Sanchezek babes berririk jaso gabe amaitu du inbestidurarako bilera sorta
Pedro Sanchez Espainiako Gobernuaren jarduneko presidente eta PSOEren buruak gaur amaitu du inbestidura lortzeko bilera-sorta, eta ez du eskuratu babes berririk, aurreko legegintzaldiko ohiko bazkideez harago. Orain negoziazio gogorrari ekin beharko dio Kongresuaren gehiengoaren babesa eskuratzeko, bereziki Juntsekin.
Sanchezek Mertxe Aizpurua EH Bilduren bozeramailearekin eta Miriam Nogueras Junts per Catalunyako ordezkariarekin itxi du bilera erronda.
Batzar esanguratsuak izan dira, lehenengo aldiz elkartu baita presidentea ofizialki bi alderdiekin, baina PSOEk ez du hitz egindakoaren inguruko informaziorik zabaldu.
Koalizio independentistak berretsi du hautagaiari babesa emateko moduan dagoela, eta legegintzaldi honetan "berriro elkarlanean" aritzeko prestutasuna agertu dio.
Juntsek, berriz, esan du urrun dagoela akordiorako "konpromiso historikoa". Alderdi horren botoak beharrezkoak ditu Sanchezek Espainiako Gobernuko presidente izateko.
ERCk bezalaxe, Juntsek amnistia eta Kataluniaren autodeterminazio erreferendumerako urratsak egitea eskatzen du.
Sozialistek ez dute kontsulta hori aurreikusten, baina 'proces'eko zigortuentzat mesedegarriak izango liratekeen neurriak hartzeko prest agertu dira, nahiz eta azpimarratu guztia Konstituzioaren barruan egingo dutela.
Oriol Junqueras ERCren buruzagiarekin Sanchezek telefonoz izan zuen elkarrizketa izan da inbestidurarako bilera sorta honen berrikuntza nagusia. Alderdi guztiekin bildu da, Voxekin izan ezik.
Espainiako erregeak inbestidurarako babesak bilatzeko agindua eman ostean, urriaren 4an Yolanda Diaz Sumarren buruzagiarekin elkartu zen, eta urria amaitzerako koalizio gobernua osatzeko akordioa itxita edukitzea adostu zuten.
Sanchezek ez du babes berririk lortu, baina Alberto Nuñez Feijoo PPko buruaren eta Alberto Catalan UPNko diputatuaren ezezkoak berretsi ditu. Coalicion Canariako Cristina Validok iragarri zuen "asko jota abstenitu" egingo zela, baina negoziazioen emaitzen araberakoa izango dela bere azken erabakia.
Bestalde, PSOEk aurreko legegintzaldian izan dituen bazkide guztiek erakutsi dute Sanchezi babesa emateko prestutasuna, xehetasunak gorabehera.
Legegintzaldi akordioa
Kongresuko taldeekin inbestidurarako akordioa ixteaz gain, legegintzaldi osorako adostasun bat lortzea da PSOEren asmoa, tartean aurrekontuak onartzeko. Horretarako, astelehenetik aurrera negoziazioak bizkortuko ditu zazpi pertsonak osatuko duten talde batekin; Maria Jesus Montero, Felix Bolaños, Pilar Alegria eta Santos Cerdan izango dira horien artean. Kataluniarekin lotutako gaietarako, Salvador Illa PSCko buruarekin koordinatuko omen du negoziazioa.
PSOEk hitzeman du gardentasunez jokatuko duela inbestidurarako akordioa lortuz gero, baina oraindik ez dago bozketa horretarako datarik, eta azaroaren 27a da epemuga hauteskundeak errepikatu behar ez izateko.
Albiste gehiago politika
Epaileak aginduta sartu da UCO Ferrazen, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.