Urruzuno: "Bermeon akordio politiko bat dugu, eta horren arabera, Alkatetza EH Bilduri dagokio"
Unai Urruzuno EH Bilduko bozeramaileak ez du Bermeoko Alkatetza arriskuan ikusten, Asier Larrauri alkateak dimisioa eman ostean. Azken orduetan tirabirak sortu dira koalizio subiranista eta Larrauriren alde egin zuen Guzan plataforma independentearen artean, eta nork bere hautagaia defendatzen du alkate kargurako. Urruzunoren ustez, ordea, bi indarrek izenpetutako akordioari jarraikiz, EH Bilduri dagokio Alkatetza. "Logikak hori agintzen du, ez dut uste inor peskizan egon daitekeenik ez dagokion kargua hartzeko", azaldu du.
Euskadi Irratiko "Faktoria" saioan eskainitako elkarrizketan nabarmendu duenez, EH Bilduk eta Guzanek "edukietan oinarritutako akordio politikoa" dute, eta horren arabera, hainbat ardura eta kargu banatzen dira. "Akordioa gauzatuz gero, Alkatetza EH Bilduri dagokio, lehen Alkateordetza Guzani eta bigarren Alkateordetza, EH Bilduri berriro. Ulertzen ez duenarentzat beste adibide bat jarriko dut: Iñigo Urkullu lehendakariak dimisioa emango balu, Lehendakaritza Idoia Mendiaren esku legoke? Ez, ezta?", esan du.
M28ko hauteskundeen emaitzek utzitako testuinguru politikoa aztertu du segidan Urruzunok. Horren esanetan, EH Bildu da "lehen indar munizipalista", eta koalizioari "hainbat alkatetza kentzeko" EAJk erabili duen estrategia salatu du: "Akordioa edo aliantza du PPrekin. Orain arte nahikoa zuen PSE-EEren babesarekin, baina oraingoan hori ez da nahikoa izan, eta ekuaziora beste elementu bat sartu du: PP. Bere erresidualtasunetik atera du, eta utilidadea aitortu dio". Are gehiago, Eudelen Presidentetza eskuratzeko mugimendu gisa uler daitekeela uste du: "Gasteizen eta Durangon EH Bildu balego, gehiengoa izango luke EH Bilduk Eudelen".
Gipuzkoako egoera hizpide hartuta, EH Bilduko eledunak azpimarratu du "triplete hori (EAJk, PSE-EEk eta PPk egindakoa) artikulatzen bada", Maddalen Iriartek "galdu egingo du" Foru Aldundia. Horren harira, Urruzunok honakoa salatu du: "Uztaileko hauteskundeen atarian, EAJk PP zuritzea eta indartzea lortu du".
Azkenik, U23ko hauteskundeetan eskuinak irabaztekotan EH Bildu legez kanpo jotzeko balizko bulkadaz itaunduta Urruzunok esan duenez, "espainiar faxismoa edozertarako gai da", eta gaia "ahalik eta fribolitate gutxienarekin aztertu behar da", erantsi du.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.