Otegi: "Euskal herritarren nahi eta borondatea errespetatuz, akordio zabalak egin behar dira Euskal Herrian"
Euskal Herria Bilduk Konferentzia Politikoa egin du gaur Donostian, Tabakaleran, urte politikorako ildo politiko eta estrategikoak azaltzeko, eta koalizio subiranistaren III. Kongresua izango denaren araudia onartu dute, aho batez. 2025eko otsailaren 25ean amaituko da prozesua, koordinatzaile orokorra izendatuta. Aurreikuspenen arabera, Arnaldo Otegi berretsiko dute postuan.
Alderdiko kargu eta militanteen aurrean egindako hitzaldian, Otegik adierazi du autonomien ereduak "porrot" egin duela, eta dei egin du Estatuarekin "akordio berri bat" egitera, "amaitu delako guztiontzako kafearen eredua". Gainera, EH Bilduren "arrakasta" goraipatu du, gero eta jende gehiagok bat egiten duelako proiektuarekin, eta "Gobernu zein Estatu alternatiba" badagoela defendatu du.
"Euskal Herriaren eta Estatuaren arteko harreman autonomikoak porrot egin du. Ez betetzeen gainetik, gure potentziala mugatu duten legeen gainetik, amaitu da guztiontzako kafearen eredua. Eredu autonomikoak ez ditu gure herriak dituen anbizio nazional eta sozialak asetzen", esan du, eta proposamen bat egin du: "Euskal herritarren nahia eta borondatea errespetatuz, akordio zabalak egin behar dira Euskal Herrian. Akordio zabala behar dugu herri honetan, baina akordio horrek herritarren borondateari errespetua zor dio. Euskal Herria nazioa da, eta errespetua zor zaio".
Politika neoliberalak gainditu
Koordinatzaile nagusiaren esanetan, "EH Bildu arrakasta politikoaren historia da", gero eta jende gehiagoren babesa duelako: "Euskal Herrian gero eta jende gehiagok bat egiten du gure proiektu politikoarekin. Horrek arduraz betetzen gaitu. Horrek apaltasunez hitz egitera ere behartzen gaitu; 'EH Bildu estiloa' mantentzera ere bai. Hori jarrera politiko sakon bat da. Adierazpen politiko batzuk entzunda, zaila egiten da estilo hori mantentzea. Euskal Herriak benetako eztabaida politiko handia merezi du, ez fribolitatea, lokatza eta zarata" defendatu du.
EH Bilduren Kongresua ez dela "ariketa autokonplazientea" izango ere esan du Otegik. "Anbizioarekin egindako proposamenak aurkeztuko ditugu eta gobernu alternatiba garela eta estatu bokazioa duen mugimendua dela erakutsiko dugu. Inportanteena da ez sigla, inportanteena herria da. Gu tresna bat baino ez gara. Ahalik eta zabalena eta eraginkorrena izan behar da gure mugimendua", nabarmendu du.
"Politika neoliberalek porrot egiten dute munduan, Europan eta Euskal Herrian, eta zerbitzu publikoen, gure bizitzaren eta gure balioen gainbehera ekarri dute", adierazi du. Hala, "EH Bilduk uste du Euskal Herriak zerbitzu publiko duinak izatea merezi duela, aldaketa politikoaren kontrako politikak eraginkorrak izatea, genero arrakala gainditzea, eta aberastasuna banatu nahi bada, horrek halabeharrez eskatzen du politika neoliberalak gainditzea. Horrek eskatzen du sektore publikoaren lidergoarekin egitea politika publikoak", azpimarratu du.
Zure interesekoa izan daiteke
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadik eta Gaztela-Mantxak abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer rol betetzen zituzten Abalosek, Koldok eta Aldamak musukoen auzian epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean betetzen zituzten rolak.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.
Auzitegi Gorenak 24 urteko kartzela-zigorra ezarri dio Jose Luis Abalosi eta 19koa Koldo Garciari, ustelkeriagatik
Auzitegi Gorenak aho batez eman du epaia, eta Victor de Aldama enpresaburuari ere eragin dio, lau urte eta erdiko kartzela-zigorra ezarri baitiote.
Botere Judizialaren Kontseiluak atea zabaldu du Peinado epaileari espedientea irekitzeko, Poliziari egindako aipamenengatik
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.