Albiste izango dira: Legebiltzarkideen akreditazioa, antxoa eta berdel kostera eta Prentsa Askatasunaren Eguna
Honako gai hauek hartuko dituzte gaur, 2024ko maiatzaren 3an, hedabideetako lerroburu nagusiak:
- Legebiltzarkideen akreditazioa: Apirilaren 21eko hauteskundeetan aukeratuak izan ziren legebiltzarkideek gaurtik aurrera jaso ahal dituzte beren aktak, Arabako, Bizkaiko eta Gipuzkoako hauteskunde-batzordeen izendapen prozesua helegiterik gabe amaitu ondoren. Sumar eta Voxeko legebiltzarkideak izango dira akreditatzen aurrenekoak, Jon Hernandez (11:00) eta Amaia Martinez (12:00), hurrenez hurren. Astelehenean akreditatuko dira EAJko legebiltzarkideak (27). Gauzak horrela, datorren astelehenean (maiatzak 6) hasiko da Eusko Legebiltzarra osatzeko atzerako kontaketa, parlamentarien heren batek akta jasotzen duenean hasten baita kontatzen. Beraz, astelehenetik hasita 15 eguneko epean osatu beharko da XIII. legealdiko Eusko Legebiltzarra.
- Antxoa eta berdel kanpaina: Arantxa Tapia, Ekonomiaren Garapen, Jasangarritasun eta Ingurumeneko jarduneko sailburuak antxoaren eta berdelaren kanpainen behin-behineko datuak aurkeztuko ditu Getariako Antxuaren egunean. Prentsaurrekoan izango dira, halaber, Eusko Jaurlaritzako Nekazaritzako, Arrantzako eta Elikagaien Politikako sailburuordea, Bittor Oroz, Arrantza eta Akuikulturako zuzendaria, Leandro Azkue, Getariako alkate Haritz Alberdi, Getariako Kofradiako presidentea Emeterio Urresti eta Gipuzkoako eta Bizkaiko Kofradietako presidenteak Eugenio Elduayen eta Eusebio Arantzamendi, hurrenez hurren.
- Prentsa Askatasunaren Mundu Eguna: Mugarik Gabeko Erreportarien Elkarteak ohartarazi duenez, kazetariek geroz eta presio politiko gehiago jasaten dituzte mundu mailako prentsa askatasuna arriskuan jarriz. Herrialde eskandinaviarrak dira, Norvegia, Danimarka eta Suedia tartean, kazetaritza askatasunez egiteko onenak. Zerrendaren azken postuetan ageri dira, ordea, Siria, Afganistan eta Txina. Espainiak eta Frantziak euren postuak hobetu dituzte.
Albiste gehiago politika
Gazako "genozidioa" salatzeko minutu bateko isilunearekin abiatu dute Politika Orokorreko Osoko Bilkura
Ikasturte politiko berriaren Politika Orokorreko lehen Osoko Bilkura egiten ari dira gaur Eusko Legebiltzarrean. Eguna Imanol Pradales lehendakariak abiatu du, "Gazako genozidioa" gaitzestuz. "Nazkatuta gaude [....]. Indarkeria horrek atsekabea, amorrua eta ezintasuna eragiten ditu ", salatu du.
Politika Orokorreko Osoko Bilkura, greba orokorra Ipar Euskal Herrian eta Frantzian eta Jose Luis Rebordinosi elkarrizketa
Gaurkoan Orain-en albiste izango direnen laburpena, bi hitzetan.
EAJren ustez, Euskadirentzat "oso onuragarria" da langabezia-prestazioren kudeaketa lortu izana
Maribel Vaquero diputatuaren hitzetan "oraindik bilerak falta dira" eskualdatzea gauzatzeko eta, "adostutakoa beteko" dela ziurtatzeko, "jarraipena egingo" diotela jakinarazi du.
Arabak "probintziako aita" titulua kenduko die Francori eta Molari
Ramiro Gonzalez Arabako ahaldun nagusiak egin du iragarpena, asteazken honetan diktadura frankistak Araban errepresaliatutako pertsonak oroitzeko egin duen lore-eskaintzan. Ekitaldi hori Foru Aldundiak eta lurraldeko Batzar Nagusiek antolatzen dute urtero, eta kargu publikoak eta senideak izan dira bertan.
Greba eta mobilizazio eguna, ostegunean, Ipar Euskal Herrian
Frantzia osoan egingo dira protestak Gobernuak ezarri nahi dituen murrizketen aurka. Sindikatuek Lecornu lehen ministro berria prestatzen ari den 2026ko aurrekontuetan eragin nahi dute. Baionan 10:30ean irtengo da manifestazio nagusia Santa Ursula plazatik.
Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.
Goiak aitortu du autobus geltokia txiki geratu dela eta handitzeko asmoa duela
Donostiako alkateak deitoratu egin du oraindik abiadura handiko trena Donostiara iritsi ez izana, horrek zerbitzua arinduko lukeela uste baitu.
Euskal agenda zer den zehazteko eskatu dio Garridok lehendakariari
Laura Garrido legebiltzarkide popularrak salatu du estatus berria negoziatzeko mahaian ez dagoela Alderdi Popularra, eta Imanol Pradales lehendakariari azalpenak eskatu dizkio. Bestalde, bihar Eusko Legebiltzarrean egitekoa den Politika Orokorreko Eztabaidan euskal agenda zer den zehazteko eskatu dio lehendakariari.
Langabezia-prestazioen kudeaketa eskualdatzeko akordioa txalotu du Martinezek
Lander Martinez Sumarreko diputatuak Kongresuan esan du akordioa "oso positiboa" dela Euskadirentzat. Bere hitzetan, agerian geratu da Sumarrek autogobernuarekin duen konpromisoa.
Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.