Milaka lagunek parte hartu dute Iruñeko zentsura-mozioaren aurkako elkarretaratzean
Milaka lagunek parte hartu dute eguerdian Iruñeko Udaletxe plazan UPNko Cristina Ibarrola alkatearen aurkako zentsura-mozioa salatzeko antolatu den elkarretaratzean.
"Iruñea ez dago salgai" lelopean egin dute bilkura, eta "Memoria, duintasuna eta justizia" eta "Traizioa" irakurri da protestarien karteletan. Ibarrolaren aldeko eta Joseba Asironen aurkako oihuak ere izan dira bertan. Javier Esparza UPNko presidenteak, Cristina Ibarrola alkateak eta Yolanda Barcina Nafarroako presidente ohiak ere parte hartu dute mobilizazioan. Alberto Nuñez Feijoo PPko presidentea ere izan da Iruñean, Nafarroako zuzendaritzarekin batera, eta Juan Garcia-Gallardo Gaztela eta Leongo presidenteorde eta Voxeko kideak ere hartu du parte protestan.
Ekitaldian, Cristina Ibarrola Pedro Sanchez presidenteari zuzendu zaio. "Herrialde honi gertatu zaion okerrena zara, okerrena", esan dio. Sozialistekin oso kritiko agertu da Ibarrola, eta hiriarentzat ona bada, bere garaian zergatik ez zuten Joseba Asiron egin alkate galdetu die.
Ibarrolaren iritziz, "Iruñeko Udala koroaren harribitxia da EH Bildurentzat, udal hau beste edozein udal baino askoz ere garrantzitsuagoa da, estrategikoa da Otegirentzat eta haren jarraitzaileentzat, eta hala da Iruñea eta Nafarroa euskalduntzea funtsezkoa delako Euskal Herria eraikitzeko".
Javier Esparza UPNko presidentearen esanetan, "Iruñea ez dago salgai" eta "Iruñeak ez du inoiz etsiko". Halaber, "Sanchezek Iruñea faxismo abertzaleari entregatu dio", salatu du.
"PSOEk, Pedro Sanchez eta Maria Chivite buru dituela, askatasunak eta duintasun demokratikoa irainduko ditu", esan du Esparzak, eta gaineratu duenez, "EH Bilduri beste ordainketa bat eginda, alkatetza emango dio PSOEk". "Hemen gaude esateko ez zaiola doan aterako eta Nafarroak ez duela traizio hori ahaztuko", gaineratu du.
Alberto Nuñez Feijoo, Iruñean
Alberto Nuñez Feijoo PPko presidentea ere egon da bertan. Ekitaldiaren aurretik egindako adierazpenetan, PSNk eta PSOEk Iruñeari erakutsitako "duintasun falta" salatu du, zentsura-mozioa babesteagatik. "Espainia konstituzionala zatitzeko eta banatzeko beste adreilu bat jartzea" leporatu dio Pedro Sanchez Espainiako presidenteari, "kasu honetan Nafarroa bere harresirako erabiliz".
Voxen ordezkari gisa, Juan Garcia-Gallardo Gaztela eta Leongo presidenteordea egon da Iruñean. "ETAk Espainiako Langileen Alderdi Sozialistaren botoekin gobernatuko du Iruñean", esan du.
Ekitaldiaren ostean PSNren egoitzara joateko deia egin zien Voxek jarraitzaileei. Berrogeita hamar pertsona inguru bildu dira PSNk Sarasate pasealekuan duen egoitzaren aurrean.
Zure interesekoa izan daiteke
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo politikoa" dagoela egiaztatu du eta ustelkeriagatik "ardura hartzeko" eskatu dio Sanchezi
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.
Pradalesek elikagaien eta energiaren BEZa jaistea eskatu dio Sanchezi, eta oposizioak erantzun falta kritikatu du
Eusko Legebiltzarrak bizimodu duina bermatzeko osoko bilkura monografikoa egin du gaur, EH Bilduk bultzatuta. Otxandianok ohartarazi du ongizaterako arrisku nagusia ez dela balizko "inbasio militar bat", etxebizitzen garestitzea eta soldata txikiak baizik, eta sektorea "desmerkantilizatzea" eskatu du.