Gatazkak konpontzeko "kultura aldaketa" eskatu du Pradalesek, grebak "lehen aukera" izan ez daitezen
Imanol Pradales EAJren Lehendakaritzarako hautagaiak "kultura aldaketa" galdegin du lan gatazkak konpontzeko orduan, grebak "lehen aukera" baino, "ezohiko tresna" bihur daitezen. Sektore publikoan martxoaren 12rako gehiengo sindikalak deitu duen grebari buruz galdetuta egin du gogoeta, Euskadi Irratiko "Faktoria" saioan egin dioten elkarrizketan.
Bizkaiko Azpiegitura eta Lurralde Garapenerako foru diputatua ere badena kritiko azaldu da deialdiarekin, eta pare bat datu eman ditu. Batetik, Espainiako Estatuaren eta EAEren biztanle kopurua eta greben portzentajea alderatu ditu. Horren hitzetan, "EAEko biztanleria Espainiakoaren % 5 da, baina Estatuan egiten diren greben erdia hemen egiten dira. Ez dago oso orekatua". Bestetik, azpimarra jarri du sektore publikoan egiten direla "greba gehienak", esparru horretan EAEko langileriaren % 16 baino ez dabilen arren.
Pradalesen aburuz, "greba tresna bezala badago, baina horretara heldu baino lehen hitz egin beharra dago, negoziatu... askotan kultura hori botatzen dut faltan".
Klima aldaketaren kontrako borrokan abiatu beharreko trantsizio ekologikoa ere hartu du hizpide buruzagi jeltzaleak, asteburuan egindako adierazpenei jarraiki. Urratsak ematearen alde agertu da, Europako Itun Berdearekin bat eginda, baina, nabarmendu duenez, aldaketa "ezin da egun batetik bestera egin, ezin gara beltzetik zurira pasatu. Izan ere, gogorarazi du EAEko enpresek gasarekiko menpekotasun handia dutela, etxeetan ere bai, eta petrolioak garrantzitsua izaten jarraitzen du. Beraz, bidea apurka-apurka egin behar dela azpimarratu du, "lehiakortasuna dugu jokoan, eta lanpostuak ere bai".
Gai politikoetara etorrita, EAEko hauteskundeen data ezagutzen ez duela berretsi du, eta apirilean edo ekainean izanda, bi aukerek "abantailak eta desabantailak" dituztela iritzi dio. Europakoekin batera badira, ekainean, hautagai berrientzat "abantaila" izango dela uste du, euren buruak ezagutarazteko denbora gehiagoi izango dutela argudiatuta. Baina, era berean, Espainiako zein Europakoak eragina izan lezakeela. Apirilean badira, halaber, uste du Feijooren eta Sanchezen partetik "saiakera" egon daitekeela "kanpaina hemendik egiteko".
Azkenik, Galiziako hauteskundeak hizpide, BNGk izandako "izugarrizko igoera" txalotu du. "Berri ona da abertzaletasunaren ikuspuntutik", erantsi du. Bestalde, PP zein PSOE "ahulduta" ikusi ditu Pradalesek, biek ala biek ordezkariak galdu dituztelako Parlamentuan.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.