Lehendakariak legealdiaren "balorazio ona" egin du, oposizioaren kritikak ukatuta
"Arazoak eta kritikak ukatu gabe", amaitzear den legealdiaren "balorazio ona" egin du Iñigo Urkullu lehendakariak, oposizioak Eusko Legebiltzarrean egin dizkion hainbat galderari erantzunez.
Kontrolerako saioa egin dute gaur EAEko ganberan, eta baliteke hauteskundeen aurreko azkena izatea, bozetarako datarik ez dagoen arren. Bilkuran agerikoa izan da agur eta hauteskunde giroa. Hala, PP eta Vox alderdiek legealdiaren inguruko balantzea eskatu diote lehendakariari, eta EH Bilduk hauteskundeen ostean indar subiranisten gorakadak izan beharko lituzkeen ondorioei buruz galdetu dio. Erantzunean, "behar baino arinago datozen despedidak" aipatu ditu lehendakariak, ironiaz.
Nerea Kortajarena EH Bilduko legebiltzarkidea izan da galdetzen lehenetarikoa, hauteskundeei begira jarrita. Kortajarenak EAJren eta PSE-EEren "aliantza baztertzailea" kritikatu du, eta esan du ez duela balio ezkerreko politika subiranistak egiteko. Horren aurrean, inkestek aurreikusten duten abertzaletasunaren gorakadaren aurrean, "burujabetzaren aldeko apustua" egiteko eskatu dio lehendakariari. "Garaiek eskatzen duten aldaketa ezingo da egin burujabetza barik", ohartarazi du, eta Estatuarekin harreman berdinzaleago bat izateko, aurrena "hemen ados jartzeko beharra" nabarmendu du.
Erantzun gogorra eman dio lehendakariak Kortajarenari. Horren arabera, EH Bilduk inposatu egiten du "norekin goberna daitekeen eta norekin ez, behinola sobran zegoena nor zen agintzen zuen indarkeriazko estrategia babesten zuen bezala". Urkulluren iduriko, koalizio abertzaleak "komeni zaiona defendatzen du beti", ezker abertzalearen "betiko ereduari" jarraiki: "Besteei dena eskatu, eta norberari gutxienekoa".
PP: "Ameskeria izan da dena"
Bere txandan, Jaurlaritzak Osakidetzan egindako kudeaketa kritikatu du Carlos Iturgaiz PPko legebiltzarkideak. "Hain izan da txarra, ezen zureek ere aitortu dute", esan du Imanol Pradales EAJren lehendakariagaiak Osakidetza "humanizatzeko" beharraz egindako adierazpenei erreferentzia eginda. "Pradales jauna zure gobernua higatzeko tematuta dagoen oposizioaren parte al da?", galdetu dio.
Iturgaizen aburuz, "kudeaketa bikainaren eta perfekzioaren oasiaren ziria sartu nahi izan ziguten, baina ameskeria izan da dena".
Erantzunean, kritikak egotea "naturala" dela esan du Urkulluk, "kritikak eraikitzaileak direnean zerbitzua hobetzen laguntzen dute", erantsi du. Iturgaizen adierazpenen aurrean, hainbat datu eman ditu lehendakariak, besteak beste, % 6,3ko langabezia tasarena, barne produktu gordinaren hazkundea, Euskadin izandako bederatzi milioi gaualdiena eta eskola uzteko tasa "inoizko minimoetan" dagoela.
Soziometroak emandako beste datu bat ere aipatu du. Horren arabera, EAEko herritarren % 73k "Jaurlaritzan konfiantza" dute. "Nire ondorioa da konfiantza hori indartzen jarraitu behar dugula, eta horretan egingo dut lan azken egunera arte", gaineratu du.
Legebiltzarrean lortutako "adostasuna" nabarmendu du Urkulluk
Amaia Martinez Voxeko legebiltzarkideak ere balantzea egiteko eskatu dio lehendakariari, "legealdia bere hondarrean" dagoen honetan. Horren ustez, pandemia eta Ukrainako gerra ezin dira "aitzakia gisa" erabili balorazioa egiteko.
Ihardespenean, autokritika eskatzea baina "inoiz ez egitea" egotzi dio Urkulluk Voxi, eta berak "autoexijentzia" praktikatzen duela esan du. Urkulluren aburuz, Jaurlaritzaren jardunak "adostasuna" izan du lege, Legebiltzarrean gehiengo osoa izan arren. Horren adibide jarri ditu atzo ganberan onartutako hiru legeak, eta salatu du horietako batek "zuon kontrako botoa bakarrik" eduki zuela.
Mendia: "Euskadi hobea itzuli dugu"
Idoia Mendia bigarren lehendakariorde eta Lan eta Enplegu sailburuak ere legealdiaren balorazioa egin du, Ekain Rico sozialistak eskatuta. Horren ustez, PSE-EEk emandako hitza bete du. "Pandemian inor ez da atzean geratu, eta politika erabilgarria egin dugu. Aurkitu genuena baino Euskadi hobea itzuli dugu", azpimarratu du.
Zure interesekoa izan daiteke
Melgosak Espainiako Gobernuari ohartarazi dio erregularizazio prozesuaren ondorioak bere gain har ditzala
Radio Euskadin egindako elkarrizketa batean, Nerea Melgosa sailburuak Sanchezen Gobernua kritikatu du, ez dituelako aintzat hartu Eusko Jaurlaritzak erregularizazio-prozesuari egindako alegazioak; besteak beste, euskara ikasten duten migratzaileen ahalegina aitortzea.
Sidenorren inguruko erabakiak ez du Otegi harritu, baina Israelekiko harremana mahai gainean jartzearen alde agertu da
Auzitegi Nazionalak Jose Antoni Jainaga eta Sidenorren zuzendaritzako beste bi kide genozidiogatik ez ikertzeko hartutako erabakiak ez du Arnaldo Otegi EH Bilduren idazkari nagusia harritu. Dena den, haren ustez, fokua Ameriketako Estatu Batuekiko eta Israelekiko harremanetan jarri behar da.
81 biktima politiko gehiago aitortu ditu Nafarroak
Foru Gobernuak biktimei errekonozimendua eta erreparazioa emateko hirugarren ekitaldia egin du, eta, guztira, 122 biktima aitortu ditu. Ana Ollok "giza eskubideen errespetuaren eta defentsaren" alde egin du, "zoru etikoa" hor dagoela aldarrikatuz.
Pardo de Verak deklaratu du Aldama Garraio Ministerioan noiznahi ikusten zuela atzera eta aurrera
Auzitegi Gorenean egin duen deklarazioan, Adifeko presidente ohiak ukatu egin du inolako presiorik jasan izana musukoak erosteko edo inor entxufatzeko.
Asironek esan du Aranzadiko etxegabetuei Udalak "behin behineko" irtenbidea eman ahal diela
Joseba Asiron Iruñeko alkateak Aranzadiko eraikina hustea beharrezkoa zela defendatu du, arrazoi humanitarioak eta segurtasun arrazoiak direla eta. Ziurtatu du aterperik gabe geratu diren 98 lagunen kasuak banan-banan aztertzen ari direla, behin-behineko irtenbidea emateko. Udalak behin betiko irtenbiderik ezin duela eskaini esan du, ez duelako horretarako eskumenik. "Irtenbidea erregularizazioa da".
Marlaskak esan du espazio publikoetan arma zurien erabilerari aurre egiteko neurriak "ahalik eta lasterren" hartuko dituela
Pasa den martxoaren 27an aldebiko batzordean arma zuriak eramateari buruzko zigor araubidea zorroztea eta indartzea adostu zuten Espainiako Gobernuak eta Eusko Jaurlaritzak. Ildo horretan, arazoari "modu egoki eta koordinatuan" heltzeko lege erreformak egitearen eta gizartea sentsibilizatzearen beharra azpimarratu du Fernando Grande-Marlaska Barne ministroak.
Voxen diputatu bat Kongresuko Osoko Bilkuratik kanporatu egin dute, Presidentetzako kideei aurre egiteagatik
Voxen Konstituzio Batzordearen bozeramaileak, José María Sánchez Garcíak, Kongresuko presidenteordeari eta letratu bati aurre egin die astearte honetan. Hainbat aldiz abisu eman diote, eta, azkenean, kanporatu egin dute. Sánchez García kexu zen ERCren diputatu batek, Jordi Salvadorrek, irain larriak egin zizkiola, hala nola “hiltzailea”, “ezjakina” eta “kriminala” esanez.
Torresek iragarri du Parte hartze Instituzionalari buruzko euskal Legean "parte hartu" nahi ez duten sindikatuen aurrean "diskriminazioak" ezarriko dituztela
Lehendakariordeak adierazi duenez, etorkizuneko legeak "eragile sozialen parte-hartze faltaren ondorioak" arautuko ditu, "derrigor" parte har dezaten.
Espainiako Gobernuak migratzaileen erregularizazioa onartu du, baldintza gisa jarririk aurrekari penalik ez edukitzea
Erregularizazioak milioi erdi migratzaile ingururi eragingo die, eta apirilaren 16tik aurrera eskatu ahal izango dute. Testuak baldintza gisa ezartzen du aurrekari penalik ez edukitzea, bai eta "ez izatea ordena zein segurtasun publikorako mehatxu" ere.
Gerren aurkako eta askatasunaren aldeko deiak Eibartik, gaur Memoria Demokratikoaren Leku izendatua
Unzaga plazan, udaletxea dagoen lekuan eta duela 95 urte Alfonso XIII.aren plazaren ordez Errepublika plaza izendatu zuten lekuan, ekitaldia egin dute gaur, Espainiako Gobernuak Eibar Memoria Demokratikoaren Leku izendatu duela egiaztatzen duen plaka agerian uzteko. Herritar ugariz gain, bertan izan dira erakundeetako ordezkariak, tartean Pablo Bustinduy Eskubide Sozialen, Kontsumoaren eta 2039 Agendaren ministroa.