Ukrainako gerraren ondorioei buruzko saio monografikoa egingo dute gaur Legebiltzarrean
Eusko Legebiltzarrak saio monografikoa egingo du ostiral honetan, Ukrainako gerrak eragin duen egoera aztertzeko eta neurriak proposatzeko.
Alderdiek txostenak trukatuko dituzte, familiek eta enpresek bizi duten egoerari irtenbidea ematea ahalbidetuko duten akordioetara iristeko asmoz. Ondoren, Iñigo Urkullu lehendakariak, Eusko Jaurlaritzaren izenean hitz hartuko duenak, ekimen zehatzak eramango ditu eguerdian tribunara, eztabaidatu eta bozkatzeko.
Bi motatakoak izango dira; Ukrainaren inbasioaren ondorioz zailtasunak izaten ari diren pertsonei bideratutako laguntza-sorta eta enpresei zuzendutakoa, zuzeneko laguntzak eta finantzaketa tarteko.
Bilera monografikoa proposatu duen EH Bilduk irekiko du saioa, eta Maddalen Iriarte bozeramaileak defendatuko ditu koalizio subiranistak egoera honen aurrean defendatzen dituen 40 proposamenak. Aurreratu zutenez, pertsonen, ekonomiaren, enpleguaren eta ongizate energetikoaren babesera bideratutako neurriak dira.
Halaber, talde subiranista Euskadiko gizarte-prestazio desberdinak eguneratzearen eta berraztertzearen premiazkotasunaz aritu da. Gainera, behar duten familientzako argi eta gas bono energetiko baten eta KPIaren araberako enpleguaren eta soldaten akordio baten beharra ere mahaigaineratu dituzte.
Bestalde, Elkarrekin Podemos-IUk errenta-ituna ezartzea proposatu du Gizarte Elkarrizketarako Mahaiaren baitan, baita urte amaiera arteko Diru-sarrerak Bermatzeko Errentaren (DBE) igoera eta neurri energetikoak ere; elektrikentzako aparteko gainkargua, esate baterako.
PP-Ciudadanos koalizioaren kasuan, 30 ekimen aurkeztu dituzte, zergen jaitsierak eta aurretik dagoen soberakinaren erabilera tartean. VOXek ere aurkeztuko ditu.
Gobernuko alderdiek, EAJ-PSEk alegia, izaera globaleko 43 zuzenketa jasoko dituzte, besteak beste; gehien jasaten ari diren sektoreentzako laguntzak, enpresentzako likidezia programak eta aurrezteko eta eraginkortasun energetikorako programak.
Arratsaldean izango da bozketa, eta orduan ezagutuko dira emaitzak.
Zure interesekoa izan daiteke
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.
Josu Urrutikoetxea errugabe jo dute Frantzian zuen azken epaiketan
Hau zen Frantzian zuen azken auzibidea, eta absoluzioarekin, prozesua amaitu egin da. Orain, atea zabalduko litzateke Urrutikoetxea Espainiaren esku uzteko, han zabalik dituen auziengatik.
"Euskararen gutxiespen sistematikoa" salatu du Kontseiluak EHUko campusetan, epailearen azken erabakiaren ostean
"Justizia euskararentzat, euskara guztiontzat" lelopean, Kontseiluak elkarretaratze bana egin du Euskal Herriko Unibertsitatearen hiru campusetan, USaPeko azterketei buruzko azken erabaki judiziala salatzeko. Ehunka herritarrez gain, deialdiarekin bat egin duten sindikatu nagusietako eta beste hainbat eragiletako ordezkariek ere parte hartu dute elkarretaratzeetan. Kontseiluaren idazkari nagusi Idurre Eskisabelek “euskararen gutxiespen sistematikoa” salatu du, “euskara bigarren mailako eta gaztelaniaren menpeko hizkuntza gisa betikotzeko asmoz”.
Pedrazek Guardia Zibilaren zuzendari nagusi Mercedes Gonzalez eta DAOa inputatu ditu Leire auziagatik
Epaileak biak deklaratzera deitu ditu datorren uztailaren 16rako, prebarikazio eta justizia oztopatze delituen ustezko egile gisa.
Aguirre lehendakariaren izena erabiltzeko aldarrikapenak hautsak harrotu ditu
EAJ eta EH Bildu tirabiran dira, Aguirre lehendakariaren legatua nork hartuko. Pello Otxandianok Bilboko aireportuari lehendakariaren izena ipintzea proposatu ondotik, gaur Aitor Esteban sartu da eztabaidara.