Ez deklaratzeko duen eskubidea baliatu du Koldo Garciak, Senatuko ikerketa batzordean
Koldo Garciak, Abalos ministro ohiaren aholkulari izandakoak eta pandemia garaian maskaren salerosketan ustez izandako kontratu irregularren auziari izena ematen dionak ("Koldo auzia"), ez deklaratzeko duen eskubidea baliatu du gaur Senatuan auzia ikertzeko sortutako batzordean egin duen agerraldian. Senatariek egin dizkioten galderei ez erantzutea erabaki du eta kontzientzia "lasai" duela azpimarratu du. Halaber, goi ganberan azalpenak emateko prest agertu da galderak sumarioari lotutakoak baldin badira, behin informazioa kontrastatzeko tresnak dituenean eta epailearen aurrean deklaratzen duenean.
Besterik gabe, ez erantzuteko duen eskubidea baliatuko duela azaldu du Garciak. Prozedura judizial batean dagoela gogoratu ostean, "zentzuari jarraituz", lehendabizi epailearen aurrera agertu eta Justiziaren erabakiaren zain egon behar duela aipatu du.
Ikerketa batzordera deitu dituzten guztiek bezala, Senatuan agertu beharra zeukan. Hala ere, Garcia bezala auzipetuta daudenek ez erantzuteko eskubidea dute, bere defentsa estrategiari kalte ez egiteko.
Senatuko ikerketa batzordeko lehen galdekatua 11:00etan agertu da. Bere lehen hitzartzean argitu nahi izan du Estatuko Segurtasun Indarrek ezagutzen dutela bere kokapena, eta, hortaz, ez duela saihestu nahi izan Senatuko agerraldia.
Oro har, galderei erantzuteari uko egin badio ere, kontzientzia lasai ote duen galdetu diotenean "oso" lasai dagoela erantzun du. Galdera horri tiraka eta kontzientzia lasai ez dutenak zeintzuk izan daitezkeen galdetuta, "agian zuek, ezta?" erantzun dio Josu Estarrona EH Bilduko ordezkariari.
PSOEko militante ote den ere itaundu diote, baina ez dakiela erantzun du. "Baina ez kezkatu, itzuliko naiz", gaineratu du.
Bestalde, sumarioak bere izena eramatea deitoratu du ("Koldo auzia"), eta mediatikoki "hilda" dagoela salatu du. "Nik jada ezin dut inorekin harremanik izan, ezin dut inorekin hitz egin, mediatikoki hilda dago", adierazi du. Horrez gain, "errugabe" jotzen dutenean deituko al dioten galdetu die bertaratutakoei.
Azkenik, "miserable" deitu dion PPko Luis Santamariari erantzunez, lapurrek denak bera bezalakoak direla uste duela esan du. "Bizitza osoan lan egin dut, bizitza osoan, eta zuzen jokatu dut", gehitu du.
Zure interesekoa izan daiteke
Egian migratzaile bati egindako erasoa gaitzetsi du Insaustik eta "motibazio arrazista" dagoen ikertzen ari direla esan du
Jon Insausti Donostiako alkateak gaur azpimarratu duenez, larria da pasa den astean Egia auzoan migratzaile bati egin zioten erasoa, eta gorrotoak hirian lekurik ez duela berretsi du. Biktima gizarte zerbitzuen sistemaren baitan zegoen, eta gaueko zerbitzuen eta "Otorduak" programaren erabiltzailea da.
Aburtok akordioak defendatu ditu eta "politika onaren alde" egin du
Juan Mari Aburto Bilboko alkateak elkarrizketan, akordioetan, zerbitzu publikoan eta bizikidetzan oinarritutako politika aldarrikatu du, Udalaren Egoerari buruzko azken osoko bilkuran.
Ubarretxenak azpimarratu du ez dela aldebiko batzordea elkartuko akordio garrantzitsurik lortu ezean
Maria Ubarretxena Eusko Jaurlaritzako bozeramaileak gobernu bileraren osteko prentsaurrekoan nabarmendu duenez, Jaurlaritzak "ez du amore emango", baina akordioak lortu ahal izateko "beste aldeak borondate politikoa erakutsi behar du".
Chivitek hauteskunde kutsua ikusi dio Geroa Bairi, Belateko lanen bileratik "sartu baino kezkatuago" atera zela esan ostean
Ezustean eta harriduraz hartu ditu Nafarroako presidenteak Geroa Baik atzoko bileraren ostean egindako adierazpenak. Izan ere, Gobernuko bazkideek Belateko tunelen egoera aztertzeko bart egindako bileraren ostean, Pablo Azcona bozeramaileak "sartu baino kezkatuago" atera zela esan zuen. Azpiegituraren etorkizunari buruz esan du "oraindik ez dagoela ezer itxita".
Anduezak "seriotasuna" eta "diskrezioa" eskatu ditu Estatutu berriaren negoziazioan, "pazientziak muga bat duelako"
Eneko Andueza PSE-EEko idazkari nagusiak pazientzia galtzeko arriskua dagoela ohartarazi die EAJ eta EH Bilduri. Ildo horretan, lehia eta ika-mikak alde batera uzteko eskatu die biei.
Aburtok Bilbon egindako ibilbidea aldarrikatu du, eta akordioetan oinarritutako politika defendatu: "Denak ez du balio"
Alkateak hiru agintaldien balantzea egin du, eta elkarrizketan, elkarbizitzan eta herritarren zerbitzura jardutean oinarritutako politika aldarrikatu du. "Pertsona ona izan nintzela gogoan izatea gustatuko litzaidake», esan du.
Albiste izango dira: lehendakariaren bilera Confebaskekin, Adimen Artifizialaren moteltzea eta Zinemaldia ate joka
Gaurkoan Orain-en albiste izango direnen laburpena, bi hitzetan.
Ertzaintzak ikerketa abiatu du gazte batzuek Felipe VI .a erregearen irudi bati burua moztu ziotela eta
Gertakariak igandean jazo ziren, Ernaik faxismoaren kontra deitutako martxan. Donostiako alkateak eta Espainiako Gobernuak EAEn duen ordezkariak ekintzok gaitzetsi dituzte.
Anduezak, estatutu berriaz: "Adostu beharrekoa Konstituzioaren barruan egongo da"
Halaber, jeltzaleei beste abisu bat ere helarazi die: EH Bildurekin hizkuntza eskakizunen inguruan akordioa sinatzea "oso larria" izan zela eta halako "leialtasuna eza" ezin dela errepikatu esan die.
PSOEk irabaziko lituzke hauteskunde orokorrak CIS inkestaren arabera, Ceutako krisiaren ostean bi puntu jaitsi arren
Iraileko CIS inkestak aurreikusi du PSOEk botoen % 31 lortuko lukeela, PPk % 25,5 eta Voxek % 16,6. Alderdi Popularrak lau hamarren egingo luke behera; ultraeskuinak, berriz, 1,3 puntu gora. Halaber, EH Bildu EAJren aurretik geldituko litzateke, hurrenez hurren, botoen % 1,3 eta 0,7 lortuta.