Nafarroa fasekako irteeran "erkidego pilotua" izatea proposatu du Chivitek
Maria Chivite Nafarroako Gobernuko presidenteak Foru Erkidegoa "erkidego pilotua" izatea proposatu du, "alarma-egoeratik faseka ateratzeko" prestatzen ari den taldean.
"Gure osasun sistemaren bilakaeragatik, gure sistemaren erantzunagatik eta gure Osasun Publikoaren Institutuaren esperientziagatik, ekarpen garrantzitsua egin dezakegula uste dugu, alarma-egoeraren hurrengo agertokian lan egiten ari baikara", esan du Chivitek.
Chivitek Pedro Sanchez Espainiako Gobernuko presidenteari egin dio proposamena, Espainiako gobernuburuak erkidegoetako presidenteekin igandean egin duen bileran. Bestalde, maskarak oro har erabiltzeko beharra ezarriz gero, osasun txartel bidez erosi ahal izatea proposatu du presidenteak. Era berean, osasun materialaren horniduraren garrantzia azpimarratu du, eta Estatuak funtsezkotzat jotzen dituen ekoizpen jarduerak "malgutu" izana azpimarratu du.
Agertokia egonkortu egin da
Maria Chivitek azaldu duenez, koronabirusak kaltetutakoen datuen arabera, "agertokia egonkortu egin da", eta astean zehar "% 10etik beherako" eta azken egunetan "% 5etik beherako" hazkundeak izan direla gaineratu du.
Era berean, ospitaleetako eta zainketa intentsiboen unitateetako oheen okupazio tasa "presio txikiagoarekin" dagoela adierazi du. Heriotza datuak "gogorrak" izaten ari direla onartu badu ere, "bide positibotik goaz, eta egunez egun ematen ari garen datuekin sendotzea espero dugu", gaineratu du.
Horren harira, gaineratu du une honetan 90 pertsona daudela zainketa intentsiboen unitatean eta Nafarroak 120 plaza izateko gaitasuna duela. Hori dela eta, "gurea ez da kolapso egoera, eta ospitaleratzeen eta zainketa intentsiboen unitateen tentsio hori jaisten ari da".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.