Espetxeak aurten eskualdatzea adostu dute Jaurlaritzak eta Espainiako Gobernuak
Gernikako Estatutua osorik betetzeko falta diren 32 transferentzia eskualdatzeko egutegia adostu dute gaur Carolina Darias Lurralde Politikako ministroak eta Josu Erkoreka Gobernantza Publiko eta Autogobernuko sailburuak, Iñigo Urkullu lehendakaria bertan zela. Horren arabera, espetxeetako transferentzia urtea amaitu baino lehen geratu beharko litzateke EAEren esku. Zehatz esanda, eskualdaketa ekainean abiatuko dute, eta prozesua abendurako egon beharko litzateke amaituta.
Gizarte Segurantzaren erregimen ekonomikoari dagokionez, gaur adostutako kronogramak ez du eskualdatze datarik ezarri, baina horren inguruko "azterketa" 2021eko abendurako egitea jasotzen du.
Bileraren ondotik hedabideen aurrera azaldu dira Carolina Darias ministroa eta Josu Erkoreka sailburu eta bozeramailea. Biak ala biak pozarren agertu dira eskuduntzen gaian "aurrera egin" delako. Erkorekaren hitzetan, gaurkoa "egun garrantzitsua da, lehen aldiz lan-kronograma bat dugulako egiteke dauden eskumen guztiak Euskadira transferitzeko".
Gizarte Segurantzaren erregimen ekonomikoa
Kronogramak eskualdatzeke dauden 32 eskumenak aipatzen ditu, lau bloketan banatuta. Gizarte Segurantzaren erregimen ekonomikoaren transferentziarena salbu, gainerako guztietan zehaztu dute eskualdatzeko prozesuaren hasiera eta bukaera data.
Darias ministroak azaldu duenez, Gizarte Segurantzaren gaia "oso korapilotsua" da eta horregatik erabaki dute geroratzea. "Egutegi errealista bat nahi genuen", azpimarratu du. Dariasen esanetan, Toledoko Itunaren batzordearen lanen baitan dago Gizarte Segurantzaren kudeaketa ekonomikoaren eskuduntzan aurrera egitea: "Eskuduntza hori epe nahikoarekin aztertzeko proposamena egin diogu Jaurlaritzari, Toledoko Itunean akordioa aurreratuta dagoenean helduko diogu. Pisuzko argudioa da".
Erkorekak aitortu duenez, "Jaurlaritza ez dago ados proposamen horrekin. Bat egiten dugu eskumen hori jaso behar zela eta alde horretatik ontzat hartzen dugula lehen aldiz horren aipamena jaso izana, baina ikusiko dugu zelan garatzen den". Bestalde, ukatu du eskualdatze horrekin "kutxa bakarra hautsiko" dela (hori salatu du PPk), eta Gernikako Estatutua osorik betetzea dela auzia.
Lehen transferentziak, martxorako
Lehen blokean Dariasen eta Erkorekaren aurreko bileran, otsailaren 5ekoan, itxitako transferentziak jaso dituzte. Alegia, eskola-aseguruen, farmazia-produktuen eta enplegu-erregulazioko espedienteak eragindako langileen erretiroen aurreko laguntzen gaineko eskumenak. Martxorako egongo dira EAEko erakundeen esku (Transferentzien Batzorde Mistoa hilaren 16an bilduko da).
Bigarren blokeak 11 gai biltzen ditu, eta horien negoziazioa ekainean hasiko da, Eusko Jaurlaritza berria eratu ostean. Abendurako transferentzia horiek adostea da asmoa. Bigarren multzo hori osatzen dute, besteak beste, espetxeen kudeaketa, aseguruetako eskumenak, segurtasun zerbitzu pribatuak edo meteorologia.
Hirugarren blokeak 17 eskumen izango ditu. 2021eko urtarriletik aurrera landuko dira eta ekainean akordio batera iristea aurreikusi dute. Multzo honetan interes orokorreko aireportuen eta portuen eskumenak nabarmentzen dira.
Eusko Jaurlaritzak eta Espainiako Gobernuak laugarren bloke baterako utzi dute Gizarte Segurantzaren kudeaketa ekonomikoa (2021eko ekainetik abendura arte).
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.