Estatuko Aldizkari Ofizialak Zigorrak kommutatzeko legea argitaratu du eta 20 egun barru sartuko da indarrean
Estatuko Aldizkari Ofizialak (BOE) ETAko presoei Europan betetako zigorrak kommutatzeko aukera ematen dien lege erreforma argitaratu du gaur, larunbata, eta 20 egun barru sartuko da indarrean.
Zigorrak kommutatzeko lege erreforma, hasiera batean, aho batez onartu zuten Diputatuen Kongresuan, eta Senatuko azken fasean PPren eta Voxen babesa galdu zuen, AVTk ETAko presoei ere eragingo ziela salatu ondoren. Ondorioz, Goi Ganberako Osoko Bilkurak atzera bota zuen legea astelehenean, urriaren 14an.
Azken bozketan gehiengo osoz atzera botatze hori beto gisa interpretatu behar zela uste zuen Senatuak, nahiz eta talde bakar batek ere ez zuen aurretik osoko zuzenketarik aurkeztu.
Kongresuko letratuen arabera, Senatuak legea gehiengo osoz baztertzea ez da betoa, horretarako aurrez osoko zuzenketa aurkeztu beharra zegoelako (ezein taldek ez zuen halakorik egin). Bestela argudiatu zuten Senatuko abokatuek. Horien ustez, Goi Ganberak arau bat gehiengo osoz baztertzen badu, osoko zuzenketarik ez badago ere, "betotzat" hartu behar da erabakia, eta Kongresuak berriro eztabaidatu behar du legea, hura gehiengo osoz onartzeko edo, bestela, betoa baieztatzeko.
Kongresuko Mahaiak zigorrak kommutatzeko legea onartutzat ematea erabaki zuen, PSOEk eta Sumarrek osatzen duten gehiengoarekin, eta Gobernuari bidaltzea erabaki zuen, Senatuaren erreklamazioari jaramonik egin gabe, eta Goi Ganberak araua betatzeko epe guztiak gainditu zituela azpimarratuta.
Gauzak horrela, Alfonso Rodriguez Gomez de Celis Kongresuko lehen presidenteorde eta PSOEko diputatuak Senatuan "trikimailu" bat erabiltzea leporatu zion PPri.
PPk ez du baztertzen Auzitegi Konstituzionalera jotzea
PPk Senatuan duen bozeramaile Alicia Garciak aurreratu du auzia Auzitegi Konstituzionalera eramateko aukera aztertzen ari dela, baldin eta Francina Armengolek presidente sozialistak bere asmoa berresten badu.
Senatutik emandako prentsaurreko batean, popularren eledunak iragarri du Kongresuko Mahaiari eskatu diotela lege horren bozketa eztabaida saio batera eramatea.
Voxek, bere aldetik, iragarri du Auzitegi Konstituzionalera jotzea aztertzen ari dela.
Zure interesekoa izan daiteke
Sanchez, aurrekontuen harira: "Negoziatuko dugu, eta erabakiak hartu behar badira, hipotesi horiek ematean hartuko ditugu"
Espainiako Gobernuko presidenteak berretsi du kontu publikoak aurrera ateratzeko negoziatuko duela, eta adierazi du erabakiak "hipotesi horiek gertatzen direnean" hartuko direla; Exekutiboko iturriek, berriz, azpimarratu dute asmoa legealdia agortzea dela, eta testuinguru honetan baztertu egin dute aurten hauteskundeak deitzea.
Musikaren sektorerako laguntzen banaketaren gardentasuna defendatu du Bengoetxeak, hainbat artistaren kritiken aurrean
Euskal musikaren sektorerako laguntza publikoen banaketaren inguruan sortutako polemikaren aurrean, Eusko Jaurlaritzak hainbat artistak egindako kritikei erantzun die. Laguntzak esleitzeko irizpideei buruzko zalantzen aurrean, Ibone Bengoetxeak prozesua zorrotza dela eta gardentasun osoz gauzatzen dela adierazi du.
Sanchezek "konfiantza" helarazi dio Zapaterori eta haren familiaren egoerarekin "enpatizatu" du
Gobernuko presidenteak Bruselan adierazi duenez, Zapaterok "dagokion unean emango ditu azalpenak". Egunotan berarekin hitz egin duela eta "lasai" dagoela adierazi du.
Kongresuak "blokeo" politikoaren gaineko mozioa onartu du, eta eskatu dio Sanchezi ustelkeriagatik "ardura hartzeko"
Mozioa aurrera atera da PP, Vox, UPN eta Junts alderdien aldeko 177 botoekin, eta EAJ eta Coalicion Canaria abstenitu egin dira. Gainerako talde parlamentarioek idatzi horren kontra bozkatu dute.
Epaileak Zapateroren alabak eta idazkaria inputatu ditu
Ustelkeriaren aurkako Fiskaltzak eskatuta hartu du erabakia epaileak, beren defentsarako eskubidea baliatu ahal izan dezaten.
Chivitek Foru Hobekuntzaren erreforman euskara berezko hizkuntza gisa aitortzea proposatu du
Nafarroako presidenteak proposamen hori defendatuko du Foru Hobekuntzaren erreforman, eta hizkuntza hezkuntzatik, aniztasunetik eta ezagutzatik lantzearen aldeko apustua egingo du, eztabaida politikotik urrun.
Trumpek akordioa sinatu du Iranekin, Versaillesera egindako bisitan
AEBko presidenteak aurreikusitakoa baino bi egun lehenago zigilatu du ituna. Iranek dio Israelek Libanoko hegoaldetik erabat erretiratzeari uko eginez gero, akordioa bertan behera geratuko litzatekeela. Akordioak, 14 puntuz osatua, 60 egun ematen dizkie aldeei beste atal batzuk negoziatzeko.
EAJk Sanchezen gaineko presioa areagotu du, eta PPk "Parlamentua isilaraztea" leporatu dio
Kongresuan egin duten Gobernuaren kontrol saiak bi gai nagusi izan ditu. Batetik, EAJk Sanchezi aurrekontu batzuk aurkezteko edo hauteskundeak deitzeko eskaria egin dio. Bestetik, PPk kritika ugari egin dizkio hauteskundeak aurreratzeko bere bozketa proposamena atzera bota ondoren.
Aske utzi dute Enrique Maya Iruñeko alkate ohiari egindako erasoarekin lotuta atxilotu duten gizona
Joan den ekainaren 9an, Iruñeko alkate ohia iraindu eta bularrean kolpatu zuten Estafeta kalean, inolako kalterik jasan gabe. Egun batzuetako ikerketaren ostean, atzo, asteartea, gizon bat atxilotu zuten autoritatearen aurkako atentatu delitu bat egotzita.
Epaileak ez dio kautelazko neurririk ezarri Zapaterori, ez baitu ihes egiteko eta frogak suntsitzeko arriskurik ikusi
Epailearen esanetan, “ez ditu ezeztatu inputazio autoan jasotako delitu zantzu arrazoizkoak”.