralitatearen defentsa da"
Alfonso Alonso Euskadiko PPren lehendakarigaiak hauteskunde koalizioak osatzeko oraindik hamar egun falta direla adierazi du, Ciudadanosekin koalizio bat eratzeko hartu-emanei dagokienez.
Ciudadanosen itunarekin "nazionalismoa derrigorrezkoa izateari uko egiten diotenen botoak mobilizatu eta elkartzea irabaziko dugu', baina argi utzi du "proiektu politikoa negoziatzea dela muga, foraltasunaren eta Kontzertu Ekonomikoaren defentsarekin oso lotuta'.
Radio Euskadiko 'Boulevard Informativo' irratsaioan Alfonso Alonsok azaldu du, "EAEko PPk babesten ez banau, ez nintzateke aurkeztuko".
PPren hautagaitza erabakitzeko aukerei dagokienez, lehendakarigaiak adierazi du ez duela Rosa Diezekin hitz egin, baina EAEn Konstituzioa defendatzeko aintzat hartzen duela azpimarratu du.
Iñigo Urkullu lehendakariak deitutako hauteskundeen aurrerapenari buruz, Alonsok Urkulluk inorekin hitz egin gabe gobernatu nahi duela nabarmendu du. "Ez zaio Legebiltzarrean azalpenak ematea gustatzen" azpimarratu du eta behera etorri den Zaldibarko zabortegiaren harira sortu den krisia dela eta, gertatutakoa azaltzeko agerraldia egin beharko duela adierazi du: "ematen du gauzak ez direla behar bezala egin".
Aznar eta Rajoy PPren 'B kutxaren kasua'n lekuko gisa ikustean transmitituko den irudiaz galdetuta, Alonsok "prozesu judizial irekiek islatzen duten normaltasun irudi bat da" erantzun du.
Pili Zabalak Legebiltzarrean indarkeriaren eta terrorismoaren biktimak erdigunean jartzen dituen lege proiektu bat aurkeztu du, biktima guztiek erreparazio eta errekonozimendu bera izan behar dutela adieraziz. Alfonso Alonsok "Pili Zabalaren anaiari gertatutakoa gaitzesgarria izan zen, terrorismo bidegabe baten biktima izan zen" azaldu du, baina zailtasuna "kalte-ordaina jaso nahi denean eta biktimei buruzko Europako hitzarmenak talde terrorista baten parte diren terrorismoaren biktimei bidea irekitzen ez dienean" da.
Zure interesekoa izan daiteke
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.