Zer boto transferentzia egon daiteke?
EITB Focus inkestaren arabera, datozen hauteskundeetako parte hartzea hazi egingo da, eta % 64an kokatu du. Aipatu beharra dago 2020ko hauteskundeetan (pandemia betean eta udan egin ziren) abstentzioaren datua % 40koa izan zela, inoizko altuena.
Alderdien arteko boto transferentziak batez ere EH Bilduri egiten dio mesede. EAJren hautesleen % 6k koalizioaren alde egingo luke orain. Jeltzaleek ez lukete beste alderdietatik botorik jasoko, nahiz eta azken hauteskundeetan abstentzioaren alde egin zutenen % 7k botoa emango lieketen oraingoan.
Boto duala bezala ezagutzen dena, hauteskunde deialdiaren arabera aldatzen den botoa, garrantzitsua izango da datozen hauteskundeetan. Uztailean izan ziren hauteskunde orokorrekin alderatuta, PSE-EE alderdiari botoa eman ziotenen % 19k EAJ aukeratuko lukete oraingoan, eta % 16,4k, EH Bildu.
Boto fidela
Hautesle fidelenak EH Bilduk ditu, % 86. Hauteskunde orokorrekin alderatuz gero, hiru puntu igo da zenbateko hori.
EAJk, berriz, hauteskunde orokorrekin alderatuta, lau puntu galdu ditu, eta hautesleen % 63 ditu fidelak. Boto dualaren ondorioz, PSE-EE 13 puntu jaitsiko da, eta % 54ko fidelizazioa du. Elkarrekin Podemosek 20 puntu galduko ditu, eta % 24ko fidelizazioa du.
Ezbaian daudenak
Silvan & Miraclek egindako analisiaren arabera, "ezbaian dauden pertsonen datuek erakusten dute hautesleen zati handi batek ez duela oraindik hauteskunde prozesuarekin bat egin". "Hautagaien ezagutza maila baxua eta hauteskundeak oraindik ez direla deitu kontuan izanda, badu zentzurik", gaineratu dute.
Elkarrekin Podemosek eta PSE-EEk dituzte boto-emaile gehien zalantzati; izan ere, 2020an botoa Elkarrekin Podemosi eman zieten boto-emaileen % 24k eta euskal sozialisten alde egin zutenen % 19k orain zalantzan daudela esan dute.
Boto-emaileen % 21 omen daude ezbaian. Horien artean, % 86k ez dute alderdien arteko zalantzarik, hauteskunde girotik "deskonektatuta" daudelako. Alderdien artean zalantzak dituztenen artean, % 36 EAJren eta EH Bilduren artean daude zalantzan, eta % 17, EAJren eta PSE-EEren artean.
Liderren ezagutza
Azkenik, EITB Focusek agerian utzi du liderren ezagutza maila baxua dela oraindik. Ondorioz, botoa aukeratzerako garaian, alderdiaren izenak hautagaiarenak baino pisu gehiago du.
Imanol Padrales (EAJ) eta Pello Otxandiano (EH Bildu) dira ezagunenak (% 53ko eta % 50eko ezagutza maila dute hurrenez hurren), baina datu "oso baxuak" dira, Silvan & Miracleren ustez.
Metodologia
Bizitokia EAEn duten 1.800 pertsona elkarrizketatu dituzte EITB Focus inkesta egiteko (lurralde historiko bakoitzeko 600).
Galdeketak urtarrilaren 24tik 29ra egin zituzten, telefonoz.
Ikerketari buruzko zehaztasun sakonagoak edo beste adierazle estatistiko batzuk ezagutzeko, kontsultatu PDF osoa.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.