EAJko 27 legebiltzarkideek akreditazioak aurkeztu dituzte Legebiltzarrean
EAJko 27 hautetsiek akreditazioak aurkeztu dituzte astelehen honetan Eusko Legebiltzarrean. Hala, apirilaren 21ean hauteskundeetatik irtendako ordezkarien herena (25) baino gehiago akreditatu dira jada. Beraz, XIII. legegintzaldia eratzeko bilkura egiteko epea hasi da, gehienez ere 15 egunekoa izango dena.
"Gaur legealdia, eta hurrengo Eusko Jaurlaritza ere espero dut, osatu ahal izateko atzera-kontuarekin hasten gara. Ondo goaz, pixkanaka", adierazi die Pradalesek komunikabideei, adierazpen labur batzuetan.
Bakartxo Tejeria Diputazio Iraunkorreko presidenteak bihar iragarriko du Ganberaren eratze data, beranduenez ere maiatzaren 21era arte luzatuko dena.
Ostiralean Sumarreko Jon Hernandezek eta Voxeko Amaia Martinezek aurkeztu zituzten aktak, baina Legebiltzarraren herena osatu arte (75etik 25) ez da osoko bilkurarako prozesua abiatuko.
Asteartean, 10:00etan, PSE-EEko 12 legebiltzarkideen txanda izango da, asteazkenean PPko 7ena eta EH Bildukoek maiatzaren 13an jasoko dituzte akreditazioak. XIII. legealdi honetan, jeltzaleek adina eserleku izango dituzte.
Inoizko talderik sendoena izango du EH Bilduk, eta Nerea Kortajarena izango da berriro taldearen bozeramailea —Maddalen Iriartek Gipuzkoako ahaldun nagusi izateko hautagaitza aurkeztu zuenetik da bozeramaile—.
Horiek horrela, Pello Otxandiano lehendakarigaia Legebiltzarraren eguneroko jardunetik at geratuko da, eztabaida-saio handietara mugatuko baitu bere partaidetza.
Koalizio abertzaleak, ordea, ez du oraindik argitu Otxandianok inbestidura-saioan bere burua aurkeztuko duen ala ez. Litekeena da ekainaren erdialdean egitea inbestidura, Europako hauteskundeen ostean.
Bestalde, jeltzaleek eta sozialistek abian dituzte dagoeneko koalizio-gobernua osatzeko negoziazioak. Oraingoz, hitzordu bakarra egin dute, baina datorren astean bilduko omen dira berriro, Legebiltzarreko Mahaiaren osaketaz aritzeko.
Legebiltzarreko Mahaia
Jakinkizun dago oraindik nortzuek beteko dituzten organo nagusiko bost karguak. Ziurtzat jotzen da Bakartxo Tejeria (EAJ) hautatuko dutela presidente XIII. legealdian ere. 27 eserleku lortuta, baina, mahai horretan bi ordezkari izan beharko lituzkeela uste du EH Bilduk.
Maiatzaren 14an
Maiatzaren erdialdean —hilaren 14ak indarra hartu du— egingo dute Legebiltzarra osatzeko osoko bilkura. 75 legebiltzarkideek orduan hartuko dute kargua, banan-banan deitzen dituztenean.
Emakumeak gizonak baino gehiago izango dira Ganberan, eta legebiltzarkideen batez besteko adina 50 urtekoa izango da.
Kargua hartu ondoren, Adineko Mahaia osatuko dute, eta zaharrenek eta gazteenek lehen saioa zuzenduko dute.
Legebiltzarreko Mahairako hautagaitzak aurkeztutakoan, bozketa egingo dute, eta Mahaia osatutakoan, hurrengo saioa deituko dute. Bateraezintasunen Behin-behineko Batzordea izendatuko dute orduan, hogei eguneko epean, irizpena onar dezan. Jeltzaleek eta sozialistek adostu dute maiatzaren 24a baino lehenago egitea, orduan hasiko baita Europako hauteskundeetarako kanpaina.
Inbestidura saioa
Ekainaren 9ko Europako hauteskundeek eragindako etenaren ondotik, inbestidura saioa egingo dute, eta ziur aski Imanol Pradales izendatuko dute lehendakari.
Ekainaren 15erako espero dute inbestidura. Hala ere, gobernu-programa adostu eta arduren banaketa zehazteko EAJk eta PSE-EEk egin beharreko negoziazioen arabera jarriko dute data.
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.