Primo de Riveraren gorpuzkiak Cuelgamuros Haranetik atera dituzte
Jose Antonio Primo de Rivera Falangeren fundatzailearen gorpuzkiak Cuelgamuros Haranetik atera dituzte, ondoren Madrilgo San Isidro hilerrira eramateko. Bosgarren ehorzketa da, duela 86 urte agintari errepublikanoek epaitu eta fusilatu zutenetik.
Gaur bete dira, gainera, 120 urte buruzagi falangista jaio zenetik, eta Memoria Demokratikoaren Legea betez eta familiarekin adostuta lekualdatu dute haren gorpua.
"Haranari beste zentzu bat emateko urrats bat gehiago da", adierazi zuen joan den astean Felix Bolaños ministroak.
Falangeren sortzailearen gorpuzkiak Cuelgamuros Haraneko basilikatik Madrilgo San Isidro hilerrira eraman dituzte, senideek hobitik ateratzea eskatu ondoren. 2019an Francisco Franco diktadorearen gorpuzkiak El Pardo-Mingorrubio hilerrira eraman eta lau urtera egin dute.
Primo de Riveraren lekualdaketa bakarrik geratzen zen egiteko; izan ere, Memoria Demokratikoaren Legearen arabera, Beneditarren Abadiako basilikako leku "nagusi" batean zeuden gorpuzkiak beste leku batean kokatu behar ziren. Lege berriak "Cuelgamuros Harana" izena jarri zion tokiari.
Primo de Rivera gudari errepublikanoek fusilatu zuten 1936ko azaroaren 20an, Gerra Zibilean, eta, hainbat gorabeheraren ondoren, 1959an, Cuelgamuros Haranera eraman zituzten haren gorpuzkiak, Francisco Francok eraikitzeko agindua eman zuen esparrua inauguratu ostean.
Hiru falangista atxilotu dituzte gorpuzkiak iritsi direnean izandako istiluen ondorioz
Espainiako Poliziak hiru falangista atxilotu ditu Primo de Riveraren jarraitzaileen eta segurtasun indarren artean izandako liskarretan, Falange Españolaren sortzailearen gorpuzkiak San Isidroko hilerrira iritsi direnean.
Poliziak hiru pertsona atxilotu eta komisariara eraman ditu. 200 bat falangista bildu dira hilerrian. Poliziak itxitako esparruan sartu eta agenteen aurka egin dute, hileta autoa heldu den unean.
"Gora Espainia", "Gobernu kriminala" eta "Lehenengo hil eta gero desohoratu egiten duzue" oihukatu dituzte han bildutakoek. Falangisten ereserkia ere abestu dute batzuek, besoa altxatuta.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.