"Eskumenak urratzen dituzten" Etxebizitza Legearen artikuluak kentzeko eskatu diote Espainiako Gobernuari
Espainiako Kongresuko Etxebizitza eta Hiri Agendaren Batzordeak PPren legez besteko proposamen bat onartu du gaur, Espainiako Gobernuari Etxebizitza Legearen artikuluak erreformatzea edo indargabetzea eskatzeko, baldin eta "erkidegoen eskumen esklusiboak urratzen" badituzte.
Ekimenaren alde bozkatu dute PPk, Vox ultraeskuineko alderdiak, EAJk eta Juntsek, eta aurkako botoa eman dute PSOEk, Sumarrek, Podemosek eta EH Bilduk. Eta ERCk, aurreko legealdian arauaren bultzatzaile nagusietako bat izan zenak eta joan den udan Kataluniako Parlamentuan konstituzio-kontrakotasuneko errekurtso bat aurkeztea babestu zuenak, oraingoan abstenitzea erabaki du.
PPren proposamenak Konstituzioaren 148. artikulua du oinarri; bertan ezartzen da erkidegoek hirigintza eta etxebizitza arloko eskumenak bereganatu ahal izango dituztela, eta, ondorioz, ez dagozkiola Estatuari.
Hala ere, dokumentuak dioenez, "Etxebizitza Legeak behin eta berriz urratzen ditu autonomiek gai horietan dituzten eskumen esklusiboak".
"Horrek guztiak ondorioztatzen du maiatzaren 24ko 12/2023 Legea Konstituzioaren aurkakoa dela, baina ez soilik erkidegoen eskumenak urratzeagatik, baita, adibidez, jabetza pribaturako eskubidea urratzeagatik ere", dio Kongresuak onartutako ekimenak.
Hala ere, legez besteko proposamen hori onartzearekin batera, Batzordeak atzera bota du alokairuak arautzeko mekanismoak Etxebizitza Legetik kentzeko PPren beste ekimen bat.
PPk eta Voxek proposamenaren alde bozkatu dute, eta PSOEk, Sumarrek, ERCk, EH Bilduk, EAJk, Juntsek eta Podemosek, berriz, kontra.
Hori bai, PPk hirugarren ekimen batek aurrera egitea lortu du, Espainian gazteek etxebizitza eskuratzeko erronkari aurre egiteko, EAJren abstentzioari eta Juntsen aldeko botoari esker.
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.