Albiste faltsuen inguruko batzordea sortzea baztertu du Legebiltzarrak, taldeen arteko ika-mikaren ostean
Eusko Legebiltzarrak atzera bota du albiste faltsuak edo fake news deiturikoak aztertzeko ikerketa batzordea sortzeko EH Bilduk egindako proposamena. Bozketaren aurretik, talde politikoek eztabaida garratza izan dute, eta albiste faltsuak zabaltzea egotzi diote elkarri.
EH Bilduren ekimena ez da aurrera atera, koalizio abertzalearen eta Sumarren legebiltzarkidearen babesa besterik ez baitu izan. Aitzitik, EAJk, PSE-EEk, PPk eta Voxek kontra bozkatu dute.
Halaber, PPk eta Sumarrek aurkeztutako osoko zuzenketak ere ez ditu onartu Eusko Legebiltzarrak, bai, ordea, Eusko Jaurlaritza sostengatzen duten EAJk eta PSE-EEk aurkeztutakoa. Aipaturiko bi taldeek albiste faltsuen inguruko kezka adierazi dute, eta datu objektiboetan eta egiazko informazioan oinarritutako eztabaida politikoaren aldeko konpromisoa dutela adierazi dute.
Talde politikoen arteko eztabaida itsusia izan da, eta "eskuetatik joan" zaiela onartu du amaieran Joseba Diez Antxustegi EAJren talde parlamentarioaren bozeramaileak.
Garikoitz Mujika legebiltzarkideak aurkeztu du proposamena, EH Bilduren izenean, eta albiste faltsuak patxadaz ikerketa batzorde batean aztertzearen garrantzia azpimarratu du. Halaber, EAJren bozeramailearen hitzartzea deitoratu du.
Izan ere, Gogora Institutuko izendapenen harira desinformazio ariketa "tristea" egitea aurpegiratu dio EAJko Joseba Diez Antxustegi legebiltzarkideak EH Bilduri.
Aurrez aurrekoa ez da talde abertzaleen artekoa bakarrik izan, eta Ekain Ricok (PSE-EE) lokatzaren makina martxan jartzea egotzi dio PPri. "PP eta Vox desinformazioaren parte dira", gaineratu du.
Ana Morales PPko legebiltzarkideak EH Bilduren aurka egin du, eta ezkerreko blokeari men egingo dion kazetaritza soilik interesatzen zaiola aurpegiratu dio.
Ildo beretik hitz egin du Voxeko Amaia Martinez legebiltzarkideak ere. EH Bilduren ekimena "faltsua" dela salatu du, "terrorismoa kondenatu ez duelako eta kazetariei egindako jazarpenaren atzean egon delako".
Azkenik, Jon Hernandezek (Sumar) albiste faltsuen aurka egiteko neurri zehatzak defendatu ditu.
Zure interesekoa izan daiteke
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.