Euskal Herrian torturak eragindako mina aitor dezala eskatu dio EH Bilduk Sanchezi
Milaka euskal herritarrek torturak jasan dituztela aitor dezala eskatu dio gaur Mertxe Aizpurua EH Bilduko bozeramaileak Pedro Sanchez Espainiako Gobernuko presidenteari, horrek bakearen eta bizikidetzaren eraikuntzan beste aurrerapauso bat ematen lagunduko duela iritzita.
Mikel Zabalzaren kasuari buruz asteon Publico egunkariak argitaratutako grabazio baten ondotik egin dio eskaera hori. Audio horretan Luis Alberto Perote koronela eta Pedro Gomez Nieto Guardia Zibilaren kapitaina entzuten dira hizketan. Gazte nafarra Intxaurrondoko kuartelean torturapean hil zela onartzen dute.
"Beste gatazka eta herrialde batzuetan egin duten moduan, jakin nahiko nuke zu izango zaren aurrerapauso garrantzitsu bat emanda, milaka euskal herritarrek tortura jasan zutela aitortuko duen presidentea", esan dio Aizpuruak Sanchezi.
Pandemiak eragindako krisiari dagokionez, Aizpuruak autogobernu gehiago eskatu du, Eusko Jaurlaritzak eta Nafarroako Gobernuak osasun larrialdiari eta krisi sozio-ekonomikoari aurre egiteko tresna guztiak erabiltzeko aukera izan dezaten.
Txertaketa planari dagokionez, enpresa-farmazeutikoen "txantajeari" aurre egin diezaiola exijitu dio Sanchezi, dosi gehiago jaso ahal izateko eta txertaketa prozedura azkartzeko. Ildo horretan, Aizpuruak gogor kritikatu ditu protokoloak urratuta covid-19aren kontrako txertoa hartu duten politikarien eta goi-karguen jarrera.
Osasun egoerak nolabaiteko hobekuntza izan duen arren, pandemiak gizartea gogor kolpatu duela eta krisiari aurre egiteko, besteak beste, banketxeei eta errenta altuenak dituzten pertsonei zergak igotzea ezinbestekoa dela azpimarratu du.
Halaber, ekonomia suspertzeko bidean "inor atzean ez uzteko" zer egingo duen argitu dezala galdegin dio Aizpuruak, lan-erreforma baliogabetu gabe, alokairuaren prezioa mugatu gabe, gutxiengo soldata igo gabe eta kolektibo zaurgarrienei zuzendutako laguntza sozialak indartu gabe hori bermatzea ezinezkoa izango dela ohartarazita.
Amaitzeko, Aizpuruak gogoratu dio EH Bilduren konpromisoa ezkerreko politika egitearekin lotuta dagoela, "eta Espainiako Gobernuarekin". Gobernuak neurri progresistak ezartzen baditu, koalizio soberanistak "eskuzabaltasunez" jokatuko duela berretsi du.
Zure interesekoa izan daiteke
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.