Pradalesek jasandako erasoak eta Otxandianok ETAri buruz esandakoek kanpainaren azken txanpa astindu dute
Imanol Pradales EAJren lehendakarigaiak Barakaldon mitin bat eman ondoren jasandako erasoak eta Pello Otxandianok, EH Bilduren hautagaiak, ETAri buruz esandakoak hauteskunde-eztabaida tenkatu dute, ia oharkabean pasatzen ari zen kanpaina bat astinduz, PSE-EEren eta EH Bilduren artean arrakala bat eraginez eta Espainiako Gobernuak, lehendakariak eta ETAren biktimek parte hartu duten eztabaida bat irekiz.
Polemika EH Bilduko lehendakarigaiak SER irrati katean egindako elkarrizketa batean esandakoetatik eratorri da. Horretan, ETA talde terroristatzat jotzen ote duen galdetu ziotenean, "talde armatua" izan zela erantzun zuen, eta "ikuspuntu ezberdinen" mende dagoela terroristatzat jotzea ala ez.
Testuinguru horretan, terrorismoaren biktimen elkarteek, hala nola Covitek, Fernando Buesa Fundazioak eta AVTk, Otxandianoren aurka egin dute.
Covitek adierazi duenez, hautagaiaren hitzek "agerian uzten dute ETArekiko lilurak EH Bilduren proiektu politikoaren funtsezko elementua izaten jarraitzen duela".
Fernando Buesa Fundazioak ere azpimarratu du ETA "milaka herritar hil, zauritu, bahitu, estortsioa egin eta mehatxatu zituen talde terrorista" izan zela.
Eta Terrorismoaren Biktimen Elkarteak (AVT) esan du ezin dela "onartu", eta deitoratu du "betiko diskurtsoa" izatea, nahiz eta "orain alkandorarekin joan".
Bere aldetik, Espainiako Gobernuak ere gogor egin du Otxandianoren aurka. Hala, Pilar Alegria ministro bozeramaileak adierazi du "koldarra" eta "erabateko mespretxua" dela biktimentzat eta euskal eta espainiar gizartearentzat, ETA "talde terrorista" izan zela ez onartzea. "Gure herriaren eta demokraziaren historiarekin bateraezina den negazionismoa da", gaineratu du.
Era berean, Iñigo Urkullu lehendakariak esan du "behar-beharrezkoa" dela "behingoz EH Bilduk ETA izan zena gaitzestea", hau da, "erakunde terrorista", eta "besterik ez dago esateko".
"Nire buruari galdetzen diot ea benetan hori den EH Bilduk sustatzen duen ziklo aldaketaren adibidea", galdetu du Eusko Jaurlaritzako buruak. "Kontuan izan behar dira ETAk eragindako biktimak, 853 hildakoak, zauritutako, bahitutako eta xantaia egindako milaka pertsonak", azpimarratu du.
Otxandianoren hitzek sortutako zalaparta berariaz aipatu gabe ere, Mikel Otero EH Bilduren Arabako hautagaiak uste du alderdi politiko batzuek "aldaketa gertatzeko aukera zenbat eta gertuago egon", orduan eta "gehiago lokazten" dutela eztabaida.
Zure interesekoa izan daiteke
EAE adingabe migratzaileak hartzeko Estatuak ezarritako kupoaren gainetik dago, eta Nafarroa, berriz, azpitik
Arabak, Bizkaiak eta Gipuzkoak 843 adingabe atzerritar artatzen dituzte egun, berez dagokiona baino 65 gehiago. Aldiz, azken datuen arabera, Foru Erkidegoa bere gaitasunaren % 30 inguruan dago.
Ceutako migrazio krisiaren aurretik alertak jaso zituen ala ez galdetu dio epaileak Guardia Zibilari
Iustitia Europak jarritako salaketaren ondorioz abiarazi ditu izapideak Auzitegi Nazionalak, eta bizi direnen eta hildakoen kokapenari buruzko informazioa eskatu du.
Melgosa: "Estatuaren lehen betebeharra da adingabeak familiekin itzultzeko bideak agortzea"
Eusko Jaurlaritzako Berdintasun, Justizia eta Gizarte Eskubideetako sailburuak nabarmendu du ez zaiola "zentzuzkoa iruditzen lehen erantzuna (Espainiako Gobernuarena) adingabe horiek (Ceutan daudenak) beren familietatik urrun, milaka kilometrotara, eramatea".
Grande-Marlaska eta Robles kargugabetzea eskatu du Telladok: "Ceutan gertatu den guztiaren erantzuleak dira"
Miguel Tellado Alderdi Popularraren idazkari nagusiak, Gasteiztik, Fernando Grande-Marlaska Espainiako Gobernuko Barne ministroa eta Margarita Robles Defentsa ministroa kargugabetzea eskatu du, Ceutako migrazio krisiaren aurrean ez dutelako "ezer egin".
Gizon bat atxilotu dute, Bilbon Cake Minuesaren kontrako derrigortze eta gorroto delituak egitea egotzita
Okdiario hedabideko kazetaria Mundialeko finalaren egunean Bilbon egiten ari ziren euskal selekzioaren aldeko manifestazio batean zegoen.
Ceutan sartu ziren 72.000 pertsonetatik 70.000 Marokora itzuli direla ziurtatu du Marlaskak
Migrazio-krisi honetan hiri autonomora iritsi diren adingabeei premiazko arreta emateko, Espainiako Gobernuak 25 milioi euroko partida gehigarri bat bideratuko du Ceutara.
Zapaterok errekurritu egin du haren kontuak eta haren gertukoenak ikertzeko epaileak emandako agindua
Espainiako Gobernuko presidente ohiaren defentsak ohartarazi duenez, banku-kontuak ikertzeko baimen "orokor" batek "ikerketa prospektibo" bati bide eman diezaioke.
Espainiako inteligentzia zerbitzuek ez zuten Ceutako krisiaz ohartarazi, Gobernuaren arabera
Elma Sainz bozeramaileak adierazi du CNIk ez zuela horren gaineko txostenik egin.
Etxebarriak defendatu du Gasteizko Udala izan zela diskoteketako atezainen legea indartzeko eskatzen aurrena
Kerman Villate gaztearen gurasoek egindako adierazpenen ondoren, Maider Etxeberria Gasteizko alkateak ez du barne ikerketaren inguruan ezer esan. Soilik esan du Udalak "berehala" erantzun zuela, Eusko Jaurlaritzari diskoteketako segurtasun-langileen gaineko araudia indartzeko eskatuz, eta heriotza ez zela "inoiz gertatu behar izan" gaineratu du.
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.