Posta bidezko botoa eskatzeko epea amaituta, datorren osteguna da boza emateko azken eguna
Posta bidezko botoa eskatzeko epea atzo amaitu zen, eta boza emateko azken eguna datorren asteko osteguna da, hilak 20. Correosek gomendatzen du azken egunera arte ez itxarotea kudeaketa hori egiteko.
Uztailaren 23ko hauteskunde orokorrei begira posta bidezko botoa arintzeko, Correoseko bulegoek ezohiko ordutegian zabalduko dituzte ateak; hala, arratsaldeko ordutegia 22:00ak arte luzatuko da eta, larunbat honetan 09:00etatik 14:00etara zabalduko dituzte ateak.
Posta bidezko botoak nabarmen egin du gora azken orduetan, eta eskari horri erantzuteko asmoz Correosek Euskadin dituen 101 bulegok (52 Bizkaian, 38 Gipuzkoan eta 11 Araban) ateak zabalduko dituzte larunbat honetan, 09:00etatik 14:00etara bitartean, "soilik" herritarrei izapide hori errazteko. Halaber, hiriburuetako bulego nagusiek ere ordutegi hori izango dute.
Gainera, Correosek gaur hasi eta uztailaren 20ra arte, azken egunera arte, alegia, arratsaldez irekitzen diren bulegoen ordutegia 22:00ak arte luzatzea erabaki du.
Correoseko zuzendaritzak adierazi du, posta bidezko bozkaren "eskaera kopurua altua" bada ere, zerbitzuko bulegoetan "normaltasun osoz" ari direla arreta ematen eta "legez jarritako epeak" betetzen ari direla. Sindikatuek, ordea, dokumentazioa banatzean atzerapen handia izaten ari direla salatu dute.
Une horretatik aurrera, epeak honako hauek izango dira:
- Hauteskunde Erroldaren Bulegoak, teorian, igandera arte dauka botoak etxera bidaltzeko, baina Correosetik adierazi dute postariek datozen egunetan entregatu ditzaketela, hilaren 20ra arte.
Norbait oporretan joaten bada oraindik botoa postaz jaso gabe, opor-helbidera bidaltzeko eska dezake, baina berehala bidali behar du eskakizuna, ia ez baita egunik geratzen, bestela ezinezkoa izango da.
- Uztailaren 20a da edozein bulegotan botoa postaz emateko azken eguna.
- Hauteskunde-egunera arte, hilaren 23ra arte, Correosek jasotako boto guztiak zainduko ditu, eta hauteslekuak ixten direnean eta zenbaketarekin hasi baino lehen, gainerako botoekin batera hautestontzietan utziko dira.
Atzerriko botoari dagokionez, hauteskundeak egin eta egun batzuetara zenbatzen da.
Zure interesekoa izan daiteke
Otxandianok berdinen arteko negoziazioa eskatu du euskararen gaian eta Olanok erantzun du prozesuan lortu dezaketela adostasuna
EH Bilduk enplegu publikoaren lege proposamenak berdintasunean negoziatzea eskatu dio EAJri. Jeltzaleek, ordea, edukiei dagokionean oso urrun ikusten ditu bi proposamenak.
Uxue Barkosek ukatu egin du bere agintaldian ustelkeririk izan zenik, eta Cerdanekin inoiz ez duela negoziatu ziurtatu du
2015 eta 2019 artean Nafarroako Gobernuko presidente izan zenak hiru orduko agerraldia egin du Nafarroako Parlamentuko Ikerketa Batzordean.
Itxasok Otxandianori erantzun dio EH Bildu "hirigintza garapenaren eta eraikitzearen aurka" agertu dela udaletan orain arte
Etxebizitzaren arazoari aurre egiteari dagokionez, azken hamar urteak "galdutzat" jo ditu EH Bilduk. Baieztapen horren aurrean, Etxebizitza sailburuak "bakoitzak bere erantzukizuna bere gain hartzeko" deia egin du astearte honetan. Denis Itxasok "proposamen zehatzak" eskatu dizkie indar politikoei.
Euskadik "bakearekin, demokraziarekin eta giza duintasunarekin" duen konpromisoa defendatuko du Pradalesek aita santuarekin izango duen bileran
Maria Ubarretxena Eusko Jaurlaritzako bozeramaileak Gobernu Kontseiluaren osteko agerraldian azaldu duenez, Imanol Pradales lehendakaria Leon XIV.a aita santuarekin bilduko da asteazkenean Vatikanoan, eta, bertan, Euskadik "bakearekin, demokraziarekin, giza duintasunarekin eta justizia sozialarekin" duen konpromisoa defendatuko du.
Pello Otxandiano: “Orain arte ezagutu gabeko eskalan etxebizitza publikoa sustatzea proposatzen dugu”
EH Bilduk koalizioaren etxebizitza plana aurkeztu eta ordu gutxira, Pello Otxandiano, Eusko Legebiltzarreko koalizioaren bozeramailea, Radio Euskadiko Boulevard saioan izan da. Han, etxebizitza arloko bere alderdiaren proposamenak azaldu ditu, eta arreta berezia jarri du etxebizitza publikoko proposamenetan. “Badago ardatz bat bereziki garrantzitsua: herri honetan orain arte ezagutu gabeko eskalan etxebizitza publikoa sustatzea. Arazoari benetan heldu nahi bazaio, funtsezkoa da etxebizitza publikoaren parke handi bat sustatzea, azpiegitura sozial estrategiko gisa”, adierazi du.
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".