EH Bildu: "EAJk Iriarteri eginiko akusazioak datu ofizialek gezurtatzen dituzte"
EH Bilduk ohar batean berretsi egin du "Jaurlaritzak 110.000 txerto inguru dituela gordeta, jarri gabe", Maddalen Iriartek atzo Legebiltzarrean lehendakariari esan bezala, eta, hortaz, EAJk arratsaldean koalizioaren bozeramaileari egin zion "akusazio faltsua" errefusatu egin du.
Jeltzaleek 'fake news' zabaltzea leporatu zioten Iriarteri, "datu ofizialek azken honek emandako datuak berretsi baino ez egin arren". "EAJk jakin beharko luke akusazio faltsuen bidez errealitatea ukatzeak ez duela errealitatea aldatzen, ez eta txertaketa erritmoa eta Gobernuaren kudeaketa hobetzen ere", erantsi du koalizioak.
"EAJk Maddalen Iriarteri eginiko akusazioak datu ofizialek gezurtatzen dituzte", azpimarratu du EH Bilduk, eta "gezurrak esateari uzteko" exijitu die jeltzaleei. EH Bilduren hitzetan, "EAJ gezurra da esatera ohitu da datu objektiboek haren kudeaketa txarra agerian uzten dutenean, baina hori modurik onena da pandemiaren aurkako borrokan porrot egiten jarraitzeko".
"Datuak hortxe dauden, begien bistan, eta, akusazioak akusazio, Estatu espainolean EAE da txerto gutxien jartzen dituen erkidegoa", azpimarratu du.
"Osasun Ministerioak egunero argitaratzen dituen datu ofizialek (COVID-19 txertaketa txostena (Informe vacunación COVID-19 (mscbs.gob.es)) nor bere tokian jartzen dute eta, hala, EAJren akusazioak gezurtatu egiten dituzte", zehaztu du EH Bilduk.
Ministerioak atzo bertan emandako azken datuen arabera, "Urkulluren Gobernuak 248.460 txerto jaso ditu, baina 155.955 baino ez ditu jarri, eta bi egun lehenago 136.036 ziren jarritako dosiak", Legebiltzarrean Iriartek ohartarazi zuenez.
"Euskal gizarteak behar duen Gobernua ez da datu ofizialak gezurra direla esaten duena datu horiek haren kudeaketa txarra agerian uzten dutenean", kritikatu du koalizioak.
"Tamalez, EAJ horretara ohitu dela dirudi; dituen ardurak bere gain hartu beharrean, baloiak kanpora botatzeari ekiten dio, batzuetan, atzo bezala, akusazio faltsuak eginez, baina hori biderik onena da birusaren aurkako estrategian porrot egiten jarraitzeko", gogorarazi du.
Hori guztia dela eta, EH Bilduk EAJri exijitzen dio "gezurrak esateari eta akusazio faltsuak botatzeari uzteko eta txertoak ahalik eta azkarren jartzeko lanari ekiteko".
Zure interesekoa izan daiteke
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.
Adin txikikoei zezen-ikuskizunetan parte hartzeko aukera emango dien legea onartu du Legebiltzarrak
Ganaduzaleek araua txalotu duten bitartean, talde animalistek esan dute "atzerapausoa" dela eta aurreratu dute auzitara joko dutela.