Andueza: "ETA gaur gure bizitzan ez badago demokraziak garaipena lortu zuelako da"
Arnaldo Otegi EH Bilduko koordinatzaile nagusiak Diario Vasco egunkarian egindako adierazpenak gogor kritikatu ditu Eneko Andueza Gipuzkoako PSE-EEren idazkari nagusiak. “Ezker abertzaleak egindako autokritikaren frogarik argiena bide politikoen alde egindako apustua da”, esan du Otegik. Adierazpenek “ezinegon handia” eragin diotela azaldu du Anduezak, “euskal gizarteaz barre egiten ari delako”. “ETA gaur gure bizitzan ez badago demokraziak garaipena lortu zuelako da”, azpimarratu du buruzagi sozialistak.
EH Bilduko buruzagiaren ahotan, ezker abertzaleak “autokritika baino gehiago egin du”, “ETAren indarkeria armatua ekuaziotik atera duelako”.
ETAk Juan Priede Orioko zinegotzia duela 19 urte hil zuen. PSE-EEk omenaldia egin dio. “Euskadiko eta Espainiako gizartearen zati batek ETA garaitu zuen”, aldarrikatu du Anduezak. “Ezker abertzaleak bide politikoen aldeko apustua egitea beste erremediorik ez zuen izan, behartuta zegoelako”, erantsi duenez. Anduezaren hitzetan, “Zuzenbidezko Estatu demokratikoaren tresnek egin zuten posible”, nabarmendu du.
“Gaur, ETA desagertu zenetik hamar urte bete direnean, gogoraraztea eta indartsu esatea komeni da, inork Euskadin gertatutakoarengandik oso urrun dagoen kontakizuna egin edo berridatzi ez dezan”, gaineratu du.
Bestalde, buruzagi sozialistaren hitzetan, Priedek “balio sozialisten onena” ordezkatzen du; izan ere, gizon “umila zen, aurrerapauso bat eman eta bere herriarekin konpromisoa hartzea erabaki zuena, zinegotzi ez abertzale bakarra izan zelako, herrikideen bizi-kalitatea hobetzeko helburuarekin”.
Zentzu horretan, hil baino egun bat lehenago Juan Priedek “Froilan Elespe alderdikidearen eta lagunaren hilketaren aurreneko urteurrenean parte hartu zuen”, eta “egun bat geroago” ETAk bera hil zuen, gogorarazi duenez.
Besteak beste, Priederen hiru seme-alabak Ana Priede Orioko zinegotzi sozialista, Juan Carlos eta Javier; Idoia Mendia lehendakariordea; Jose Ignacio Asensio ahaldunordea; Harkaitz Millan Kultura, Kirola eta Gazteria diputatua; Miguel Angel Morales PSE-EEko Antolakuntza idazkaria eta Jesus Eguiguren PSE-EEk presidente ohia omenaldian izan dira, baita beste zinegotzi eta batzarkide sozialista batzuk ere.
Zure interesekoa izan daiteke
Pradalesek gehiengo sindikala hartuko du, gutxieneko soldataren negoziazioa eta Osakidetzaren gatazka mahai gainean direla
11:00etan Garbiñe Aranburu LABen idazkari nagusiarekin bilduko da, eta 12:30ean, Mikel Lakuntzarekin (ELA). Sindikatu abertzaleok oso kritiko mintzatu dira Jaurlaritzarekin, eta Confebasken menera aritzea leporatu diote.
Lehen sektoreari eta Arabako Errioxari babesa agertu diete alderdiek
EH Bilduk sektorearen eta erakundeen artean "partekatutako" estrategia baten alde egin du. PSE-EEren aburuz, "Arabako Errioxa klima aldaketaren aurrean babesteko fronte bat" eratu behar da. PPk uste du landa eremua "abandonatuta" dagoela, eta egoera aldatzeko ekimenak agindu ditu.
Faxismoaren aurkako manifestazio jendetsua Donostian
Ernaik 4.000 lagun bildu ditu Gipuzkoako hiriburuan 'Euskal Herria irabaztera' lelopean. Kontxako banderaren bigarren jardunaldiaren amaierarekin bat egin du protestak.
Rego ministroak erantzukizuna eskatu die autonomia erkidegoei adingabe migratzaileak Ceutatik penintsulara eramateko
Gazteria eta Haurtzaro ministroak azaldu duenez, 2.100 haur migratzaile daude hirian. Asko "oso egoera gogorretatik" ihesean iritsi dira bertara, besteak beste, "sexu-indarkeriatik edo derrigorrezko ezkontzetatik".
Manifestazioa Itsasun, Iparretarrak taldeko kide baten omenezko murala ezabatzeko aginduaren kontra
Frantziako Gobernuko ordezkariak Iparretarrak talde armatuko kide ohi baten murala ezabatzeko agindua eman ostean, gaur Itsasun, Lapurdin, ehunka lagun kalera atera dira erabaki hori gogor kritikatzeko. Ez dago argi Udalak noiz ezabatuko duen Txomin Olhagaray Iparretarrak taldeko kidea irudikatzen duen margoa. Manifestariek adierazi dute artelan bat baino ez dela eta noizbait liburuak ere erreko ote dituzten galdetu dute.
Irene Monterok primario ireki batzuetara aurkeztuko du bere burua Podemosen hautagaia izateko hauteskunde orokorretan
Ministro ohiak ezker alternatiboa gidatu nahi du, Sumar, IU, Mas Madrid eta Comunsek osatutako koalizioak oraindik hautagairik ez duen testuinguruan.
Javier de Andres Euskadiko PPko presidenteak Eusko Jaurlaritzaren espetxe politika kritikatu du
Euskadiko PPko presidente Javier de Andresek Alderdi Popularreko Belaunaldi Berriek antolatutako jardunaldi baten amaieran parte hartu du larunbat honetan, Bilbon. Bertan, Eusko Jaurlaritzaren espetxe politika kritikatu du, eta Henri Parot ETAko buruzagi ohiari hirugarren gradua eman izana aurpegiratu dio.
Eneko Andueza, PSE-EE: "Goazen lehentasun sozialetara"
Euskadiko sozialisten burua Abantoko Burdin Jaian egon da, eta adierazpenak egin ditu bertan bildutako kazetarien aurrean. Lehentasun identitarioen gainetik, bere alderdiak lehentasun sozialak lehenetsiko dituela azaldu du.
Tropa frankistek Errenteria okupatu zutela 90 urte bete direla eta, ekitaldia egin du Udalak
1936ko irailaren 13an sartu ziren indarrez Beorlegi koronelaren tropak. Gertakariok eta ondoren jazotako sarraskia gogoan, lore eskaintza eta minutu bateko isilunea egin dute gaur, Udalak antolatuta.
Richar Vaquero: "Ezkerraren batasunaren alde lan egiten jarraituko dugu"
Richar Vaquero Podemos Euskadiko koordinatzaile nagusiak larunbat honetan abiatu du alderdiaren Herritarren Kontseilu Autonomikoaren urte politiko berria. Lehenengo bileran adierazi duenez, Podemosek "euskal errealitatea batu, ilusioa piztu eta eraldatzeko gai izango den blokea eraiki" nahi du.