Patxi Ruizen aldeko pintaketak egin dituzte bost batzokitan eta PSEren egoitza batean
Ezezagun batzuek Patxi Ruiz gose eta egarri greban dagoen presoaren aldeko pintaketa gehiago egin dituzte astearte goizean PSE-EEren egoitza batean eta Bizkaiko eta Gipuzkoako hainbat batzokitan, aurreko astean hainbat alderdik jasan dituzten antzeko erasoen zerrenda luzatuz.
Zehazki, Bilboko Begoña eta San Ignazio auzoetako batzokietan, Donostiako Altza auzokoan eta Bizkaiko Arrankudiaga eta Basauri udalerrietako batzokietan egin dituzte pintaketak goizaldean.
Txurdinagako PSE-EEren egoitzan, "Patxi Ruiz gose greban. Amnistia" irakur zitekeen pintaketa batekin hasi dute eguna. Horrez gain, Sabindarrak Batzokian (San Ignazio) ezezagun batzuek "hiltzaile" hitza idatzi dute atean, presoaren aldeko mezuez gain, Alfonso Gil Bizkaiko hiriburuko zinegotzi sozialistak sare sozialen bidez salatu duenez.
Erandioko Batzokian ere presoaren aldeko pintaketak egin dituzte, Patxi Ruiz gose eta egarri greban dagoela gogora ekarriz eta euskal presoentzako amnistia eskatuz. Halaber, Altzako eta Arrankudiagako batzokietan ere pintaketak egin dituzte.
Horrela, dagoeneko hogei dira azken egunotan erasoa jasan duten EAJren egoitzak, Patxi Ruiz presoak gose eta egarri greba hasi zuenetik haren alde hasitako kanpainaren baitan.
EAJren, PSE-EEren eta Podemos Euskadiren egoitzen aurka egin dituzte horrelako ekintzak, ezker abertzalearekiko disidentea den Amnistiaren Aldeko eta Errepresioaren Kontrako Mugimenduak hasitako kanpainaren barruan, Patxi Ruizi babesa adierazteko helburuarekin.
Jazarpen kanpaina horren baitan, Idoia Mendia PSE-EEko idazkari nagusiaren etxebizitzari ere eraso zioten, eta banketxe bateko kutxazaina erre zuten, Euskadiko hainbat herritako hiri-altzarietan eta autobusetan pintaketak egiteaz gain.
Zure interesekoa izan daiteke
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.