Haien torturen jakitun zen galdetu diote Marlaskari Aztnugal auziko inputatuek
2011n Nafarroan atxilotu eta torturak salatu zituzten Aztnugal auziko bost kideek Fernando Grande-Marlaska Espainiako jarduneko Barne ministroari zuzendutako idatzi bat aurkeztu dute asteazken honetan. Horren bidez, Guardia Zibilak egindako tortura horien jakitun zen galdetu diote garai hartan auziaz arduratu zen epaileari.
Iñigo Gonzalezen tortura salaketa ez ikertzeagatik Estrasburgok Espainia zigortu eta hurrengo egunean iritsi da bost auzipetuek Barne ministroari egindako eskaera.
Auzipetuak Madrilera joan dira gaur bertan, Barne Ministerioan gutuna uzteko. Iñigo Gonzalezek jasandako tratu ankerraren, gizagabearen eta iraingarriaren berri zeukan galdetu diote, hain zuzen ere, Marlaskari gutun horren bidez.
Bost kideak Aztnugal auziagatik epaitu zituzten. Burlatan torturen aurka eta atxilotuen alde egindako pintada batek eman zion izena auziari, eta 10 urteko kartzela zigorra ezarri zieten hasiera batean bost auzipetuei, Ekinen parte hartu izanagatik.
Azkenean, baina, bi urteko espetxe zigorra ezarri zien epaileak, fiskalarekin akordioa adostu ostean. Indarkeria gaitzetsi eta ETAren talde politikoan parte hartu izana aitortu zuten guztiek.
Barne Ministerioaren atarian Gorka Mayo auzipetuak adierazi duenez, duela 10 urte bost kideak inkomunikatuta egon ziren eta "tortura basatiak" jasan zituzten.
Estrasburgok tortura horiek onartu dituela berretsi ostean, haserre agertu da gertakari horiekin lotuta aurkeztutako salaketak behar bezala ikertu ez dituztelako.
Zure interesekoa izan daiteke
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Eneko Andueza PSE-EEko idazkari nagusiak adierazi du EAJk "liskar artifiziala" sortu duela Aitor Estebanen inguruan adimen artifizialarekin sortutako irudiaren inguruan, lan eskaintza publikoetan euskararen inguruko akordioa alde batera utzi zuela estaltzeko.
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.
PSE-EEk hizkuntza eskakizunei buruzko eztabaida gelditzea eskatu du, gero eta "polarizazio" handiagoa dagoelako
Sozialistek hizkuntza-indizeak legez blindatzea proposatu dute, arnasguneetan izan ezik, eta EAJren proposamenean "justifikaziorik gabeko gehiegikeriak" egon daitezkeela ohartarazi dute.
Josu Aztiria (EH Bildu): "EAJk ez digu proposamenik aurkeztu; gainera, abstentzio akritikoa nahi dute, eta ez dugu ulertzen"
EH Bilduren legebiltzarkidea Euskadi Irratian izan da, besteak beste, Euskal Enplegu Publikoaren Legeari buruz hitz egiteko. EAJren planteamendua "ez da serioa", haren ustez. "Atzo, negoziaziorik gabe, jakin genuen abstenitu gaitezela eskatzen dutela. Guk duela hilabete pasatu genien gure proposamena, eta ez dugu erantzunik izan", azpimarratu du.