Kongresuak errefusatu egin du Mikel Zabalzaren kasua berriro irekitzera behartzea
Kongresuko gehiengoak atzera bota du Mikel Zabalzaren kasua berriro irekitzeko egindako eskaera. Zabalza nafarra 1985an hil zen Guardia Zibilak atxilotu ostean, eta EAJk proposatu du Espainiako Gobernuak Fiskaltza auzia berriro irekitzera behartu dezala.
Zabalza itota hil zen zulo bat erakustera zihoala ihes egin zuenean, Guardia Zibilak emandako bertsioaren arabera, baina orain gutxi zabaldutako audio batzuetan agerian geratu da Intxaurrondoko kuartelean jasotako torturengatik hil zela, familiak 35 urtez salatu duen moduan.
Hori dela eta, EAJk Fernando Grande-Marlaska Barne ministroari galdetu zion gai honen inguruan aurreko astean, eta gaur mozio bat aurkeztu du Espainiako Gobernuak kasuari buruzko dokumentazioa argitara eman dezan.
PSOEk zuzenketa bat aurkeztu dio EAJren ekimenari, testua aldatuta: "Gobernuak delituak egon daitezkeen kasuak aztertzeko eskumena duten botere publikoei eskatzen die sakon azter dezatela, Mikel Zabalza gazte nafarraren heriotzaren inguruan egia jakin dadin".
Baina EAJk ez du zuzenketa onartu, Aitor Esteban bozeramaileari "hutsala" dela iruditu baitzaio, "hitzetatik ekintzetara" igaro behar den honetan.
"Ez da nahikoa esatea, Grande-Marlaska ministroak egin zuen moduan, hau auzitegien kontua dela. Poliziak ez du ikertzen? Ezin dira argitaratu kasuari buruzko dokumentuak? Ez du egingo PSOEk eta Podemosek osatutako Gobernuak?", galdetu du Estebanek.
Gainera, gogorarazi du Lasa eta Zabalaren kasuetan ere Auzitegi Gorena izan zela, "lotsagatik", egia azalerazi zuena.
Gemma Urquijo diputatu sozialistaren ustez, baina, zuzenbide-estatuak egin zuen bere lana eta duela gutxi argitaratutako audioak Justiziaren esku jarri ziren 2004an, baina auzitegiek atzera bota zuten horien erabilgarritasuna.
EAJrekin eta bere "etsipen sentimenduarekin enpatizatu" arren, Urquijok botere banaketa aldarrikatu du, eta froga berriak agertuz gero Justiziak aurrera egingo duela esan du.
Kongresuko eztabaidan, diputatu batzuek (EH Bildukoek, CUPekoek eta ERCkoek) torturen erabilera salatu dute, eta gogorarazi dute Espainia hamaika aldiz zigortu duela Giza Eskubideen Europako Auzitegiak horiek nahikoa ez ikertzeagatik.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.