Lehendakaria: "Ezin esan Espainiako Gobernuak AHTaren lanez egindako kudeaketa egokia izan denik"
Iñigo Urkullu lehendakariak nabarmendu duenez, "ezin esan Espainiako Gobernuak AHTaren lanez egindako kudeaketa egokia izan denik, atzerapen garrantzitsuak izan baitira".
EH Bilduk azpiegitura horren inguruko galdera egin dio Urkulluri, Eusko Legebiltzarrean goizean egin duten Kontrolerako saioan. Unai Fernandez de Betoño legebiltzarkideak lanotan izandako atzerapen eta "ez betetzeak" kritikatu ditu. Horrez gain, AHTak diru-kutxa publikoari egiten dion "zuloa" salatu du. Zehaztu duenez, "6.500 miloi euro" gastatuko dituzte lanotan, eta horietatik 2.300 milioi gainkostuak izango dira.
Erantzunean, Europako Kontu Auzitegiak 2020an egindako auditoretza bat gogora ekarri du lehendakariak. Horren arabera, 13 urteko atzerapenarekin helduko da Euskal Y-a.
Dena den, koalizio subiranistak azpiegitura horren kontra izan duen jarrera ahotan hartu du lehendakariak: "Ez dut inoiz ere ulertu. Eta are gutxiago ulertzen dut zuon koalizioa obra hauek ordainduko dituen aurrekontu batzuk babestea".
Bestalde, lanotan Espainiako Gobernuarekin adostutako kudeaketa-mandatuen (Jaurlaritzak egiten ditu lanak, eta gero gastatutakoa Kupoaren bidez kobratzen du) "eraginkortasuna" defendatu du Urkulluk. Gogorarazi duenez, horrela ari dira Gipuzkoako zatia egiten, eta hala egingo dute Bilboko eta Gasteizko sarbideetan ere.
Azkenik, Urkulluren aburuz, "desiragarria" litzateke EH Bilduk Inaxio Uriaren hilketa gaitzestea (ETAk hil zuen, haren enpresa AHTaren lanak egiten ari zenean), baita proiektuan parte hartu duten enpresen kontrako "sabotaje eta mehatxuak" ere. Horiek ere lanak "atzeratu eta garestitu" dituztelako, nabarmendu duenez.
Albiste gehiago politika
Anduezak Pradalesi esan dio "aukera ona" duela "Goiari esateko iraina ez dela bidea"
Radio Popularri eskainitako elkarrizketa batean, Donostiako alkateak astelehen honetan berari zuzendutako kritiken inguruan hitz egin du Eneko Anduezak. PSEko buruak EAJri koalizioa "arriskuan" jartzeaz ohartarazi zion igandean, "EH Bildurekin identitate-akordioak bilatzen jarraitzen" bazuen; horri buruz Euskadi Irratian galdetuta, Andueza "ahobero" bat zela iritzi zion Goiak astelehenean.
Pisu turistikoei buruzko Lege Proposamena onartzeko beharrezko babesa lortzea espero du EH Bilduk
Arratsaldean, Kongresuak, EH Bilduren Lege Proposamena eztabaidatuko du, plataformei legez kanpoko edo lizentziarik gabeko pisu turistikoak kontratatzea eta iragartzea debekatzeko. Eginez gero, milioi bat euro arteko isunak ezartzea jasotzen du proposamenak.
Estebanek erakundeen egonkortasuna zalantzan jartzea eta "beharrezkoa ez den" mesfidantza sortzea egotzi dio Anduezari
Anduezak egin berri dituen adierazpenak "lekuz kanpo" daudela adierazi du Estebanek, eta gehitu du tentsioa eta mesfidantza sortzen dutela. Horren aurrean, zehaztu du Eusko Jaurlaritza "ondo" ari dela lanean, eta euskararen arloan, lan-eskaintza publikoetan euskara eskatzeari dagokionez, PSE-EErekin "akordio handi bat" lortzeko aukera dagoela sinetsita dago Esteban.
Pradalesek eta Chivitek lankidetza protokoloa sinatuko dute ostiralean, Osasun, Industria Eraldaketa, Kultura eta Euskara arloetan
Gobernu Kontseiluaren osteko prentsaurrekoan, Maria Ubarretxena Eusko Jaurlaritzaren bozeramaileak azaldu du onartu egin dutela Eusko Jaurlaritzaren eta Nafarroako Gobernuaren arteko lankidetzarako protokolo orokor bat.
Epaileak Abalos eta Koldo Garcia deitu ditu berriro
Leopoldo Puente Auzitegi Goreneko magistratuak Jose Luis Abalos ministro ohia eta haren aholkulari ohi Koldo Garcia berriro deklaratzera deitu ditu, urriaren 15ean eta 16an, hurrenez hurren.
Eneko Goia: "Eneko Andueza ahobero hutsa da"
Donostiako alkateak Eneko Andueza sozialisten idazkari nagusiak atzo esandakoa gezurtatu egin du. Alegia, jeltzaleek EAJ eta PSEren arteko koalizioa arriskuan jarriko dutela, EH Bildurekin politika identitarioak ezartzeko akordioak bultzatzen jarraitzen badute. Eneko Goia baikor agertu da, Gobernu Programa arazorik gabe betetzen ari delako.
Begoña Gomez ez da epailearen aurrean aurkeztuko, bigarrenez
Irailaren amaieran gertatu bezala, Pedro Sanchezen emazteak uko egin dio epailearen aurrean agertzeari, eta abokatua joango da haren ordez. Helburua da Gomez herri-epaitegi batek Gomez epaitzea, diru publikoa bidegabe erabiltzea egotzita.
Otxandianok dio PSE-EE "funtsezkoa" dela, eta estatusari eta euskarari buruzko akordioen parte izan behar duela
EH Bilduk Eusko Legebiltzarrean duen bozeramailearen ustez, EAJk eta PSE-EEk duten itun instituzionalak "ez du oinarririk; funtsezko eztabaidetan arrakalak dira nagusi".
Gasteiz jendez gainezka, Gobernu Irekirako Aliantzaren IX. Goi-bilera Globala dela eta
Nazioarteko hitzorduaren bederatzigarren edizioan 200 aditu, lider politiko eta aktibista izango dira ostiralera arte Arabako hiriburuan.
Bayrouren kide eskuinzaleek jarraituko dute Frantziako Gobernu berrian
Sebastien Lecornu lehen ministroak iragarri du hainbat ordezkari mantenduko dituela Gobernuan; alegia, François Bayrouren kabinetean zeudenak. Erabakiak oposizioaren erreakzioa ekarri du.