Fiskaltzak artxibatu egin du ETAko kide gisa zigortutako EH Bilduko 44 hautagairengatik jarritako salaketa
Auzitegi Nazionaleko Fiskaltzak artxibatu egin du ETAko kide gisa zigortutako EH Bilduko 44 hautagairengatik jarritako salaketa. Hain zuzen ere, Dignidad y Justicia elkarteak aurkeztutako arrazoiak aztertu ondoren erabaki du eginbideak ez irekitzea.
Salaketa aztertu ondoren Ministerio Publikoak adierazi duenez, salatutako gertaerak ez dira delitu eta EH Bilduko 44 hautagai seinalatuak aukeragarriak dira.
Gainera, Fiskaltzaren esanetan, hauteskunde batzordeei dagokie hauteskundeetara aurkeztu nahi duten alderdi politiko, federazio, koalizio eta taldeek aurkeztutako hautagaitzak legezkoak diren aztertzea.
Aurreko asteburuan Terrorismoaren Biktimen Elkarteak (AVT) aurreratu zuen EH Bilduren 44 hautagai horiek hauteskundeetara aurkezteko eskubidea dutela inhabilitazio-zigorra beteta dutelako.
EH Bilduren zerrenden osaketa hauteskunde kanpainako hizketagai nagusia izan da azken egunotan. Gaur Pedro Sanchezek EH Bilduri aurpegiratu dio oker jokatu zuela zerrendak egiterakoan. Diputatuen Kongresuko saioan, Espainiako Gobernuko presidenteak esan du EH Bilduk barkamena eskatzeko eta adiskidetzeko "ahalegin sakonagoa eta zorrotzagoa" eskatu behar diela bere hautetsiei.
Bere garaian odol-delituengatik zigortu zituzten EH Bilduko zazpi hautagaiek uko egingo diote kargua hartzeari maiatzaren 28ko hauteskundeetan hautatuak izanez gero. Erabakia "elkarbizitza eta bakearen alde" hartu dutela adierazi zuten naiz.eus agerkarira atzo bidali zuten idatzian. Albistearen berri izan ostean, Alberto Nuñez Feijoo PPko buruak presioa egiten jarraitu zuen: "Ikusiko dugu kanpainan zehar beste 37ak desagertzea lortzen dugun". Atzo, Senatuan, Pedro Sanchez Espainiako Gobernuko presidenteak eta Alberto Nuñez Feijoo PPko buruak aurrez aurrekoa izan zuten. Feijook Sanchezi esan zion "eskuzabalagoa" izan dela borreroekin biktimekin baino, eta Sanchezek honakoa erantzun zion: "Espainian ETA ezer ez denean, zuentzat ETA da dena; hori da daukazuen gauza bakarra".
Zure interesekoa izan daiteke
Euskadin inbertsio ekonomiko iraunkorra arintzeko legea iragarri du Pradalesek
Imanol Pradales lehendakariak iragarri duenez, Eusko Jaurlaritza osatzen duten alderdiek, EAJk eta PSE-EEk, jarduera ekonomiko jasangarria errazteko eta arintzeko premiazko neurrien lege-proposamen bat aurkeztuko dute datozen asteetan. Gogorarazi du Politika Orokorreko azken osoko bilkuran konpromisoa hartu zuela Euskadin inbertsio-proiektu estrategikoak martxan jartzea errazteko bide azkar bat prestatzeko. Ekimenaren helburua "autobide arautzaile" gisa definitu duena sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin azken minutura arte ahalegindu nahi du azken urteotan galdutako boto-emaileak berreskuratzen.
Andaluzia: ezkerraren gotorleku eraitsia, eskuinaren bastioi berria
Zalantza nagusi bat dago igandeko hauteskundeei begira: PPk gehiengo osoa lortuko ote duen ala Voxen babesa beharko ote duen. Andaluzia ezkerraren gotorlekua zen, baina eskuina hegemonikoa da gaur egun. “Ezkerreko indarren higadura eta eztabaida politikoaren gai nagusien aldaketa giltzarriak izan dira”, adierazi du Ainara Villaño politologoak.
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.
Nafarroako gobernukideak banatuta atera dira legegintzaldi honetan izan den eztabaida tirabiratsuenetik
Lehen presidenteordeak biltzera deitu ditu PSN, Geroa Bai eta Contigo-Zurekin, "legealdia amaitu arte, eta gero ere bai, sinatutako konpromiso politikoa aztertzeko eta, hala badagokio, berresteko". Testuinguru horretan, "konpromisoa" eskatu die alderdiei.
Nafarroako Parlamentuak urtebeteko luzamendua onartuta, itunpeko sareko 14 ikasgelak ez dira itxiko datorren ikasturtean
UPNk bultzatutako ekimenak erregionalisten, PPren eta Voxen aldeko botoak jaso ditu. EH Bildu eta Geroa Bai abstenitu egin dira, eta PSNk eta Contigo Zurekin alderdiek kontra bozkatu dute.
Geroa Baik eta PSNk ikasgelen auzian itxitako akordioa kolokan, iragarri eta ordu gutxira
Geroa Baik ohartarazi du ez dagoela adostutakoa betzeko bermerik, PSNk "jarrera aldatu ezean". Sozialistek koalizioari eskatu diote "hausnartzeko" eta "konpromisoari eusteko".