EAJk irabaziko luke Bilbon, Gasteizen eta Donostian, eta UPNk eta EH Bilduk jokoan izango lukete Iruñea
EAJk berriz ere irabaziko lituzke Gasteizko, Bilboko eta Donostiako udal hauteskundeak, hiru hiriburuetan gora eginda, EITB Focus makroinkestaren arabera. Iruñean, aldiz, PSNk giltza izango du berriz Alkatetza UPNren edo EH Bilduren esku uzteko.
Euskadin inoiz egindako inkesta handiena da EITB Focus. Izan ere, 6.600 pertsona baino gehiago elkarrizketatu dituzte EAEn, eta 1.200 Nafarroan.
Atzo, EITB taldeko hedabideek Batzar Nagusietarako eta Nafarroako Parlamenturako aurreikuspenak publikatu zituzten, eta gaurkoan udaletarako inkestek joera berdinak berretsi dituzte.
Hori horrela, EAJk indartu egingo luke EAEko hiriburuetako gehiengoa, eta mantendu egingo lituzke Getxoko, Basauriko, Barakaldoko eta Laudioko udal gobernuak.
Bere aldetik, EH Bilduk aurrea hartuko lioke Alderdi Sozialistari Bilbon eta Gasteizen bigarren indar gisa, eta bozkatuena izango litzateke Tolosan eta Agurainen. Gainera, Iruñean ere agintea berreskuratzeko aukerak izango lituzke.
PDFa: EITB Focus, EAEko 11 udalerritan boto asmoari buruzko inkesta
PDFa: EITB FOCUS, boto asmoari buruzko inkesta Iruñean
Bestalde, PSE-EE jaitsi egingo litzateke bototan hiriburuetan, eta are gehiago bere feudo historikoetan. Hala ere, bozkatuena izaten jarraituko luke Irunen eta Eibarren.
Elkarrekin koalizioak (Podemos Euskadi, Ezker Anitza-IU, Berdeak Equo eta Aliantza Berdea alderdiek osatzen dute) zinegotzi bat galduko luke Donostian, baina eutsi egingo lieke Bilbokoei eta Gasteizkoei. Iruñean, Podemos eta Izquierda-Ezkerra koalizioan aurkeztu dira, eta bi ordezkarirekin sartuko lirateke Udalean.
Azkenik, PPk errepikatu egingo lituzke Gasteizko emaitzak, baina behera egingo luke Bilbon eta Donostian.
Hiriburuak
Hiriburuei dagokienez, zalantza handiena Iruñean egongo da: PSNk Cristina Ibarrola (UPN) edo Joseba Asiron (EH Bildu) egin lezake alkate.
Gasteizen, Beatriz Artolazabal EAJko zerrendaburuak hobetu egingo lituzke Gorka Urtaran aurreko alkatearen emaitzak.
Bilbon, Juan Mari Aburto (EAJ) gehiengo osoaren atarian geratuko litzateke berriro, eta hirugarren agintaldia erdietsiko luke.
Azkenik, Donostian, Eneko Goia jeltzaleak ere gertu izango luke hirugarren legegintzaldia, duela lau urte baino zinegotzi bat gehiago lortuta.
Metodologia
EAEn, 6.649 pertsona elkarrizketatu dituzte udal eta foru hauteskundeei buruzko EITB Focus berezia prestatzeko. Horietatik, 1.543 Araban izan dira; 2.483, Bizkaian, eta 2.623, Gipuzkoan. Nafarroan, aldiz, 1.204.
Inkestak otsailaren 27a eta martxoaren 17a bitartean egin zituzten EAEn, eta otsailaren 22a eta 27a bitartean Nafarroan.
Konfiantza mailari eta beste hainbat adierazle estatistikori buruzko informazio sakonagoa ezagutzeko, kontsultatu ikerketaren PDFa.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.