EAJk irabaziko lituzke Eusko Legebiltzarrerako hauteskundeak eta EH Bildu igoko litzateke gehien
EAJk berriro irabaziko lituzke Eusko Legebiltzarrerako hauteskundeak, babesa galduta, eta EH Bilduk egingo luke gora gehien, Eusko Jaurlaritzak boto asmoari buruz gaur argitaratu duen azken soziometroaren arabera. Halaber, PSE-EEk eta PPk beren emaitzak hobetuko lituzkete eta Elkarrekin Podemos - IUk ordezkaritzaren erdia galduko luke.
EAJk eta PSE-EE gehiengoa lukete bien artean, baina EAJk bi eserleku gutxiago izango lituzke eta PSE-EEk, aldiz, bat gehiago. Lau irabazita, 25 eserleku lituzke EH Bilduk, PPk bat egingo luke gora (7), Elkarrekin Podemos - IU, berriz, 3 eserlekurekin geratuko litzateke, 3 galduta, eta Voxek ez luke ordezkaririk lortuko.
EAJk lehen indar izaten jarraituko luke (29 eserleku), EH Bildu (25), PSE-EE (11), PP (7) eta Elkarrekin Podemos - IU (3) koalizioaren aurretik.
Hala ere, EAJk ez luke irabaziko hiru lurraldeetan, izan ere, Gipuzkoan EH Bildu izango litzateke lehen indarra boto asmoan, boto estimazioan eta eserlekuetan.
Datuak lurraldez lurralde aztertuta, eserlekuen banaketa honakoa litzateke:
- Araba: EAJ 8, EH Bildu 7, PSE-EE 5, PP 4, Elkarrekin Podemos - IU 1
- Bizkaia: EAJ 12, EH Bildu 7, PSE-EE 3, PP 2, Elkarrekin Podemos - IU 1
- Gipuzkoa: EH Bildu 11, EAJ 9, PSE-EE 3, Elkarrekin Podemos - IU 1, PP 1
Araban, 2020ko hauteskundeetako emaitzekin alderatuta, EAJk eta Elkarrekin Podemos - IUk eserleku bat galduko lukete, EH Bilduk, PSE-EEk eta PPk bat irabazi, eta Voxek ez luke bere ordezkaria mantenduko.
Bizkaian, Elkarrekin Podemos - IUk ordezkari bat galduko luke EH Bilduren mesedetan.
Gipuzkoan, EH Bilduk bi legebiltzarkide gehiago izango lituzke EAJren eta Elkarrekin Podemos - IUren kaltetan.
Soziometro hau egiteko datuak 2023ko azaroaren 21a eta 24a bitartean egin zen —biak barne— ordenagailuz lagundutako banakako telefonozko elkarrizketen bidez (CATI). Eusko Jaurlaritzako Prospekzio Soziologikoen Kabineteak diseinatu du galdeketa, eta Ikerfel enpresa arduratu da datuak biltzeaz, EAEko biztanleriaren lagin adierazgarri bati egindako galdetegi egituratu eta itxi baten bidez. Landa lanaren % 97,6 osatuta zegoen Iñigo Urkullu ez dela berriro EAJren lehendakarigaia izango ezagutu zenean. Halaber, ondoren jakin zen Arnaldo Otegi ez dela EH Bilduren lehendakarigaia izango.
EAEko hiru lurraldeetako 18 urtetik gorako bizilagunak galdekatuko dituzte horretarako: Arabako 730 pertsona, Bizkaiko 1.315 eta Gipuzkoako 985; hau da, 3.030 pertsona elkarrizketatu dituzte guztira.
Zure interesekoa izan daiteke
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.