Greba eta mobilizazio eguna, ostegunean, Ipar Euskal Herrian
Zortzi sindikatuk greba-eguna eta mobilizazioak deitu dituzte ostegun honetarako, irailak 18, Ipar Euskal Herrian eta Frantziako estatuan. François Bayrou lehen ministro ohiak iragarri zituen 44.000 milioi euroko murrizketen aurka protesta egiteko egin ziren deialdiak eta, orain, Sebastien Lecornu lehen ministro berria 2026ko aurrekontuak prestatzen ari den honetan, eragina izatea da sindikatuen helburu nagusia.
Ipar Euskal Herrian ere egina izango du deialdi honek. Sindikatuen arabera, murrizketek ondorio larriak utziko dituzte bertako osasungintzan, hezkuntzan eta garraion.
Hori dela eta, greba eguna hezkuntzan eta garraio publikoan nabarituko da batik bat. Eskola askotan ez da jangela zerbitzurik ez eskolaz kanpoko ekintzarik eskainiko. Tren zerbitzuan ere eragina izango duela aurreikusi dute.
Manifestazio nagusia Baionan izango da. 10:30ean abiatuko da Santa Ursula plazatik eta hiri erdiguneko kalean igaroko ditu ondoren.
Frantzian “protesta eta mobilizazio handiak” espero ditu Gobernuak. Bruno Retailleau barne ministroak jakinarazi du 800.000 manifestariren parte-hartzea aurreikusi dutela eta helburu nagusia “istiluak, blokeoak eta xantaia eragoztea” izango dela.
Hori dela eta, 80.000 polizia eta jendarme mobilizatuko dituela iragarri du eta droneak, blindatutako ibilgailuak eta presio handiko ur zorrotadak botatzen dituzten gailuak erabiliko dituztela jakinarazi du.
Irailaren 10ean egin zen “Blokeo egunean” milaka pertsona irten ziren estatu osoan kaleetara herria geldiarazteko helburuarekin. Istiluak ere izan ziren hainbat hiritan, Rennesen esaterako.
Baionan ere poliziak 6 lagun atxilotu zituen eta beste hainbat identifikatu hiriko kaleak mozten eta trafikoa oztopatzen saiatu zirenean.
Albiste gehiago politika
Geroa Baik “haserrea" adierazi du, EH Bilduk “Ustelkeriaren Kontrako Bulegoa kontrolatzen” duela esan ondoren
Uxue Barkosek adierazi duenez, adierazpen horiek "zentzu berria" ematen diete OANAk Nasuvinsari buruz egindako "txostenak dituen akats juridikoei". Oskar Matutek, bere aldetik, "harrituta" dagoela esan du eta "egunkari bateko titularra tonu ironikoan" erabili zuela argitu du.
Goiak aitortu du autobus geltokia txiki geratu dela eta handitzeko asmoa duela
Donostiako alkateak deitoratu egin du oraindik abiadura handiko trena Donostiara iritsi ez izana, horrek zerbitzua arinduko lukeela uste baitu.
Euskal agenda zer den zehazteko eskatu dio Garridok lehendakariari
Laura Garrido legebiltzarkide popularrak salatu du estatus berria negoziatzeko mahaian ez dagoela Alderdi Popularra, eta Imanol Pradales lehendakariari azalpenak eskatu dizkio. Bestalde, bihar Eusko Legebiltzarrean egitekoa den Politika Orokorreko Eztabaidan euskal agenda zer den zehazteko eskatu dio lehendakariari.
Langabezia-prestazioen kudeaketa eskualdatzeko akordioa txalotu du Martinezek
Lander Martinez Sumarreko diputatuak Kongresuan esan du akordioa "oso positiboa" dela Euskadirentzat. Bere hitzetan, agerian geratu da Sumarrek autogobernuarekin duen konpromisoa.
Amiantoaren biktimek laguntzak jasotzeko ziurtagiria eskatu ahal izango dute ostegun honetatik aurrera
Eskaria aurkeztu eta gehienez hiru hilabeteko epean eman beharko dute ziurtagiria.
Euskadik eta Espainiako Gobernuak akordioa sinatu dute langabezia-prestazioaren eskualdaketarako
Transferentzien Batzorde Mistoan gauzatuko da urtea amaitu aurretik, eta Eusko Jaurlaritzak SEPEren bulegoak eta langileak bere gain hartuko ditu.
Eusko Legebiltzarreko politika orokorreko osoko eztabaida, zuzenean
Jarraitu zuzenean, 09:30etik aurrera, Eusko Legebiltzarrak urte politikoari hasiera emateko osoko bilkura.
Politika orokorreko lehen osoko bilkura izango da ostegun honetakoa Imanol Pradalesentzat
Amaitu dira "oporrak" Eusko Legebiltzarrentzat. Ostegun honetan ekingo dio berriz bere jarduerari, Politika Orokorreko osoko bilkurarekin. Urte politikoa markatuko duten gaiak jarriko dituzte mahai gainean lehendakariak eta legebiltzarkideek.
Sanchezek onartu du euskal industriari eragingo diola gehien Estatu Batuetako merkataritza gerrak
Espainiako Gobernuko presidenteak Europako merkatu bakarra bultzatzeko eta merkataritza-harremanak dibertsifikatzeko beharra defendatu du, merkataritza-tentsioari aurre egiteko.