Feijook Voxetik bereizi nahi du orain: "Hobe da Gobernua galtzea populismotik irabaztea baino"
Alberto Nuñez Feijoo PPko buruzagia izango denak Voxetik urrundu nahi izan du ostiral honetan. Populismoarekin gobernatzea errefusatu du Feijook. Hala ere, Alderdi Popularrak Gaztela eta Leongo koalizioa defendatu du.
PP zuzentzeko hautagai bakarrak Alfonso Fernandez Mañuecoren eta Voxen arteko akordioa egonkortasuna bermatzeko beharrarekin justifikatu zuen atzo, eta PSOEri errua bota zion hauteskundeak errepikatzeko mehatxuagatik. Ostiral honetan, Valentzian, ordea, "batzuetan hobe da Gobernua galtzea populismotik irabaztea baino", adierazi du Feijook.
PP zuzentzeko kanpainaren aurreneko egunean, populismotik urrundu izan nahi du. Bere ideia autonomista eta europeistak azpimarratu ditu hautagai bakarrak. Jose Maria Aznarren edo Mariano Rajoyren "gehiengo sendoak" lortu nahi dituela ziurtatu du Feijook, bulegoetan adostutako gobernuetan sinesten ez duelako.
Donald Tusk Europako Alderdi Popularraren presidenteak Gaztela eta Leongo ituna "ezusteko triste" bezala definitu zuen ostegunean. Zentzu horretan, Tuskek espero du "ezbehar" bat izatea, eta ez "joera" bat.
Europako PPren "desengainua" ulertzen duela esan du Feijook, baina PSOEri bota dio errua, Estatu alderdia ez delako. PP Voxen aurrean errenditu denik ukatu du Galiziako agintariak. "Ez, besteak beste, nire alderdiko presidente ez naizelako", azaldu du, Gaztela eta Leongo itunetik urrundu nahian.
Laura Garridok Voxekin ituna defendatu du: "Mañuecok arduraz jokatu du"
Bestalde, Laura Garrido Euskadiko Alderdi Popularreko idazkari nagusiak PPk Gaztela eta Leonen Voxekin duen gobernu-ituna defendatu du ostiral honetan, eta Alfonso Fernandez Mañuecok (PP) Gobernu egonkor bat berresteko eta "ziurgabetasun oso une zailetan gobernagarritasuna bermatzeko arduraz" jokatu duela esan du.
"Bi alderdi desberdin gara (PP eta Voxi erreferentzia eginez), ezberdintasun ugarirekin, baina gauzak ere batu gaitzakete", esan du Garridok prentsaurrekoan, eta Gaztela eta Leongo errealitateak hauteskundeen ostean "arduratsuak" izatera behartu dituela esan du, gobernu "egonkorra" bermatzeko, "ziurgabetasun handiko" une batean.
Gaztela eta Leongo gobernu-akordioa hauteskundeak errepikatzea baino "eszenatoki hobea" dela gaineratu du, eta beste alderdi batzuetatik jasotako kritikei erantzun die. Izan ere, gogorarazi du Pedro Sanchez presidenteak esan zuela ez zuela inoiz itunik egingo terrorismoa gaitzesten ez dutenekin, EH Bilduri erreferentzia eginez.
Itun hori PPren diskurtso "moderatuarekin" bateragarria dela esan du, eta beste eskualdeetako hauteskundeei begira itunei buruz hitz egin aurretik zer gertatzen den aztertu beharko dela gaineratu du.
Donald Tusk Europako Alderdi Popularreko presidentearen aldetik jasotako kritikei dagokienez, Garridok gogorarazi du poloniarra dela eta bere herrialdeko errealitatean oinarrituta hitz egiten duela, eta Gaztela eta Leongo gobernua PPk gidatuko duela eta ez Voxek. Halaber, Europak egonkortasuna eta gobernagarritasuna bermatzera bideratutako erabakiak errespetatzen dituela adierazi du.
PPk Sevillan egingo duen kongresuari buruz ere hitz egin du Garridok. Bertan, 53 euskal konpromisario izango direla esan du. Azaldu duenez, martxoaren 16an amaitzen da konpromisario izateko izena emateko epea, eta martxoaren 21ean bozkatuko da konpromisario baino gehiago baldin badaude.
Zure interesekoa izan daiteke
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.