Atutxa: "Sortuk erailketen gaineko errefusa eta hausnarketa etiko-moral errealik egin gabe jarraitzen du"
Itxaso Atutxa Bizkai Buru Batzarreko presidenteak Radio Euskadin egin dioten elkarrizketan Sorturi buruz esan du, "orain publikoki harritzen bagara ere", ezker abertzalea "instituzionalizatzen ari dela lehendik ere ezagun zena", hau da, Sorturen "borrokaren beso politikoaren eta ETAren ekintza militarraren arteko sinbiosia". Hala mintzatu da David Pla Sorturen zuzendaritzan sartzeari buruz galdetu diotenean.
Hil berri den Antton Troitiñori egindako omenaldiei buruz, edota Mikel Albisuri epaitegietara iristean emandako txaloei buruz esan du, eta irudiak "gogorrak" iruditzen zaizkiola. Onartu duenez, "egia da zigorra bete duenak eskubide guztiak dituela indarrean, baina uste dut hor kontu etikora itzultzen gara". Izan ere, bere ustez, Sortuk "biktimen minarekin bat egiten du, baina hiltzeak ekarri zuenari buruzko errefusa eta hausnarketa etiko-moral errealik egin gabe jarraitzen du".
Bestalde, Atutxak baieztatu du oraingoz bere taldeak Gobernuaren, patronalaren eta CCOO eta UGT sindikatuen artean adostutako lan erreformaren aurka bozkatuko duela, ez delako lan-harremanen euskal esparrua sartu, eta, bere ustez, horrek lehentasuna izan behar du.
Babes hori aintzat hartzea "ez da Estatu osoan lor daitekeenaren gutxiespena, lan harremanen euskal esparru bat errespetatu behar dela argi uztea besterik ez da".
Covid-19aren pandemiari dagokionez, Atutxak uste du badirela pandemiaren aurka borrokatzeko zenbait neurri erkidego mugakideekin "koordinatu daitezkeenak eta koordinatu behar direnak", baina ohartarazi du "bizi dugun segurtasun juridikorik ezaren" ondorioz, legegintza-esparruak batzuetan ezin duela neurririk hartu "modu bizkorrago batean eta segurtasun juridikoarekin".
Zure interesekoa izan daiteke
Lehendakaria agintaldiko politika orokorreko bigarren eztabaida prestatzen ibili da alderdikideekin
Bere agintaldiko politika orokorreko bigarren eztabaidari helduko dio bihar, osteguna, Imanol Pradalesek. Bertan, ekonomian jarriko du arreta, nazioarteko testuinguru korapilatsuaren eta inflazioaren igoeraren aurrean. Herritarrak kezkatzen dituzten beste arazo batzuk ere hartuko dituzte hizpide; hala nola etxebizitza, osasuna, hezkuntza, segurtasuna eta immigrazioa.
Espainiako Estatuaren egoera politikoa aztertu dute EH Bilduk eta ERCk Bilbon, aldebiko bilera batean
EH Bilduren ordezkaritzaren buru Arnaldo Otegi idazkari nagusia izan da, eta ERCrena, Oriol Junqueras presidentea. Koalizio abertzalea beste herrialdeetako alderdi subiranistekin eta Espainiako Estatuko ezker konfederalarekin egiten ari den aldebiko bilera-sortaren barruan kokatzen da gaurko hitzordua.
Melgosak migrazio-eskumenak eskatu ditu, kudeaketak bertan egiteko ahalmena izateko
Nerea Melgosa Ongizate, Gazteria eta Erronka Demografikoko sailburuak egiturazko plan bat eskatu dio Espainiako Gobernuari, "inprobisatzeari" utz diezaion. Era berean, gogorarazi du Euskadi solidarioa dela, baina migrazio-eskumenak transferitzea beharrezkoa dela.
Esteban, Anduezaren kritikei buruz: "Hauteskundeak hurbil daude, PSEk indartsu ikusten gaitu eta arrazoi dute"
Euskadi Irratian egindako elkarrizketan Aitor Esteban EAJren EBBko presidenteak adierazi du 2027ko hauteskundeen "aurrekanpaina giroa" aurreratu egin dela, eta "PSE horretan buru-belarri" ari dela.
Albiste izango dira: kontrolerako saioa Kongresuan, Chiviteren azalpenak Belateri buruz eta Zinemaldiko izarrak iristear
Gaurkoan Orain-en albiste izango direnen laburpena, bi hitzetan.
Madrilgo Ramon y Cajal Ospitalean itxaron-zerrendak manipulatu dituztela salatu dute
'El País' egunkariak argitaratu duenez, ebakuntzen itxaron-zerrendan zeuden herritarren lehentasuna aldatzea agindu zuten ospitaleko bi arduradunek, zirujaurekin hitz egin gabe.
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".