Iruñeko zentsura-mozioa babesten duten taldeek osoko bilkura bertan behera uztearen ondorioez ohartarazi dute
Milaka lagunek Iruñeko zentsura-mozioaren aurkako elkarretaratzean parte hartu eta biharamunean EH Bilduk, PSNk, Geroa Baik eta Contigo-Zurekin koalizioak ohartarazi dute joan den astean Iruñeko Udalean osoko bilkura bertan behera utzi izanak "diru publikoarentzat milioi laurden euro baino gehiago galera ekar dezakeela".
Ohar batean adierazi dutenez, bilkura horretan, 1 zenbakidun ordenantza fiskala onartzekoak ziren, 2024rako hiri-kontribuzioari dagokiona. Ordenantza horretan, kontribuzioa eguneratzeko irizpideak jasotzen dira, baina bilkura ez zenez burutu, zenbatekoak ez dira onartu.
Zentsura-mozioa babestu duten lau alderdiek "arduragabetzat" jo dute egoera hori, eta egungo gobernu-taldeak "bere betebeharrak betetzea" eskatu dute, "herritarrei kalteak" eragiten ez jarraitzeko. Hala, Cristina Ibarrolaren taldeari eskatu diote "ahalik eta lasterren" ezohiko osoko bilkura bat deitzeko, arau fiskal horiek onartzeko.
Bien bitartean, Iruñean Cristina Ibarrola UPNko alkatearen aurkako zentsura mozioa babesten duten talde politikoak, udal batzaren osaketaz eta programaz akordioa lehen bai lehen ixteko ari dira lanean. Gauza jakina da Joseba Asironen udal gobernua kanpotik babestuko duela PSNk.
Ibarrolak uste du Asironek baztertu egingo dituela proiektu asko
Txanponaren beste aldean, Cristina Ibarrola Iruñeko alkateak uste du Joseba Asiron EH Bilduren alkategaiak baztertu egingo dituela egiteke dauden proiektu asko. "Bilduk eta Alderdi Sozialistak argi utzi dute akordioa, interesatzen zaiena ez da hiria hobetzea, ez dago Iruñea hobetzeari buruzko hitzik. Interesatzen zaiena eta akordio horretan islatuta utzi dutena dira euskara eta memoria historikoa", esan du astelehen honetan prentsaurreko batean.
Ibarrarrolak honela egin dio erreferentzia etorkizuneko Gobernu talde berriari: "Ikusiko dugu ea maila ematen duten". Hala ere, gaineratu duenez, "ez naiz inozoa, eta badakit horietako asko bertan behera utziko dituztela".
Zure interesekoa izan daiteke
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta orain, pieza berri bat zabaltzea erabaki du, prebarikazioagatik eta EBri iruzur egiteagatik.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.