Alkorta: "EH Bilduko alkateon eta zinegotzion egiteko moduak eraman gaitu lehen indar munizipalista izatera"
Nagore Alkorta Azpeitiko alkateak egin du EH Bildu Iruñean, Refenan, ospatzen ari den I. Konferentzia Munizipalistaren bigarren eguneko sarrera hitzaldia. "Sarritan ahaztu egiten zaigun arren, lehen indar munizipalista gara. Hori lortzea ez da samurra eta gauza bat esango dizuet, gehiago izango gara laster" iragarri du, EH Bilduren egiteko moduak goraipatuz: "EH Bilduko udal hautetsien egiteko modua bereizgarri bat da. Hori da besteengandik bereizten gaituena. EH Bilduko alkateok herritarrekin batera gobernatzen dugu. Elkarlana bultzatzen dugu eta desberdinekin lan egin eta adostasunak lortzeko gaitasuna dugu".
Koalizio abertzaleak 1.100 alkate eta zinegotzi dituela Euskal Herrian gogoratu du Alkortak eta Gares, Durango, Errenteria zein Galdakao aipatu ditu "herritarren ekarpenei bide ematearen, elkarlanaren eta desberdinekin adostasunak lortzearen" adibide gisa.
Garai zailetan, pandemiak bete-betean jo gaituenean, adibidez, "atzean inor ez uzteko eta herritar ororen oinarrizko eskubideak bermatzeko" lan egin duela EH Bilduk defendatu du Alkortak, "herritar ororen bizi kalitatea handituz eta gure udalerrietan punta-puntako zerbitzu publikoak izatea defendatuz".
"Bizi dugun garaiotan, hau da behar dugun eredua herri bezala ditugun erronka kolosalei aurre egin ahal izateko" aipatu du Azpeitiko alkateak eta ondoko gaiak aipatu ditu: Krisi klimatikoa, trantsizio digitala, erronka demografikoa, zaintza eredu publiko eta unibertsala, etxebizitzaren arazoa…" Gauzak horrela, "erlojuak sinkronizatu eta elkarrengandik ikasteko" deia egin die Iruñean elkartu diren udal hautetsiei, "urteetan pilatutako kapital hori guztia elkarri zabaldu eta Euskal Herriari proiektu munizipalista hobe eta eraginkorrago bat eskaintzeko".
Atzo, jardunaldien hasiera hitzaldian, Arnaldo Otegi EH Bilduko koorndinatzaile nagusiak "EH Bildu beste demokrazia eredu batean liderra" dela defendatu zuen. "Iraultzak eta eraldaketak Twitterren egiten direla uste dute askok, guk uste dugu egun guztietan egiten direla, erabakiak jendartearekin hartuz" eta "jendearengandik gertuen dauden erakundeetan, udaletan", azpimarratu zuen.
Hain zuzen ere, "Nola egin aurre gizateriaren historian hain berezia den une historiko berezi honi?" Galdera abiapuntuan hartuta, EH Bilduk eraiki nahiko lukeen etorkizuneko herri proiektu berrirako zedarriak bildu ditu koalizio abertzaleak, 'Euskal Eredua. Herri Hobe Baten Alde' goiburupean landu duen txostenean.
Zure interesekoa izan daiteke
Epaileak ukatu egin dio Begoña Gomezi NATOren goi-bilerara joatea, baina Londresera bidaiatzeko baimena eman dio
Gomezen defentsak uztailaren 7tik 10era Espainiatik irtetea eskatu zuen, NATOk Turkian egitekoa duen goi-bilerara joateko eta, ondoren, Londresera, alabaren graduaziora.
Hamasek Gazako gobernua utzi du eta Palestinako batzorde teknokrata bati eman dio boterea
Hamas desegin ondoren, organo horrek eskualdea kudeatu beharko du, su-etenean jasotako jarraibideei jarraituz.
Lehendakari bat aurrenekoz txupinazoan: "Beste herritar bat bezala, kalean ibiltzea da nire helburua"
Lehen aldia da jardunean dagoen lehendakari bat San Fermineko txupinazoan udaletxean dagoela gonbidatu gisa eta ETBko saio berezian izan da. "Jendeak gozatzea, bakean eta errespetuz", hori espero du Imanol Pradalesek.
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".