Ultraeskuindarrek Pedro Sanchezen urkatzea eta jipoitzea simulatu dute Ferrazen
PSOEko ministroek Urtezahar gauean PSOEren egoitza nagusiaren aurrean, Madrilgo Ferraz kalean, egindako elkarretaratze ultraeskuindar batean gertatutakoa salatu dute. Bertan, Pedro Sanchez Espainiako Gobernuko presidentearen panpina bat urkatu eta jipoitu zuten. Espainiako Poliziak protestaren bultzatzailea deklaratzera deitu du astearterako, polizia-iturriek jakitera eman dutenez.
"PSOEren egoitzak setiatzen hasi ziren, eta orain Gobernuko presidentearen urkatzea simulatzen ari dira. Aski da!", gaitzetsi du Pilar Alegria Espainiako Gobernuko bozeramaileak X sare sozialeko argitalpen batean.
Hezkuntza, Lanbide Heziketa eta Kirol ministro ere badenak Revueltak (Voxen gertuko gazte erakundea) deitutako protestaren bideo bat partekatu du. Bertan, Sanchezen panpina bat urkatuta ikusten da, eta manifestari batzuk hura astintzen ari dira. Elkarretaratzean 300 pertsona inguru bildu ziren, Espainiako Gobernuak Madrilen duen Ordezkaritzaren arabera.
"Egia esan, aspaldi utzi zioten grazia egiteari. PPko buruzagi batzuen eta haien terminal mediatikoen jarrera adeitsuek hegoak eman dizkiete. Hori ezin da onartu dagoeneko", adierazi du, bere aldetik, Oscar Puente Garraio eta Mugikortasun Jasangarriko ministroak, gertakari berberen harira.
Halaber, Diana Morant Zientzia, Berrikuntza eta Unibertsitate ministroak salatu duenez, "eskuinak eta bere buruzagik gorrotoa bultzatzen duten leloak bihurtzen dituzte irainak". "Lokatz horietatik datoz lohi hauek", gaineratu du.
Horren harira, Jose Manuel Albares Kanpo Arazoetako, Europar Batasuneko eta Lankidetzako ministroak "gorrotoa, indarkeria eta intolerantzia gaitzesteko" deia egin du.
Halaber, Maria Jesus Montero Espainiako Gobernuko presidenteorde eta Ogasun ministroak esan du horrelako ekintzak "eskuin muturrari arnasa ematen zaionean" gertatzen direla.
Bestalde, PSOEk ohartarazi du gertatutakoa "gorroto delitua" izan daitekeela, eta iragarri du "bide legal guztiak" aztertzen ari dela antolatzaileen eta parte hartzaileen aurka.
Zure interesekoa izan daiteke
Ubarretxena: "Euskarak akordioak behar ditu, ez du zarata behar"
Gobernantzako, Administrazio Digitaleko eta Autogobernuko sailburu eta Eusko Jaurlaritzaren bozeramaile Maria Ubarretxenak adierazi duenez, ez dute "ezer hautsitzat eman", eta EAJk eta PSE-EEk EAEko administrazio publikoan LEPetan euskararen segurtasun juridikoa indartzeko egiten dituzten elkarrizketek "jarraitzen dute" eta "oraindik badago tarterik" akordio bat lortzeko. "Azken momentura arte" itxaron behar dela aipatu du.
Marlaskak dio Korrikan presoen argazkiak erakustea legez ez dela delitua
Fernando Grande Marlaska Espainiako Gobernuko Barne ministroak esan du "nazkagarriak" iruditu zitzaizkiola azken Korrikan ikusitako hainbat irudi, besteak beste, ETAko preso baten argazkia soinean zeraman haurrarena. Azaldu du segurtasun indarrek adi jarraitzen dutela halako gertakarien aurrean, baina, legea eskuan, ekintza horiek ez direla delitua erantsi du. Senatuan egin ditu hitzok ministroak, UPNko Maria Caballerori, ETAk hil zuen Tomas Caballero Iruñeko zinegotzi izandakoaren alabari, erantzunez.
Insaustik Udalaren autonomia defendatu du, Donostiako Infernuko lursail batzuk Eusko Jaurlaritzari lagatzeari uko egin ostean
PSEk, EH Bilduk eta Elkarrekin Donostiak bi udal lurzati Eusko Jaurlaritzari lagatzea eskatu zuten, etxebizitza publikoak eraikitzeko, eta alokairuko etxebizitza babestuak eskaintzeko aukera galdu izana deitoratu dute.
Eneko Anduezak “oso zail” jo du EAJrekin akordioa lortzea lanpostu publikoetan euskara blindatzeko
PSEren buruak adierazi du “prest” daudela hitz egiteko, baina jeltzaleen proposamena zalantzan jarri du eta esan du “milaka herritarren eskubideen aurka” doala. Joseba Díez Antxustegik, EAJren bozeramaileak Eusko Legebiltzarrean, “albiste txarra” dela uste du, “bai herriarentzat, bai euskararentzat”.
Jose Antonio Agirre lehendakariaren Jaurlaritza omendu dute bere lehen egoitzan, Carlton hotelean
Imanol Pradales buru duen Gobernuak lehen Eusko Jaurlaritza omendu du, haren sorreraren 90. urteurrenean.
Sumarrek "iruzurra" egotzi dio Hezkuntzari 0-3 urteko plaza publikoak ez sortzeagatik, horretarako "Europako funtsak izan arren"
Sumarren legebiltzarkide Jon Hernandezek adierazi duenez, "252 plaza baino ez dira sortu, hau da, hitzartutakoaren % 16,6 besterik ez".
Barcenasek baieztatu du kartzelakide bati Rajoyrekin lotutako audioak suntsitzeko eskatu ziola
Luis Barcenas PPren diruzain ohiak berretsi egin du, Kitchen operazioa epaitzen ari den Auzitegi Nazionaleko auzitegian, kartzelakide bati "MRrekin, Mariano Rajoyrekin, lotutako audio batzuk suntsitzea" eskatu ziola.
Denis Itxaso: “Lokalak etxebizitza bihurtzeko baldintzen artean, bi fatxada izateko baldintza ezabatuko dugu, besteak beste”
Eusko Jaurlaritzak asteartean Gobernu Kontseiluan onartuko duen dekretu berriak etxebizitza politikako neurri sorta zabala martxan jartzea ekarriko du, azken hilabeteetan iragarritako ildo nagusiak garatzeko. Neurrien artean, lokalak etxebizitza bihurtzeko baldintzak malgutuko dira, eta horri esker, Jaurlaritzaren kalkuluen arabera, 7.500 lokal inguruk izango dute erabilera aldatzeko aukera Euskadin. Denis Itxasoren hitzetan, “orain arte bi fatxada edukitzea eskatzen zen lokal horiek etxebizitza bihurtzeko, baina hemendik aurrera ez da hori exijituko, eta beste hainbat baldintza ere malgutuko ditugu”.
Espainiako Gobernuak EBri eskatuko dio apur dezala Israelekin duen elkartze akordioa
"Nazioarteko zuzenbidea urratzen duen gobernu bat —eta, ondorioz, Europar Batasunaren printzipioak eta balioak urratzen dituena— ezin da Europar Batasuneko bazkide izan", azpimarratu du Sanchezek Andaluziako hauteskunde kanpainaurreko ekitaldi batean.
Eskuinaren garaia amaitzen ari dela eta Bartzelonan aro berria hasi dela aldarrikatu du Sanchezek
Espainiako presidenteak eta Lula da Silva Brasilgo presidenteak New Yorkeko alkatearen eta Tim Walz gobernadorearen babesarekin itxi dute 'Global Progressive Mobilisation' topaketa.