Bel Pozuetak (EH Bildu) injustizien eta murrizketen aurka egingo duela hitzeman du
Azaroaren 10eko hauteskunde orokorretarako kanpainaren bigarren egunean, hautagai nafarrak mokoka aritu dira Nafarroaren estatusari buruz, Gobernu ereduaz, bizikidetzaz eta enpleguaz eztabaidatzen.
Navarra Suma
Tuteran, Javier Esparza UPNren presidente eta Navarra Sumaren bozeramaileak "nafarren % 40a iraintzeko ekitaldi bat antolatzea" leporatu dio Pedro Sanchez, atzo egin zuen ekitaldiaren harira. Era berean, "Nafarroak Espainiaren batasunarentzat duen garrantzia" ez duela aintzat hartzen eta horregatik ezin duela presidente izan azpimarratu du.
Esparzaren arabera, PSNk, PSOEk eta Pedro Sanchezek "ez dakite" Nafarroa zein garrantzitsua den "proiektu komun batean".
Horregatik, Sanchezi Nafarroa entregatzea leporatu dio, "Madrilen EAJren babesa lortzeko truke txanpon gisa", eta Chivite presidenteari "eserlekuarengatik" hori onartzea egotzi dio.
PSN
Toni Magdaleno Senaturako PSNren hautagaiak, bere aldetik, mobilizaziorako deia egin du Espainiako Estatuak Pedro Sanchezen "proiektu sozialista indartzeko beharra" duelako, proiektu "aurrerakoia, bizikidetzaren aldekoa, barne hartzailea, eta justizia sozialaren aldekoa".
"Orain, aukeren garaia da, gutxieneko soldata igotzen jarraitzeko eta kalitatezko enplegu duina defendatzeko, baita negozio propioa abian jarri nahi duten langileentzako ere", adierazi du, Sanchezek azken 16 hileotan hartutako neurriak zerrendatu aurretik. Horren harira, eskuindarrak "herrialdea blokeatzeko, eta Espainiako politika sozial guztietan atzera egiteko" daudela gaineratu du.
Unidas Podemos
Unidas Podemosek Iruñean egin duen ekitaldian lan prekarietatea izan du hizpide nagusi, eta Ione Belarra Kongresurako hautagaiak lan erreforma bertan behera uzteko beharra aldarrikatu du "lan-harreman egonkorrak edukitzeko modu bakar" gisa, gazteen kasuan batez ere.
"Pedro Sanchezen esanak izan duen balio galera kontuan izanda, mundu guztiak badaki Unidos Podemos Gobernuan egotea dela lan erreforma bertan behera geratzeko berme bakarra", adierazi du.
EH Bildu
EH Bildutik, Bel Pozueta Kongresurako zerrendaburuak Otsagabian esan du azaroaren 10eko bozak "Euskal Herrian eta Katalunian batez ere izan diren mugimendu inboluzionistak eta eskubide murrizketak salatzeko mobilizazioen ostean" izango direla; eta horregatik, "injustiziak eragiten duen sumindura botoetan bihurtzeko aukera paregabea" dela.
"Estatua egiten ari den injustiziak gelditzeko, erantzun demokratikorako mugimendua botoen bitartez sortzeko unea da", adierazi du, hauteskundeak "Estatutik datozen injustiziei erantzuteko aukera" direla berretsi aurretik.
Geroa Bai
Geroa Baitik, Maria Solana Kongresurako hautagaiak lauko Nafarroako Gobernuak aurrera eramandako politikak balioetsi ditu, memoria historikoaren alorrean adibidez, eta gogor kritikatu du beste batzuek ezer egin nahi ez izatea.
Zure interesekoa izan daiteke
Gaupasa eginda ere, bozkatzeko eskubidea erabili dute mutrikuarrek
Mutriku jaietan da. Behin bozkatuta, bi aukera izan dituzte mutrikuarrek: jaiez gozatzen jarraitu edo atzokotik errekuperatu.
Ikusmin handia Katalunian, Kongresuko 48 eserleku dagozkiolako
Inkestek diotenez, sozialistek gora egingo dute, eta ERC, ordea, behera. Kongresuan 48 diputatu izango ditu Kataluniak, ondorioz, garrantzia berebizikoa izango da.
Correoseko langileak buru-belarri ibili dira goiz osoan, posta bidezko milaka bozak banatzen
Bilboko Indautxu Ikastetxean grabatutako irudiak dira, baina EAEko eta Nafarroako hautesleku guztietan izan dira lanean Correoseko furgonetak.
Paseoan, familiarekin edo festetan pasa dute hausnarketa eguna hautagaiek
Alderdiek hauteskunde osteko balizko agertoki estuaren aurrean boto erabilgarria eskatuz itxi zuten atzo kanpaina.
PSCk irabazi lezake Katalunian; independentismoak, berriz, babesa galduko luke
Azken lau urteetan Pedro Sanchezek Esquerraren sostengua izan du baina, inkestek diotenez, sostengu horrek botoak galaraziko dizkie bihar errepublikanoei.
Dena prest IFEMA datuen zentroan ere biharko hauteskundeen jarraipena egiteko
Biharko 14:30ean eta 18:30ean parte-hartze datuak jakinaraziko dituzte, eta 22:30ak aldera Fernando Grande-Marlaska Barne ministroak agerraldia egingo du behin-behineko emaitzak iragartzera.
Erosteko, familiarekin solasean nahiz hondartzatik ibiltzeko eguna EAEko hautagaientzat
Azken 15 egunetan EAEko txoko guztietan buru-belarri ibili ostean, erlaxatzeko eguna izan da gaurkoa EAEko zerrendaburuentzat. Sukaldatzeko, hondartzatik paseatzeko eta Madalenetako festetaz gozatzeko, besteak beste, aprobetxatu dute.
Alderdiek hauteskunde osteko agertoki estuaren aurrean boto erabilgarria eskatuz itxi dute kanpaina
EAJk Bilbon itxi du kanpaina, PSE-EEk Portugaleten, EH Bilduk Donostian eta PPk Gasteizen, eta Sumarreko hautagaiak Madrilen izan dira.
Iturgaizek aldarrikatu du bi aukera baino ez daudela: ''Sanchez eta horren aldekoak edo PP''
PPk Gasteizen itxi du hauteskunde kanpaina, "Sanchismoa" kentzeko deia eginez.
Nafarroako alderdiek boto eske agortuko dute kanpaina, bost eserleku jokoan dituztela
Navarra Suma deseginda, PP atera daitekeela onuradun diote inkestek, baina baita PSN ere. EH Bilduk duen ordezkariari eustea du helburu, eta inkestek Sumarri ematen diotena eskuratzeko ahalegietan dabil.