Zer dago Sanchezen erabakiaren atzean? Data esanguratsuak
Pedro Sanchez Espainiako Gobernuko presidenteak gutuna igorri zien atzo herritarrei salatzeko eskuinak eta ultraeskuinak bera "jazartzeko eta eraisteko" duten "estrategia". Dokumentuan adierazi zuenez, "hilabeteak" daramatzate haren, PSOE alderdiaren eta, orain, Begoña Gomez emaztearen kontra jarduten. Hainbat aurrekari bildu ditugu:
"¡Que te vote Txapote, Sanchez!". Eskuin espainiarrak Pedro Sanchez kritikatzeko eta ETArekin lotzeko (Txapote Xabier Garcia Gaztelu ETAko kidearen izengoitia omen zen) maiz erabili duen esaldia da, eta presidente izateko EH Bilduren babesa jaso izanari egiten dio erreferentzia.
Berez, 2022ko irailean sortu zen leloa, baina ozenago entzun zen 2023ko otsailean Isabel Diaz Ayuso Madrilgo Erkidegoko presidenteak ahotan hartu zuenean. Ordutik, eskuinak zein ultraeskuinak erabili izan dute. Iazko uztaileko hauteskunde orokorren kanpainan bolo-bolo ibili zen, biktima elkarteen artean zatiketa eraginez. Covite eta Fernando Buesa Fundazioak, esaterako, ez erabiltzeko eskatu zuten.
"Fruta gustatzen zait". Handik hilabete eskasetara, 2023ko azaroan, Sanchezen inbestidura saioan, Isabel Diaz Ayuso protagonista bihurtu zen berriro Pedro Sanchezi, ahopeka, "putaseme" deitzeagatik, gonbidatuen eserlekuetan zegoela. Ayusok ez zuen barkamenik eskatu, eta tribunatik egindako irainak justifikatu zituen, presidentegai sozialista berari eta bere familiari buruz gaizki esaka aritu zela iritzita. "(Egin dezakedan) gutxienekoa da ahapeka esatea 'fruta gustatzen zait'", gaineratu zuen.
Pedro Sanchezen panpina baten urkatzea eta jipoitzea. 2023ko abenduan, Urtezahar gauean, ultraeskuindarrek elkarretaratzea egin zuten PSOEk Madrilen duen egoitzaren aurrean, eta Espainiako presidentearen urkatzea eta jipoitzea simulatu zuten, panpina batekin. Sozialistek Fiskaltzaren aurrean salatu zuten auzia, gorroto delitua izan zitekeelakoan. Epaileak bi hilabeteren buruan artxibatu zuen.
PPren salaketa Sanchezen kontra, "interes gatazka" egotzita. Duela hilabete, 2024ko martxoan, PPk salaketa aurkeztu zuen Interes Gatazken Bulegoan Sanchezen aurka, Air Europaren erreskateak onartu zituen Ministroen Kontseiluetan parte hartzeagatik. Argudiatu zutenez, presidenteak ez zuen bilera hartan egon behar "Begoña Gomez emaztearekin lotura ekonomiko eta profesionalak zituen konpainia" zegoelako tartean. Auzia baztertu zuen Bulegoak, Gomezek konpainiarekin lotura profesionalik ez zuela argudiatuta.
Gomezen kontrako ikerketa, abian. Manos Limpias sasi-sindikatu ultraeskuindarrak salaketa aurkeztu zuen 2024ko apirilean Pedro Sanchezen emaztearen kontra influentzia trafikoa eta ustelkeria egotzita. Epaitegiak tramitera onartu zuen auzia, eginbideak hasita.
Albiste gehiago politika
Epaileak ez du Cerdan aske utziko, frogak suntsitzeko arriskua dagoela argudiatuta
Hala ere, aurreratu du "aurreikuspenen arabera" prebentziozko espetxealdia ez dela aurten baino gehiago luzatuko.
Diez Antxustegi: "PP galduta dago eta EH Bildu ezkutatuta"
Joseba Diez Antxustegi EAJren bozeramaileak EH Bilduren "anbiguotasuna" kritikatu du, eta "konpromiso zehatzik" ez duela hartzen aurpegiratu dio.
Pello Otxandianok estatus berri bat adosteko "erabateko eta mugarik gabeko konpromisoa" eskaini dio lehendakariari
EH Bilduko Legebiltzarreko bozeramaile Pello Otxandianok bat egin du lehendakariak “garai ilunen” mehatxuaren inguruan egindako diagnostikoarekin. Ildo horretan, azpimarratu du EH Bildu prest dagoela, “mugarik gabe”, Euskal Herriaren eta euskal gizartearen defentsan lankidetzan egiteko: “Lehendakariak eta gobernuak gure erabateko kolaborazioa izango du testuinguru historiko honi aurre egiteko”.
Andueza: "Ez diogu aterik irekiko independentziari bide emango liokeen Estatutuaren erreformari"
Eneko Andueza PSE-EEren bozeramailearen ustez, "Estatutu berri bat ahalbidetu behar dugu, 46 urte hauetan garatu ahal izan ditugun aurrerapen guztiak jaso eta beteko dituena", eta pilota EAJren eta EH Bilduren teilatuan dagoela azpimarratu du.
PPk Jaurlaritzari leporatu dio ezkerrera egin izana
Javier de Andres Euskadiko PPko presidenteak adierazi duenez, "Euskadik arazo larria du ezker erradikalarekin". "Pradales jauna, EAJrekiko oso urruti gaude, eta hori ez da autogobernuarekiko dugun interpretazioagatik, baizik eta EAJk ezkerrera egin duen bideagatik, Bilduren eta PSEren presioei men eginez".
Jon Hernandez (Sumar): "Estatutuaren inguruko eztabaida ezin da modu abstraktuan egin, eskumenak nola erabiltzen diren ikusi behar da”
Politika orokorreko osoko bilkuraren arratsaldeko saioan, Sumarreko legebiltzarkideak ohartarazi du estatutu berriari buruzko eztabaida autogobernuaren benetako erabileran eta dauden eskumenetan oinarritu behar dela. Hernandezek azpimarratu du jokoan dagoena ez dela soilik legegintzaldi bat, Euskadik krisi klimatikoari, prekarietateari, desberdintasun sozialari eta etxebizitzari erantzuteko duen gaitasuna baizik.
Vox: "Langabezia-prestazioen kudeaketaren eskualdatzea txiringito berri bat sortzeko aitzakiarik onena izango da"
Amaia Martinez Voxeko legebiltzarkideak abiatu du Politika Orokorreko Osoko Bilkuraren arratsaldeko saioa. Migrazioaren gaia hizpide izan du behin eta berriz, eta Pradalesen Gobernuaren lehen urteari buruz "oso emaitza kezkagarriak" eman dituela esan du.
Sortuk bi pankarta eskegi ditu Cuelgamurosen, autodeterminazio eskubidea aldarrikatzeko
“Gora Euskal Herria askatuta” irakur daiteke pankarta batean, eta bi guardia zibilik ikus daitezke bestean, pertsona bat fusilatzen.
Vianako Printzea erakundeak bide eman dio Iruñeko Erorien Monumentuaren erreformari
Monumentuari buruzko xedapen espezifiko bat sartzeko memoria historikoaren araudia aldatu zuen Foru Legean oinarritzen da erabakia. Lege horrek monumentuari esanahi berri bat ematea derrigortzen du, haren erabilerak hezkuntza eta memoria demokratikorako helburuetara mugatzen ditu, eta frankismoa goraipatzeko elementuak kentzea ezartzen du.
Lehen Mailako Arretarako psikologo gehiago eta nerabeei zuzendutako ongizate-programa pilotu bat iragarri du Pradalesek
Emozioekin eta osasun arloarekin lotutako zenbait neurri zehaztu ditu lehendakariak Politika Orokorreko Osoko Bilkuran, "ongizatea euskal kontratu sozial berriaren parte izan behar delako".