Patxi Ruiz presoa espetxetik ateratzea eskatu du mobilizazio egunak
Murtzian gose greban dagoen Patxi Ruiz ETAko presoaren aldeko mobilizazio eguna deitu du Amnistiaren aldeko eta Errepresioaren aurkako Mugimenduak Euskal Herriko hiriburuetan.
Baionan hasi dute protesta sorta arratsaldean, eta azkena Donostian izan da. Normaltasunez, arazorik gabe egin dituzte martxak, segurtasun indarren begiradapean.
Ehunka lagun –500 inguru, Udaltzaingoaren arabera—manifestatu dira larunbat honetan Bilboko kale nagusietan maiatzaren 11az geroztik Murcia II kartzelan gose greban dagoen Patxi Ruiz presoaren alde. Euskal preso guztientzat amnistia aldarrikatu dute manifestariek.
Azken egunotako mobilizazioak deitu ditu Amnistiaren Aldeko eta Errepresioaren Kontrako Mugimenduak, eta baita gaurko manifestazioa ere. Euskal Herriko hiriburu guztietan deituta zegoen martxa, 'Patxi borrokan, herria ere bai! Amnistia osoa' lelopean, hain zuzen ere.
500 bat lagunek bat egin dute Bizkaiko hiriburuan izandako deialdiarekin, eta lelo hori zeraman pankarta batekin Bilboko Kale Nagusia zeharkatu dute, aurretik Ertzaintzako hainbat furgoneta eta Udaltzaingoko zenbait patruila zihoazela.
Ilara paraleloak egin dituzte manifestariek, eta hainbat oihu bota dituzte, besteak beste, "Patxi, gudari, herria zurekin", "Presoak kalera amnistia osoa", "Borroka da bide bakarra" eta "Herriak ez du barkatuko".
Iruñean, manifestazio batek Alde Zaharrean ibilbidea egin du. Protesta sare sozialen bidez deitu dute, eta Espainiako Gobernuak Nafarroan duen ordezkaritzari ez diote jakinarazi.
Gazteluko plazatik abiatu da manifestazioa. Bertan Espainiako Poliziaren zenbait furgonetan zituzten zain manifestariek.
Protesta San Frantzisko plazara heldu da, polizien begiradapean, eta manifestazioa inolako arazorik gabe desegin da.
Zure interesekoa izan daiteke
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean 87 urte zituela hil zen Iruñean, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.
Garaikoetxearen pasadizo ezezagunenak: 28 egunez Gasteizko kale batek haren izena izan zuen eta telefonoa ziztatu zioten
Artxiboko hainbat datu eta erreportajek agerian uzten dituzte lehendakariaren ibilbidean oso ezagunak ez diren gertaerak. Adibidez, Gasteizko kale batek haren izena izan zuen 28 egunez eta telefono linea ziztatu egin zioten.
Garaikoetxeak jasotako Euskadi eta gaurkoa: langabeziak behera egin du, eta hezkuntzak zein euskarak, hobera; baina gizartea zahartu egin da
Diktaduraren osteko lehen Eusko Jaurlaritzak oso bestelako gizartea kudeatu behar izan zuen. 1981ean, herritarren heren bat Euskaditik kanpo jaioa zen; 18 urtetik gorakoen erdiak ziren. Ume ugari zeuden: 14 urtetik beherakoak biztanleriaren % 24 ziren. Baina langabezia etengabe ari zen hazten.
Zuzenean: Carlos Garaikoetxeari agurra, Ajuria Enean
Euskal gizartearen ordezkaritza zabala bertaratuko da Gasteizera, Ajuria Enea jauregira, Carlos Garaikoetxea lehendakariari azken agurra emateko. Besteak beste, honakoak joango dira: Imanol Pradales lehendakaria, bere aurreko hiru agintariak, Eusko Legebiltzarraren presidentea eta Mahaiko kideak. Politikari eta herritar ugari ere bertaratuko dira.
Albiste izango dira: Carlos Garaikoetxeari agurra Ajuria Enean, hantabirus agerraldia eta Tubos Reunidosko langile eta zuzendarien arteko bilera
Gaurkoan Orain-en albiste izango direnen laburpena, bi hitzetan.
Ajuria Eneak ateak zabalduko ditu Carlos Garaikoetxeari agurra egiteko
Ondoren, hilkutxa Iruñeko hilerrira eramango dute, bere jaioterrira, eta bertan egingo dute hileta-elizkizuna. Horrela emango diote azken agurra demokraziako lehen lehendakariari. Ajuria Eneko hil-kapera zuzenean jarraitu ahalko da Orain-en eta ETB1en.
Dozenaka lagun, senide eta ordezkari politiko hurbildu dira Garaikoetxearen hil-kaperara, azken agurra ematera
Ajuria Enean jarriko dute hil-kapera, 1980tik 1985era Carlos Garaikoetxea lehendakariaren egoitza ofiziala izan zen jauregian, 10:00etatik aurrera. Arratsaldean, Iruñeko San Frantzisko parrokian egingo da hileta-elizkizuna.