Urkullu: "Arazoak izan ditugu, guztiek bezala, baina erantzun dugu"
Covid-19 pandemiaren 12 hilabeteetan zehar krisiari aurre egiteko kudeaketa arazoak izan direla onartu du Iñigo Urkullu lehendakariak, baina Eusko Jaurlaritzak “erantzun” du.
Lehendakariak Maddalen Iriarte EH Bilduko bozeramaileak egindako galderari erantzun dio Eusko Legebiltzarreko kontrol saioan.
Senideren bat galdu edo ospitaleratze luzeak pairatu dituzten pertsonei elkartasuna eta enpatia azaldu die Urkulluk. Birus ezezagun eta “oso larri” baten aurkako borroka etengabea izan dela azpimarratu du EAEko buruzagiak.
“Hamabi hilabete hauetan arazo ezezagunei aurre egin behar izan diegu, eta lana etengabea izan da”, nabarmendu du.
Zailtasun bakoitzaren aurrean, erakundeek konponbide bat eman behar izan dute, erantsi duenez. “Arazoak izan ditugu, guztiek bezala, eta izango ditugu, baina erantzun dugu”, azpimarratu du.
Arazoen zenbait adibide jarri ditu agintariak, besteak beste, osasun materiala. Martxoan eta apirilean norbera babesteko ekipamenduak, arnasgailuak, maskarak eta probak egiteko gaitasuna eskasak ziren, baina Osakidetzak bere baliabideekin erantzun zuen hondamendia saihestuz, nabarmendu duenez.
Hezkuntzan, ikasturte honetan aurrez aurreko eskolak bermatu dituzte, eta ekonomia eta enplegua astindu dituen krisiari aurre egiteko pizgarriak eta baliabideak bideratu dituzte, gogorarazi duenez.
Pandemian zehar erakutsitako jarrera “negatiboa” aurpegiratu dio Urkulluk EH Bilduri; Madrilen Europako funtsen inguruko estrategia espainiarrari babesa ematen zion bitartean, Euskadin Jaurlaritzaren jarrera kritikatu zuelako.
Gainera, koalizioak Madrilen bizitzeko gutxieneko diru-sarrera babestu zuen, EAEren eskumenak urratzea axola gabe, deitoratu duenez.
EH Bilduk jarrera “positibora” aldatzea espero du Urkulluk. Bi aste barru koalizioarekin bilduko dela aurreratu du lehendakariak.
Pandemian zehar Eusko Jaurlaritzaren kudeaketa zalantzan jarri du Iriartek. Osasun langileak itota daudela eta zaintza sektoreak eraldaketa bat behar duela esan du koalizioko ordezkariak.
Era berean, txertaketa prozesua kritikatu du. “Txerto gehiago jarri, jende gehiagori eta azkarrago”, eskatu du Iriartek.
Bestalde, Carlos Iturgaiz PP+Cs koalizioko bozeramaileak Eusko Jaurlaritzaren “desordena, kaosa eta inprobisazioa” kritikatu ditu, krisiak astindutako sektoreak babesik gabe utzi dituelako. Euskadik “txertaketa erritmorik okerrena” izatea salatu du Iturgaizek. “Biztanleak baino 300.000 osasun txartel gehiago daude”, esan du.
Azkenik, lehendakariari erabakiren bat egokia izan ez dela entzun ez izana deitoratu du Amaia Martinez Vox ultraeskuineko alderdiaren legebiltzarkide bakarrak. Negozioen itxierarekin eta konfinamenduarekin “milaka pertsona” krisira zigortzea leporatu dio Urkulluri.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.