Margoa eta paskinak bota dituzte Idoia Mendiaren etxeko atean
Erradikal batzuek margo gorria eta Patxi Ruiz ETAko presoaren aldeko panfletoak bota dituzte astearte gauean Idoia Mendia PSE-EEko idazkari nagusi eta lehendakarigaiaren etxearen aurrean, Bilbon. Ruiz gose- eta egarri-greban dago.
PSE-EEk berak "faxistatzat" jo du gertaturikoa; izan ere, "ETAren eta haren inguruaren jazarpenetara eta mehatxuetara eramaten gaitu".
PSE-EEren iturriek jakinarazi dutenez, paperetan ondorengo mezuak agertu dira: "Patxi Ruiz gose- eta egarri-greban", "Idoia Mendia eta PSOE hiltzaileak", eta "Amnistia osoa".
Panfletoak botata, ekintza egin dutenek margo gorria bota dute Mendiaren eta haren senarraren etxeko atariaren aurrean. Alfonso Gil Bilboko alkateordea da Idoia Mendiaren bikotekidea.
Azken astean, ezker abertzalearen sektore disidenteak pintaketak egin ditu, antzeko mezuekin, EAJren hamaika batzokitan eta PSE-EEren eta Podemos Euskadiren zenbait lokaletan. Alderdi horiek EH Bilduri eta Sorturi eskatu diete jendaurrean gaitzesteko ekintza horiek.
Sare sozialen bidez, Iñigo Urkullu lehendakariak Mendiaren etxebizitzaren aurkako erasoa bezalako gertaerak "barkaezinak, justifikaezinak eta onartezinak" direla adierazi du, baita "horren aurreko isiltasuna" ere, ezker abertzaleari erreferentzia eginez.
Foro Sozial Iraunkorrak egindakoa bezalako erasoek zaildu egiten dutela ETAko presoentzat "konponbiderako" akordioa lortzea uste du.
Txio batean, Foro Sozialak alderdi politikoen "aho bateko erantzuna" baloratu du. "Horrelako ekintzek zaildu egiten dute adostasunak ezartzea, presoei konponbide integrala emateko. Konponbideen garaia da", gaineratu du.
Alderdi guztiek ekintza salatu dute
Andoni Ortuzar EAJren EBBko presidenteak "mespretxua" agertu die Mendiaren etxebizitzari eraso egin dioten "euskal faxistei eta abertzale faltsuei", eta ekintza horren egileek "iragan beltzera" itzuli nahi gaituztela adierazi du. Twitter bidez zabaldutako mezu batean, jeltzaleak "babesa eta gertutasuna" adierazi die PSE-EEko idazkari nagusiari, bere familiari eta euskal sozialistei, eta "iragan negargarri batera itzuli nahi gaituzten faxista eta abertzale faltsu horiei mespretxua eta gaitzespena" adierazi die. "Ez dute lortuko, ez diegu utziko", ziurtatu du.
Maddalen Iriarte EH Bilduko bozeramaile eta lehendakarigaiak babesa adierazi dio Idoia Mendiari, eta adierazi du horrelako ekintzek ez dutela "bakerako bidean aurrera egiten laguntzen". Twitterren argitaratutako mezu batean Iriartek adierazi duenez, "bakearen eta bizikidetzaren eraikuntzan aurrera egiteko urrats sendoak eman behar dira, eta gaurkoa bezalako ekintzek ez dute horretan laguntzen; urrundu egiten gaituzte".
Ana Viñals Elkarrekin Podemosek Bilboko Udalean duen bozeramaileak adierazi duenez, horrelako erasoek "gizartea zatitzen dute eta demokrazia murrizten dute". Twitterren bidez, Viñalsek babesa helarazi dio Mendiari. "Egon gaitezen egungo egoerak eskatzen duen mailan eta aurrera egin dezagun gure herrialdeko bizikidetzarantz", gaineratu du.
Carlos Iturgaiz PP+CS koalizioko lehendakarigaiak gertatutakoa "onartezina eta nazkagarria" dela azpimarratu du. Twitter bidez zabaldutako mezu batean adierazi duenez, "gizarte honen zepa diren ezker abertzaleko proetarrek egin dituzte egunotako ekintzak", PSE-EEren, EAJren edo Elkarrekin Podemosen egoitzen aurka egindako erasoei aipamen eginez.
Asteazkenean, Patxi Ruizen aldeko kartelak, Mendiaren etxe aurrean
Asteazken honetan, gertakariak jazo eta ordu batzuetara, Patxi Ruiz ETAko presoaren aldeko kartelak zeramatzaten autoen ilara bat Idoia Mendiaren etxearen aurrean ibili dira, Bilbon.
Arratsaldeko zortziak jota gertatu da. Ertzaintza eta Udaltzaingoa autoen ilara zaintzen ari ziren, eta Bilbotik ibili da; ibilbidean, Mendiaren etxea ere sartu dute.
Bertatik igaro denean, ibilgailuak gelditu egin dira, eta klaxona jo dute. Autoetan, presoaren aldeko kartelak zeuden.
Albiste gehiago politika
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.