Arizkuren “berehala” aske uztea eskatu dute, eritasun “larri eta sendaezina” duelako
Sare eta Etxerat euskal presoen aldeko kolektiboek Josetxo Arizkuren Kantauri preso iruindarra "berehala" aske uzteko eskatu dute, gaixotasun "larri eta sendaezina" duelako. Presoari ebakuntza egin zioten Murtzian, duela astebete bertako espetxean bihotzekoak eman ondoren.
Mikel Mundiñano eta Xochitl Karasatorre kolektiboetako ordezkariek eta Jaione Karrera presoaren abokatuak prentsaurrekoa eman dute Iruñean. Arizkurenekin hitz egiteko aukera izan du abokatuak. Karreraren hitzetan, “ondo dago”, baina kardiopatia iskemikoa du. Orain arte lau stent koronario jarri behar izan dizkiote. Abokatuaren esanetan, bihotzekoak berriro emateko “arriskua oso handia da".
Arreta mediko etengabea behar du, konfiantzazko medikuek emanikoa, eta senideak zein abokatuak gertu egon behar dira. Horregatik, Logroñoko kartzelara berehala eramateko eskatu dute. Orain dela gutxi lekualdaketaren berri eman zuen Espetxe Zuzendaritzak, baina oraindik ez dute eraman. Bidaia anbulantzian egitea eskatu dute, beharrizan medikoak artatzeko.
Era berean, aske uzteko eskatu du abokatuak, gaixotasun “oso larria” duelako. Bestalde, senideek edo presoak aukeratutako pertsonak egoera medikoaren berri izan ez dutela salatu du Karrerak. Horretarako eskubidea dutela gogorarazi du, baina “hasiera batean, ez zen horrela gertatu”.
Ospitalean dauden presoak bisitatzeko araudia eguneratu beharko litzatekeela uste du Karrerak, baita telefono deiei dagokiona ere.
Mundiñanok (Sare) eta Karasatorrek (Etxerat) azpimarratu dutenez, nahiz eta 62 urteko Arizkuren espetxez aldatzeko eta bigarren gradura pasatzeko erabakia hartu, “ez da nahikoa”, eta erabakia “berandu iritsi” da, osasun egoera ikusita “aske geratu behar delako”.
Elkarretaratzea astelehenean
Askatasuna aldarrikatzeko elkarretaratzea deitu dute astelehenerako, Espainiako Gobernuak Iruñean duen Ordezkaritza aurrean.
Azkenik, Euskal Herritik gertuago dauden espetxeetara presoak ekartzeko erabakien inguruan galdetu diete bozeramaileei. Mundiñanoren ahotan, “norabidea ona da, positiboa, baina ez da nahikoa”. “Preso guztiek jaioterritik gertu egoteko duten eskubidea behingoz egia bihurtu arte bidea egiten jarraitzeko” eskatu du.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.