EH Bilduk Aberri Eguneko egitaraua aurkeztu du: manifestazioa, kontzertuak eta haur-jolasak
EH Bilduk 2025eko Aberri Eguna ospatuko du datorren apirilaren 20an, Iruñean, eta, ohi bezala, egitarau zabala prestatu du. Eguerdiko manifestazioaren ondotik, jai giroak jarraituko du arratsaldean. Haurrentzako jolasak eta antzerkia izango dira, eta 16:00etatik aurrera, Izaki Gardenak, Belako eta Trikidantz taldeen musikaz gozatu ahal izago da.
Irati Jimenez EH Bilduren Nafarroako parlamentariak eta Xabi Ruiz de Larramendi EH Bilduren Gasteizko zinegotziak aurkeztu dute Aberri Eguneko egitaraua, gaur Iruñean egin den prentsaurrekoan. EH Bilduk berdinen arteko errepublika aldarrikatuko du Aberri Egunean, militarismoa gora doan testuinguruan.
Aberri Eguna Golem zinemetatik eguerdiko 12:00etan abiatuko den eta ekitaldi politiko batekin amaituko den manifestazioarekin hasiko da.
Mobilizazioaren ondoren, festarako tartea ere izango da. 13:15etik aurrera, eta Basotxotik abiatuta, kale-animazioa izango da, trikitilari, gaitari eta erraldoiekin, Kuxkutu txarangarekin eta munduko dantzekin. Halaber, Malatxo txarangak Jarauta kalerako bidea hartuko du gazteei gaztegunera laguntzeko.
Gazteluko plaza izango da jaiaren erdigunea, eta, 16:00etatik aurrera, Izaki Gardenak, Belako eta Trikidantz taldeen kontzertuak izango dira.
Bestalde, etxeko txikienentzako gunea Burgoen plazan jarriko dute. Haurrentzako jolasak ez ezik, "Ai, Zapotxin! Baratxuri zoparen sekretua" kale antzerkia ikusteko aukera izango da.
Zure interesekoa izan daiteke
Hauteskundeak Iparraldean: Baionako bataila, abertzaleen erronkak eta ezkerraren zatiketa
Ipar Euskal Herriko 160 auzapez aukeratuko dira igande honetan eta, bigarren itzulia bada, hilaren 22an. Ezkerra zatituta aurkeztu da, EH Baik azken urteotako emaitza onak berretsi nahi ditu, eta EAJk bere eragina handitu nahi du.
Eusko Jaurlaritzak eta EHUk 2027-2030rako unibertsitate-plan berriaren oinarriak adostu dituzte
Lehen bilera horretan, Unibertsitate Sistemaren Planean jaso nahi diren bost ardatz nagusiak finkatu dituzte. Datozen hilabeteotan, ekintzak eta azpiegitura egokiak bermatzeko plangintza zehaztuko dituzte.
Euskadik ordezkari bana izango du Unescon eta Munduko Turismo Erakundean
Euskadirentzat aukera da interes berezia duten arloetan (kulturan, hizkuntzan, ondarean, hezkuntzan, zientzian, turismoan eta jasangarritasunean) solaskide izateko eta eragina izateko gaitasuna handitzeko.
Hauteskundeen eraginez ezin dituela presidenteak bildu esan die Espainiako Gobernuak Pradalesi eta Clavijori
Angel Victor Torres Lurralde Politikako ministroak azaldu duenez, "Presidenteen Biltzarrak arau bat du: presidente guztiek egon behar dute, eta ez dira baldintzak betetzen". Izan ere, igande honetan hauteskundeak egingo dituzte Gaztela eta Leonen, eta inbestiduraren zain daude Extremaduran eta Aragoin.
Jaurlaritzak eta Espainiako Gobernuak gaur sinatuko dute Euskadik Unescon eta Turismoaren Mundu Erakundean parte hartzeko akordioa
Estaturik gabeko nazioak diren Flandria, Quebeceko edo Katalunia bezala, Euskadi Unescoren eta Turismoaren Mundu Erakundearen (UNWTO) kide elkartu izango da aurrerantzean.
Muskizko EAJk alkatearen kontakizun "partziala eta lerratua" salatu du, bentzeno isuriaren egunean
Jeltzaleen arabera, lehendabiziko orduetan "tentsio eta nahasmen uneak" izan ziren, "osasun-agintarien informazio eguneratuaren zain zeuden bitartean".
Eusko Legebiltzarreko talde gehienek bat egin dute euskararen doako irakaskuntza lortzeko bidean
Talde gehienek, PPk eta Voxek izan ezik, euskararen doako irakaskuntza apurka aurrera egitearen alde egin dute. Halere, EH Bildu, EAJ eta PSE ez datoz bat egutegiari dagokionez, eta sektore pribatuan ikaskuntza nola bultzatu behar den ere ez datoz bat.
Pradalesek hamar neurri proposatu dizkio Sanchezi, gerrak enpresetan eta etxeetan eragingo duen kaltea arintzeko
Lehendakariak elektrizitatearen BEZa % 5era jaistea, elektrizitatea sortzeko zerga kentzea eta enpresek ordaintzen dituzten garraioko bidesariak murriztea proposatu du, besteak beste. Iragarri du, gainera, Eusko Jaurlaritzak neurri propioen lehen sorta onartuko duela laster.
Denis Itxaso: "Eneko Goiarekin burua altxatu genuen; orain, zain gaude"
Eusko Jaurlaritzako Etxebizitza eta Hiri Agenda sailburuak Radio Euskadin esan duenez, "udala operazioetako batzuei buruz hausnartzen ari da". Denis Itxasok adierazi du "epeak arindu" behar direla, Donostian ezin delako "gehiago itxaron".
Bi gizon atxilotu dituzte Ione Belarrari mehatxu mezuak bidali eta ziberjazarpena egiteagatik
Ikerketako iturrien arabera, atxilotuetako batek 300 mezu baino gehiago bidali dizkio Instagram bidez Podemosen idazkari nagusiari, mehatxuak eginez eta irainduz.