Urkullu: "Europak ezin du onartu bere trenbide lotura kapritxoen menpe egotea"
Iñigo Urkullu lehendakariak gaur salatu duenez, "Frantziako eta Espainiako estatuak ez dituzte betetzen Arku Atlantikoaren trenbide-loturaren inguruko konpromisoak", eta Bordele-Akize konexioa 2042rako atzeratzeak eta Akize eta Hendaia lotzeko "datarik ez jartzeak" hartutako konpromisoak nabarmen haustea dakar, eta Frantziako Gobernuaren inkongruentziak agerian uzten ditu". "Europak ezin du onartu bere trenbide-lotura, kontinenteko apusturik garrantzitsuenetako bat, estatu kide baten apeten mende egotea", defendatu du.
Lehendakariak bigarrenez idatzi die Emmanuel Macron eta Pedro Sanchez Frantziako eta Espainiako presidenteei Arku Atlantikoaren eskakizunak eta bi buruzagiek euren goi bileran hartutako konpromisoak gogorarazteko.
Lehendakariak Eusko Legebiltzarrean, kontrolerako saioan, jakinarazi du asteon bertan beste eskutitz bana bidali diela, besteak beste, AHTa Akizera heltzeko data aurreratzeko eskatuz. Hori izan zen, hain justu, Arku Atlantikoa osatzen duten lau erkidegoetako buruek astelehenean Ajuria Enean egindako bileran zehaztutako lehentasun eta aldarrikapenetako bat.
Aurrez ere idatzi zien Urkulluk Macroni eta Sanchezi, urtarrilean Bartzelonan egin zuten goi bileraren atarian. Bingen Zupiria Eusko Jaurlaritzako bozeramaileak gaur argitu duenez, biek ala biek erantzun zioten, Macronek konpromisorik hartu ez bazuen ere.
Gaiaren inguruan PP+Cs eta Elkarrekin Podemos-IU taldeek egin dioten galdera banari erantzunez lehendakariak esan duenez, "Europak ezin du onartu bere tren lotura, Batasunaren apustu garrantzitsuenetakoa", "Estatu kide baten kapritxoen menpe egotea" (aipatu gabe, Frantzia gogoan hartuta).
"Gai delikatua da eta ezin da hainbeste aldaketarekin eta inprobisaziorekin jardun, ez da serioa", azpimarratu du. Gogorarazi duenez, Atlantikoko korridoreak "atzerapen zerrenda luzea" du.
Lehendakariaren aburuz, beste atzerapen bat —Akizera heltzeko data 2030etik 2042ra berandutu du Frantziak— hartutako konpromisoak "larriki urratzea" litzateke, eta Frantziako Gobernuaren "inkongruentzia" agerian utziko luke.
Horren aurrean, Urkulluk azaldu du Arku Atlantikoko lau erkidegoek "oso gauza erraza" eskatu dutela: "Europako Batzordeak onartutakoa betetzea".
Albiste gehiago politika
EAJren ustez, Euskadirentzat "oso onuragarria" da langabezia-prestazioren kudeaketa lortu izana
Maribel Vaquero diputatuaren hitzetan "oraindik bilerak falta dira" eskualdatzea gauzatzeko eta, "adostutakoa beteko" dela ziurtatzeko, "jarraipena egingo" diotela jakinarazi du.
Arabak "probintziako aita" titulua kenduko die Francori eta Molari
Ramiro Gonzalez Arabako ahaldun nagusiak egin du iragarpena, asteazken honetan diktadura frankistak Araban errepresaliatutako pertsonak oroitzeko egin duen lore-eskaintzan. Ekitaldi hori Foru Aldundiak eta lurraldeko Batzar Nagusiek antolatzen dute urtero, eta kargu publikoak eta senideak izan dira bertan.
Greba eta mobilizazio eguna, ostegunean, Ipar Euskal Herrian
Frantzia osoan egingo dira protestak Gobernuak ezarri nahi dituen murrizketen aurka. Sindikatuek Lecornu lehen ministro berria prestatzen ari den 2026ko aurrekontuetan eragin nahi dute. Baionan 10:30ean irtengo da manifestazio nagusia Santa Ursula plazatik.
Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.
Goiak aitortu du autobus geltokia txiki geratu dela eta handitzeko asmoa duela
Donostiako alkateak deitoratu egin du oraindik abiadura handiko trena Donostiara iritsi ez izana, horrek zerbitzua arinduko lukeela uste baitu.
Euskal agenda zer den zehazteko eskatu dio Garridok lehendakariari
Laura Garrido legebiltzarkide popularrak salatu du estatus berria negoziatzeko mahaian ez dagoela Alderdi Popularra, eta Imanol Pradales lehendakariari azalpenak eskatu dizkio. Bestalde, bihar Eusko Legebiltzarrean egitekoa den Politika Orokorreko Eztabaidan euskal agenda zer den zehazteko eskatu dio lehendakariari.
Langabezia-prestazioen kudeaketa eskualdatzeko akordioa txalotu du Martinezek
Lander Martinez Sumarreko diputatuak Kongresuan esan du akordioa "oso positiboa" dela Euskadirentzat. Bere hitzetan, agerian geratu da Sumarrek autogobernuarekin duen konpromisoa.
Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.
Euskadik eta Espainiako Gobernuak akordioa sinatu dute langabezia-prestazioaren eskualdaketarako
Transferentzien Batzorde Mistoan gauzatuko da urtea amaitu aurretik, eta Eusko Jaurlaritzak SEPEren bulegoak eta langileak bere gain hartuko ditu.
Eusko Legebiltzarreko politika orokorreko osoko eztabaida, zuzenean
Jarraitu zuzenean, 09:30etik aurrera, Eusko Legebiltzarrak urte politikoari hasiera emateko osoko bilkura.