Ezker abertzalearen "amnesia, adanismoa eta kamuflajeak" kritikatu ditu Egibarrek
Joseba Egibar Gipuzko Buru Batzarreko presidenteak "memoria, giza eskubideak, errealitatea, benetakotasuna eta egia" aldarrikatu ditu, ezker abertzalearen "amnesia, adanismoa eta kamuflajeen" aurrean, Aretxabaletako Batzokiaren berrinaugurazioan egindako ekitaldian.
EAJk "125 urte" daramatzala "gure herriaren eraikuntza sozial eta nazionalean" aldarrikatu du Egibarrek eta emaitzek euren ibilbidea babesten dutela defendatu du, "erabaki estrategiko nagusietan asmatu egin baitugu".
Aurrera begira, jeltzaleen helburuak ondorengoak direla esan du: "pertsonak, euren zaintza, zerbitzu publiko indartsuak mantentzea, garapen ekonomikoa, justizia soziala eta subiranotasun politikoa, autogobernu osoa subiranotasunaren ondorio gisa, euskara gure politikaren ardatz eta gure herriaren identitatea landu eta zaintzea".
Kritika ezker abertzaleari
Hauteskunde kutsuko hitzaldian, Egibarrek ezker abertzalearen "amnesia eta adanismoa" salatu ditu eta horiek direla eta "kamuflatu" egiten direla gaineratu du.
"Giza eskubideen inguruan, amnesia dute, iragana irakurtzeko eta etorkizuna eraikitzeko. Ez dute ezer gogoratzen, ez dute iraganari buruz ezer esan nahi ezer baldintzatuko ez balu bezala, ez dakite non zeuden, zer egin zuten edo zer esan zuten".
"Adanismoa ere badute; euren iritziz, ez delako ezer ondo egin; eurekin hasi zen, izan ere, mundua" esan du ironiaz eta aholku bat eman die: "begiak ireki ditzatela eta eraiki dena onartu; bestela, ezin da lankidetza biderik ireki".
Azkenik, "ez dutenez ezer gogoratzen eta ez denez ezer egin, kamuflatzea" erabaki dutela ohartarazi du buruzagi jeltzaleak. Proiektu propiorik ez izatea leporatu die, eta horregatik, "EAJrena tuneatzea" eurentzako.
"Amnesiaren aurrean memoria eta giza eskubideak aplikatu behar dira; adanismoaren aurrean 43 urtez egin den eraikuntza nazionala eta soziala; eta kamuflajeen aurrean, benetakotasuna eta egia".
Zure interesekoa izan daiteke
Borja Semper PPren batzorde nazionalera itzuli da, minbizia gainditu ondoren
Semper politikaren lehen lerrora itzuli da, hamar hilabeteko etenaldiaren ostean.
Ekain Rico (PSE): "EAJk ke-pantailak sortu ditu; bat, Estatutu berriarekin, eta bestea, fotomuntaketarekin"
Buruzagi sozialistak "hiperbentilazioaz" eta "gehiegizko antzezpenaz" hitz egin du jeltzaleen jarrera kritikatzeko orduan.
Koldorekin "lotura berezia" zuela onartu du Abalosek eta Aldama ezagutzeari garrantzia kendu dio
Ministro ohiak akusatu gisa deklaratu du Auzitegi Gorenean, eta aholkulari ohiaren izendapena defendatu du, bere "leialtasunagatik".
Otxandianok azpimarratu du EAJren eta PSE-EEren arteko talka ez dela "oso eraikitzailea" eta Jaurlaritzaren egonkortasuna zalantzan jarri du
Pello Otxandianoren ustez, Eusko Jaurlaritzako bi kideen arteko liskarrek "jendea urrunarazten dute" eta epe luzerako proiektu bat eskaintzeko gai direnik zalantzan jarri du.
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.