Albiste izango dira: Zerga erreforma, omenaldia Mitika diskotekaren atarian hildako gazteari eta inauteriak
Honako gai hauek hartuko dituzte gaur, 2025eko otsailaren 27an, hedabideetako lerroburu nagusiak:
- Zerga erreforma: Gaur biharretan bukatuko da zerga erreformari zuzenketak aurkezteko epea: gaur, Gipuzkoan, eta, ostiralean, Araban. EH Bilduk dagoeneko iragarri du osoko zuzenketak aurkeztuko dituela hiru lurralde historikoetako batzar nagusietan, EAJk eta PSE-EEk bultzatu nahi duten zerga erreformaren aurka, atea itxiz gaur egun egindako proposamenaren testuari. PPk, bere aldetik, gaur azalduko du bere jarrera.
- Omenaldia Gasteizen, Mitika diskotekaren atarian hildako gazteari: Pasa den igande goizaldean Gasteizko Mitika diskotekaren atarian hildako gaztea omentzeko ekitaldia egingo dute, 18:00etatik aurrera, Mendizorrotza kiroldegian. 31 urteko gizonezkoa oso ezaguna zen Arabako saskibaloi munduan. Buruan kolpe bat jaso, lurrera erori eta bihotz-biriketako geldialdiak jota hil zen.
- 2025eko inauteriak: Ostegun gizena da gaur, eta inauterien hasiera Euskal Herriko herri eta hiri askotan. Esaterako, Tolosan, 12:00etako txupinazioarekin lehertuko da sei egunetako festa. EITBk ere programazio berezia eskainiko du inauterietan. Gaur, osteguna, Tolosatik egingo dute irratsaioa Gazteako "Dida" eta Radio Euskadiko "Distrito Euskadi" saioek. Igandean, 12:00etatik aurrera, karrozak ikusi ahalko dira ETB1en.
Zure interesekoa izan daiteke
Pradalesek estatutu berrirako bere bide-orria defendatu du, oposizioak ekintzak eskatu dituen bitartean
Antxustegik "leialtasuna" eta "diskrezioa" eskatu dizkie EH Bildu eta PSE-EEri, estatus berria "ondo atera dadin"
Otxandianok iritzi dio hitzetatik ekintzetara pasatzeko ordua dela: "Mehatxuaren aurrean batasuna, alderdiaren gainetik aberria"
Andueza: "Euskadik ez du zaratarik eta diagnostikorik behar, erabakiak baizik"
Sumarrek salatu du Eusko Jaurlaritza "eskuineranzko" norabidea hartzen dabilela migrazioan eta giza eskubideetan
De Andres: "Arrakasta ez da autogobernu gehiago izatea, ondo kudeatzea baizik"
Ceutako portuan migratzaileentzat prestatzen ari diren kanpalekua geldiaraztea baztertu du Auzitegi Nazionalak
Amaia Martinezek Pradalesi aurpegiratu dio Gobernuak "itxurakeriaz eta antzerkikeriaz" diharduela
Gogora Institutuak Ertzaintzaren aurrean salatu du Falange Espainolak mehatxatu egin duela
