Boto-asmoari buruzko inkesta publiko handiena argitaratuko du EITBk martxoaren 26an, 27an eta 28an
Euskal Irrati Telebistak Euskadin egindako boto-asmoari buruzko inkesta publiko zabalena emango du argitara martxoaren 26, 27 eta 28an bere taldeko hedabideetan (ETB, Euskadi Irratia, Radio Euskadi, Radio Vitoria eta eitb.eus-en), datorren maiatzaren 28ko udal, aldundi eta Nafarroako Legebiltzarreko hauteskundeen inguruan.
EITB Focusen edizio berezi honetan, martxoaren 26an (igandea), galdeketaren emaitzen aurrerapena eskainiko da EITBko hedabideetako albistegietan; astelehenean (hilak 27), EAEko foru aldundietako eta Nafarroako Parlamentuko datuak emango dira ezagutzera, eta, asteartean (hilak 28), berriz, lau hiriburuetako udaletako eta EAEko herri handienetako udalen emaitzen ehuneko eta estimazioak.
Orotara, 8.000 bat telefono inkesta egin dira: 6.649 egin ditu Gizaker enpresak EAEn eta 1.204 GAD3 enpresak Nafarroan.
Inkesta zabala izateari esker, lehen aldiz, Arabako, Bizkaiko eta Gipuzkoako Batzar Nagusietarako hauteskundeetarako izendatzen diren 11 barruti bakoitzeko batzarkide-kopurua eskainiko da. Azterketa horretan erabiltzen den laginari esker, fidagarritasunez iristen gara xehetasun-maila horretara. Aurreko azterketetan, hiru lurraldeetako bakoitzaren guztizkoaren gaineko boto-portzentajeak baino ezin zituzten eskaini, eta, horregatik, Batzar Nagusietarako eserlekuetara estrapolatzea ez zen egiten, bermerik ez zutelako.
Udal hauteskundeei buruzko iragarpenei dagokienez, zinegotzi kopuruaren araberako emaitzak EAEko 11 barrutietako udalerri handienetan eskainiko dira: Gasteiz, Donostia, Bilbo, Laudio, Agurain, Irun, Tolosa, Eibar, Barakaldo, Getxo eta Basauri. Nafarroan, udal hauteskundeen azterketa Iruñeko hiriburua du ardatz.
Bestalde, EITB Focusen argitaratuko dira foru hauteskundeetara, 4 hiriburuetako hauteskundeetara eta Nafarroako Parlamentura aurkezten diren hautagai nagusien inguruan herritarrek duten ezagutza eta balorazio mailari buruzko datuak. Udal- eta foru-kudeaketaren esparruan gizartea gehien kezkatzen duten gaiei buruz ere galdetu da.
EITBko hedabideetan emaitza guztiak ezagutzera eman ondoren, txosten guztiak EITB Taldearen Gardentasun atarian argitaratuko dira, Open Datako ohiko formatuetan deskarga daitezkeen fitxategiekin batera (.xlsx eta .csv).
Zure interesekoa izan daiteke
Puigdemonten amnistia eskariari ezezkoa eman dio berriz Llarena epaileak, eta Konstituzionalaren erabakiaren zain geratu da
Goreneko epailearen ustez, Europar Batasuneko Justizia Auzitegi Nagusiak eman zuen epaiak ez du aldatzen politikari katalana Amnistia Legetik kanpo uzteko Llarenak berak finkatutako lehenengo arrazoiaren oinarria.
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.