EAJk, EH Bilduk eta beste zazpi alderdik politikarien espioitza ikertzea eskatu dute
EAJk, EH Bilduk, Unidas Podemosek, ERCk, Juntsek, CUPek, BNGk, Mas Paisek eta Compromisek eskaria erregistratu dute asteazken honetan, Diputatuen Kongresuan politikariei egindako espioitzaren gaineko ikerketa-batzordea sor dezaten; hain zuzen ere, eskaria da ikertzea "Estatuko egitura publikoen aldetik, zenbait lider politikori eta banako hainbat herritarri egindako espioitza eta pribatutasunean sartzea". Estatuko egitura publiko horiei, modu arruntean, "Estatuko estoldak" deitu diete.
Hain zuzen ere, asteartean eman zuten Roger Torrent Kataluniako Parlamentuko presidenteari ustez egindako espioitzaren berri, eta biharamunean erregistratu dute eskaria. Unidas Podemosek, bestalde, esana zuen asmoa zuela Kongresuan bultzatzeko, "Estatuko estoldak" izenekoen auzia sakonean ikertzea helburu; 'Villarejo auzia'rekin lotutako informazioak zituen hizpide Unidas Podemosek, hori iragarri zuenean.
Pablo Iglesias Espainiako Gobernuko bigarren presidenteorde eta Unidas Podemoseko liderrak duela bi aste iragarri zuen ekimen hau; izan ere, PPk, Ciudadanosek eta Voxek Iglesiasen agerraldia eskatu zuten, 'Villarejo auzia'ren 'Dina' piezan kaltetuaren egoera galduta. Pieza horretan, Dina Bousselham Iglesiasen aholkulari ohiaren mugikorraren lapurreta ikertzen ari dira.
Kongresuko Mahaiak Iglesiasek agerraldia egiteko eskaera horiek geldiarazi zituen, PSOEren eta Unidas Podemosen botoen bidez; izan ere, argudiatu zuten kontu “pribatua” dela, parlamentu-kontrolik zertan izan ez duena.
Bere garaian Iglesiasek ziurtatu zuenez, Kongresuan agerraldia egitekotan, "Estatuko estolden" funtzionamenduaren gaineko beste ikerketa-batzorde baten barnean izan behako litzateke. Batzorde horretan, hainbat kazetarik eta politikarik egin beharko lukete agerraldia; besteak beste, Mariano Rajoy Espainiako presidente ohiak, edo Soraya Saenz de Santamaria haren presidenteorde ohiak. Biak Espainiako Gobernuan zeudela, "PPk polizia- eta komunikabide-estolda sortu zuen, aurkari politikoei aipua kentzeko".
Azkenean, Unidas Podemosek asteazken honetan egin du eskaria formala, arestian aipatutako alderdi nazionalista eta independentistekin batera; idazkiaren hasieran, astearte honetan El Pais eta The Guardian egunkariek agerian jarritako Torrenten kasua nabarmendu dute.
Halaber, zehaztu dute "gauza jakina dela" egungo presidenteordeari, "bai eta enpresa-munduko ehunka pertsona ospetsuri ere", legez kanpoko jarraipena, espioitza eta monitorizazioa egin dietela "Departamentu publikoekin lotutako zenbait pertsonak".
Zure interesekoa izan daiteke
Auzitegi Nazionalak Belateko lanen esleipena ikertuko du
Koldo auziaren instrukzioaren ardura duen epaileak gaur jakinarazi du erabakia. UPNk eta PPk Maria Chiviteren dimisioa eskatu dute.
EAJren "legatua" bere egin nahi dutenei mezua, Estebanek: "Ez da oinordetzan hartzen, defendatu nahi izan ez zena"
Ekitaldi politikoa egin dute jeltzaleek Bilbon, Sabino Aranak EAJ sortu zuela 131 urte bete direnean. "Atzo mespretxatu zituenak, gaur ez du haien txapela janzteko eskubiderik", esan du, zuzenean aipatu gabe, baina EH Bilduri erreferentzia eginez.
Arabako Aldundiak Manzanosko saihesbidea ireki du eta herriko trenbide-pasaguneko trafikoa kendu
Arabako ahaldun nagusi Ramiro Gonzalezek eta Mugikortasun Jasangarriaren eta Bide Azpiegituren Saileko foru diputatu Jon Nogalesek Manzanosko saihesbidea inauguratu dute astelehen honetan. Proiektuak 3,8 milioi euroko inbertsioa izan du, eta horri esker, Añanako kuadrillako herri hori zeharkatzen duen trenbide-pasaguneko ibilgailuen trafikoa itxi egin dute.
Villarejoren defentsak dio Kitchen operazioa legezkoa izan zela
Komisario ohiaren defentsak ukatu egin du sarearen helburua Barcenas PPren diruzain ohiari alderdiaren material konprometituta lapurtzea zela, eta Barcenasi berari egotzio dio auzia sortzea, "komunikabideei begira". Fiskaltzak 19 urteko kartzela-zigorra ezarri nahi dio komisario ohiari.
Espainiako Gobernuak etxebizitzaren dekretua onartzea irailera atzeratu du, babes nahikorik ez duelako
Astearte honetan Ministroen Kontseiluan onartzekoa zen testuak Sumar, PSOE, EAJ, Junts eta Podemosen proposamenak biltzen ditu; besteak beste, alokairu-kontratuak luzatzea, lurzoruaren legea erreformatzea, pizgarri fiskalak ezartzea eta etxegabetzeak etetea.
Sanchezek adierazi du "ordu zailak" datozela suteen kudeaketan
Pedro Sanchez Espainiako Gobernuko presidenteak Vall d'Uixon (Castello) piztutako sutea kontrolatzeko Aginte Postu Aurreratua bisitatu du. Aipaturiko sutearen ondorioz, 6.500 hektarea erre dira eta 16.000 pertsona baino gehiago ebakuatu dituzte. Horrez gain, Serra d'Espada inguruan 65.000 pertsona konfinatu dituzte.
Klima larrialdiari aurre egiteko estatu ituna "lehentasun nazionala" dela adierazi du Sanchezek
Espainiako gobernuburuak babesleku klimatikoen sarearen aurkezpenean adierazi duenez, alderdi politikoei eta eragile sozialei behin eta berriz eskatuko die klima larrialdiari aurre egiteko estatu itunera batu daitezela.
Pedro Sanchez: "Larrialdi klimatikoak hil egiten du"
Babesleku Klimatikoen Sarearen aurkezpenean, Espainiako Gobernuko presidenteak adierazi du "udak gero eta gogorragoak, suntsigarriagoak eta hilgarriagoak" direla.
Biktimen ondorengoek eta Otxandioko Udalak sarraskiaren aitortza eskatu dute
Duela 90 urte, frankisten altxamendua izan eta lau egunera, Otxandio bonbardatu zuten. Gaur, eraso faxista hark hildako 61 pertsonak gogoratu dituzte herrian, horietako asko haurrak. Biztanleria zibilaren aurkako lehen aire-erasoa izan zen gerra hartan.
Pradalesek Agirre lehendakariaren "arrastoari eta balioei jarraitzeko" deia egin du
Imanol Pradales lehendakariak Jose Antonio Agirre lehendakariaren "bideari jarraitzeko" deia egin du. Haren baloreak eta haren lantaldeak erakutsitako umiltasuna eta egiteko modua eredugarri jo ditu Pradalesek.